7 months ago
October 14, 2023
काठमाडौं (हाम्रो खेलकुद) – त्रिभुवन आर्मी क्लबका होमलाल श्रेष्ठले शनिबार १५ औं काठमाडौं म्याराथनको उपाधि जितेका छन् । उनलाई कसैले पनि चुनौती दिन सकेनन् । सुरूदेखि नै अग्रता बनाएका होमले निर्धारित (४२.१९५ किलोमिटर) दौड २ घण्टा ३० मिनेट २५ सेकेन्डमा पूरा गर्दै च्याम्पियन बनेका हुन् । म्याराथनमा दुई घण्टा ३० मिनेट खराब टाइमिङ मानिन्छ । […]
काठमाडौं (हाम्रो खेलकुद) – त्रिभुवन आर्मी क्लबका होमलाल श्रेष्ठले शनिबार १५ औं काठमाडौं म्याराथनको उपाधि जितेका छन् । उनलाई कसैले पनि चुनौती दिन सकेनन् ।
सुरूदेखि नै अग्रता बनाएका होमले निर्धारित (४२.१९५ किलोमिटर) दौड २ घण्टा ३० मिनेट २५ सेकेन्डमा पूरा गर्दै च्याम्पियन बनेका हुन् । म्याराथनमा दुई घण्टा ३० मिनेट खराब टाइमिङ मानिन्छ । १२ औं संस्करणको उपाधि समेत जितेका होमलाले यसअघि २ घन्टा २० मिनेटमा दौड पूरा गरेका थिए ।
एपिएफका सन्तोष बिष्ट दोस्रो भए । उनले २ घण्टा ३७ मिनेट ०१ सेकेण्डमा दुरी तय गरे । २ घण्टा ४३ मिनेट ०१ सेकेन्डको टाइमिङका साथ एपिएफका राजन चौधरी तेस्रो भए । त्रिपुरेश्वरस्थित दशरथ रंगशालाबाट सुरु भएको म्याराथन ललितपुर, भक्तपुर जिल्ला विभिन्न स्थान हुँदै पुनः रंगशाला पुगेर टुंगिएको थियो ।
पहिलो भएका होमलालले १ लाख नगद सहित इन ड्राइभरले प्रायोजन गरेको इलेक्ट्रिक स्कुटर प्राप्त गरे । सन्तोषलले ५० हजार र राजनले २५ हजार रुपैयाँ पाए ।
हाफ म्याराथन उपाधि खड्ग र विन्द्रालाई
आर्मीकै खड्ग बहादुर खड्का पुरुषतर्फको हाफ म्याराथन उपाधि जिते । १ घण्टा ०७.२९ सेकेन्डमा दौड पूरा गरेका थिए । उनले १३ औं दक्षिण एसियालली खेलकुद (साग) मा म्याराथनमा स्वर्ण विजेता किरण सिंह बोहटीलाई लाई पछि पारेका थिए ।एपिएफका किरण दोस्रो भए । उनले १ घण्टा ०८. ५६ सेकेन्डमा दुरी पुरा गरेका थिए । एपिएफका राजेन्द्र तामाङ (१ घन्टा १४ मिनेट ३७ सेकेन्ड) तेस्रो भए ।
एपिएफकी विन्द्रा श्रेष्ठले महिलातर्फको हाफ म्याराथन उपाधि जितिन् । उनले १ घण्टा २५ मिनेट ४१ सेकेन्डमा दुरी पुरा गरेकी हुन् । काठमाडौं म्याराथनमा उनको छैटौं उपाधि हो। यसअघि उनले पहिलो देखि पाँचौ संस्करणको उपाधि जितेकी थिइन् । ९ वर्षपछि खेलेकी बृन्द्रा च्याम्पियन बनेकी हुन् ।
आर्मीकी पूर्ण लक्ष्मी न्यौपाने दोस्रो (१ घन्टा २७ मिनेट ०७ सेकेन्ड) र नेपाल प्रहरीकी सुमित्रा चौधरी ( १ घन्टा ३० मिनेट ३८ सेकेन्ड) तेस्रो भइन् । महिला र पुरुष दुवै तर्फको हाफ म्याराथनका विजेताले ५० हजार, दोस्रोले २५ हजार र तेस्रो हुने खेलाडीले १० हजार रुपैयाँ प्राप्त गरे ।
