default_image

9 months ago

October 9, 2023

गण्डकीका रवि वीरजङ स्मृति भलिबलमा सर्वाेत्कृष्ट

5394 views

0 Bookmark

काठमाडौं (हाम्रो खेलकुद) – च्याम्पियन गण्डकी प्रदेश भलिबल संघका ओपन स्पाइकर रवि केसी वीरजङ स्मृति खुल्ला पुरुष राष्ट्रिय भलिबल प्रतियोगितामा सर्वाेत्कृष्ट खेलाडी घोषित भएका छन् ।

गण्डकीलाई अपरााजित राख्दै च्याम्पियन बनाउन रविले सबै पाँच सानदार प्रदर्शन गरेका थिए । उनले मायाको चिनोसँगै नगद २० हजार रुपैयाँ र प्रमाणपत्र प्राप्त गरे ।

गण्डकीकै सरोज वर्देवा प्रतियोगिताको उदियमान खेलाडी बने । उनले पनि गण्डकीलाई च्याम्पियन बनाउन सानदार प्रदर्शन गरेका थिए । उनले २ हजार रुपैया प्राप्त गरे ।

व्यत्तिगत विधातर्फ स्पाइकरमा गण्डकीका किरण गुरौं, ब्लकरमा पुलिसका द्धारिका थापा, सेटरमा पुलिसका बलराम गुरुङ, सर्भरका ओसाका जापानका भारतीय खेलाडी समिर चौधरी, गण्डकीका कुञ्जन शाही ठकुरी उत्कृष्ट लिवेरो र गण्डकीकै रमेश केसी उत्कृष्ट प्रशिक्षक चुनिए । व्यत्तिगत विधाका सबै उत्कृष्टले मायाको चिनोसँगै जनही ५ हजार रुपैयाँ र प्रमाण पत्र प्राप्त गरे ।

काठमाडौँको नयाँ बसपार्कस्थित ढोरपाटन भलिबल प्रशिक्षण केन्द्रमा सोमबार भएको फाइनलमा विभागीय नेपाल पुलिस क्लबलाई ३–१ को सेटमा पराजित गर्दै गण्डकी प्रदेश भलिबल संघ च्याम्पियन बनेको छ ।

पहिलो सेट २५–१७ ले जितेको गण्डकीले दोस्रो सेट १७–२५ ले नै गुमाउन पुगेको थियो । प्रतिस्पर्धात्मक तेस्रो सेट गण्डकीले २५–२१ ले आफ्नो पक्षमा पार्दे जिततर्फ अग्रसर बन्यो । चौथो सेटमा सुरुवातदेखि नै अग्रता लिदै गण्डकीले २५–२१ ले जित्दै खेल आफ्नो पक्षमा पार्दे च्याम्पियन बन्न सफल भयो ।

गण्डकीले तीन साता अघि पोखरामा भएको लामाचौर कप भलिबल प्रतियोगितामा पनि पुलिसलाई ३–२ को सेटमा पराजित गर्दै च्याम्पियन बनेको थियो ।

उपाधिसँगै गण्डकीले ५ लाख रुपैयाँ, ट्रफी, मेडल र प्रमाणपत्र प्राप्त गरेको छ । दोस्रो भएको पुलिसले २ लाख ५० हजार रुपैयाँ हात पारेको छ । सोमबारै नेपाल एपिएफ क्लबलाई २५–२०, २५–२१ र २५–२३ को सोझो सेटमा पराजित गर्दै धौलागिरी रेष्टुरेन्ट ओसाका जापानले तेस्रो स्थान हासिल गरेको छ । तेस्रो भएको ओसाका जापानले १ लाख र चौथो भएको एपिएफले ५० हजार रुपैयाँ प्राप्त गरेको छ ।