यसैगरी ५ किलोमिटर खुल्ला पुरूषतर्फ १७ मिनेट ५१. २८ सेकेण्डमा दुरी पूरा गर्दै पुलिसका नागेश्वर अहिर विजयी बने । एपिपएफका सञ्जिव नेपाली दोस्रो र आर्मीका गोपाल तामाङ तेस्रो भए ।
५ किलोमिटर महिलातर्फ भने आर्मीर्की बिमला तामाङ सफल भइन् । उनले २१ मिनेट ३९. ८१ सेकेण्डको टाइमिङमा दौड पूरा गरिन् । आर्मीकै बबिता राई दोस्रा र वसन्ती गोले तेस्रा भइन् । ५ किलोमिटर विद्यालयतर्फ छात्रामा पुर्णिमा श्रेष्ठ र छात्रतर्फ कृष्ण बहादुर श्रेष्ठले उपाधि जिते ।
एनआरएस स्पोर्टस फाउन्डेसनको आयोजनामा भएको म्याराथनका विजेतलाई राष्ट्रिय खेलकुद परिषद्का सदस्य सचिव टंकलाल घिसिङ, नेपाल ओलम्पिक कमिटीका अध्यक्ष जीवनराम श्रेष्ठ, शसस्त्र प्रहरीका पूर्व महानिरिक्षक सिंहबहादुर श्रेष्ठ,इन ड्राइभकी हेड अफ स्पोर्टस एना फेड्रिक, क्याथे प्यासिफिककी कन्ट्री हेड जुनु मेलेखु, हिमाल बेकरीका मेनेजिङ डाइरेक्टर सुवोधबहादुर प्रधानाङ्गलगायतले पुरस्कृत गरेका थिए ।
April 28, 2024
एजेन्सी – जारी इंडियन प्रिमियर लिग (आईपिएल) को शीर्ष स्थानमा रहेको राजस्थान रोयल्सले अंकदूरी बढाएको छ । नवौं खेलमा आठौ जित दर्ता गर्ने क्रममा राजस्थानले लखनऊ सुपर जाएन्ट्स माथि ७ विकेटको सहज जित दर्ता गरेको हो । लखनऊले दिएको १९७ रनको लक्ष्य पछ्याएको राजस्थानले ६ बल बाँकी छँदै लक्ष्य ३ विकेट मात्र गुमाएर भेटायो । […]
April 27, 2024
एजेन्सी – इंग्लिश प्रिमियर लिग उपाधि दावेदार मानिएको लिभरपुल लाई उपाधि आकांक्षामा अर्को धक्का लागेको छ । पछिल्लो समय खराब लयमा रहेको लिभरपुल आज भएको खेलमा वेस्ट ह्याम विरुद्ध २-२ को बराबरीमा रोकिएको हो । पछि परेको अवस्था उल्ट्याउँदै अग्रता लिएको लिभरपुल अन्तिममा भने बराबरीमा रोकियो । ४३औं मिनेटमा जेरड बावेनले मोहम्मद कुडुसको क्रसमा हेडर […]
April 27, 2024
काठमाडौं (हाम्रो खेलकुद) – च्याम्पियन नेपाल एपिएफ क्लबकी स्पाइकर निरुता ठगुन्ना सातौं केएनपी नेरोलेक राष्ट्रिय महिला भलिबल प्रतियोगिताको सर्वाेत्कृष्ट खेलाडी घोषित भएकी छिन् । एपिएफलाई अपराजित रहेर च्याम्पियन बनाउन निरुताले सबै खेलमा सानदार प्रदर्शन गरेकी थिइन् । सर्वाेत्कृष्ट बनेसँगै निरुताले ५० हजार रुपैयाँसँगै ट्रफी प्राप्त गरेकी छिन् । व्यक्तिगत विधामा पनि च्याम्पियन एपिएफकै खेलाडीको वर्चश्व […]