विजयी टोली तथा खेलाडीलाई नेपाल कम्युनिष्ट पार्टीका महासचिव नेत्र विक्रम चन्द (विप्लव), नेपाल गणतान्त्रिक खेलकुद महासंघका अध्यक्ष जयन्द्र बहादुर चन्दविजयी टोली तथा खेलाडीलाई नेपाल कम्युनिष्ट पार्टीका महासचिव नेत्र विक्रम चन्द (विप्लव), नेपाल गणतान्त्रिक खेलकुद महासंघका अध्यक्ष जयन्द्र बहादुर चन्द र नेपाल भलिबल संघका अध्यक्ष जितेन्द्र बहादुुर चन्दलगायतले पुरस्कृत गरे ।

नेपाल गणतान्त्रिक खेलकुद महासंघको आयोजनामा १८ असोजदेखि सुरु भएको प्रतियोगितामा ९ टोलीको सहभागिता रहेको छ ।

वीरजङ स्मृति भलिबलका उत्कृष्टहरु
सर्वाेत्कृष्ट –
रवि केसी (गण्डकी)
उदियमान – सरोज वर्देवा (गण्डकी)
स्पाइकर – किरण गुरौं (गण्डकी)
ब्लकर – द्धारिका थापा (पुलिस)
सेटर – बलराम गुरुङ (पुलिस)
सर्भर – समिर चौधरी (ओसाका जापान)
लिवेरो – कुञ्जन शाही ठकुरी (गण्डकी)
प्रशिक्षक – रमेश केसी (गण्डकी)

July 15, 2024

अर्जेन्टिनालाई कोपा अमेरिका उपाधि

एजेन्सी – अर्जेन्टिनाले कोपा अमेरिका २०२४ को उपाधि जितेको छ । लगातार दोस्रो पटक उपाधि जित्ने क्रममा अर्जेन्टिनाले कोलम्बियालाई अतिरिक्त समयमा १-० ले हराएको हो । अर्जेन्टिनाका लागि लौतारो मार्टीनेजले १ सय १२औं मिनेटमा गोल गरे । ९७औं मिनेटमा मैदान प्रवेश गरेका उनले जियोभानी लो सेल्सोको थ्रु पासमा गोल गर्दै अर्जेन्टिनालाई उपाधि दिलाएका हुन् । […]

July 12, 2024

प्रिन्स पेरिस ओलम्पिकको कठिन समूहमा

काठमाडौं (हाम्रो खेलकुद) – नेपाली ब्याडमिन्टनका उदियमान स्टार प्रिन्स दाहाल पेरिस ओलम्पिक २०२४ मा कठिन समूह मा परेका छन् । ब्याडमिन्टनको जुनियर विश्व वरीयताका पूर्व नम्बर एक भइसकेका प्रिन्स समूह ‘पी’ मा विश्व वरीयताको दोस्रो स्थानका डेनमार्कमा भिक्टर एक्सेलसनसँगै परेका छन् । विश्व ब्याडमिन्टन महासंघ (बिडब्लुएफ) को मुख्यालय मलेसियाको क्वालालम्पुरमा शुक्रबार भएको समुह विभाजनमा प्रिन्सको […]

July 11, 2024

मानबहादुर फेवा एजुकेशन एण्ड माइग्रेसनको ब्रान्ड एम्वासडर

सिड्नी (हाम्रो खेलकुद) – नेपाली राष्ट्रिय पुरुष भलिबल टोलीका कप्तान मानबहादुर श्रेष्ठ अस्ट्रेलियाको सिड्नीमा रहेको फेवा एजुकेशन एण्ड माइग्रेसनको ब्रान्ड एम्वासडरमा नियुक्त भएको छ । फेवा एजुकेशन एण्ड माइग्रेसनले कप्तान तथा स्पाइकर मानबहादुर श्रेष्ठलाई दुई वर्षको लागि ब्रान्ड एम्वासडरमा नियुक्त गरेको हो । फेवा एजुकेशन एण्ड माइग्रेसनका निर्देशक योगेश श्रेष्ठ र मान बहादुरले सम्झौता पत्रमा […]

Success

Thank you for your time.