default_image

8 months ago

October 29, 2023

कन्यास्थानलाई कुपा कप फुटबल उपाधि

486 views

0 Bookmark

काठमाडौं (हाम्रो खेलकुद) – कन्यास्थान युवा क्लब पुरानोपानी नुवाकोटले तेस्रो कुपा कप खुल्ला नकआउट फुटबल प्रतियोगिताको उपाधि चुम्न सफल भएको छ ।

आइतबार भएको फाइनलमा विद्यार्थी उपकार सघ पात्लेलाई टाइब्रेकरमा ५–४ ले पराजित गर्दै उपाधि जित्न सफल भएको हो ।

धादिङको निलकन्ठ नगरपालिका – १४ धुवाकोटस्थित कुपा खेल मैदानमा भएको प्रतिस्पर्धात्मक खेलमा दुवै टोलीबाट निर्धारित समयमा कुनै गोल गर्न नसकेपछि खेलको निर्णय टाइब्रेकरबाट लिइदा कन्यास्थानले बाजी मारेको हो । आइतबार नै सेमिफाइनल खेल भएको थियो ।

उपाधिसँगै विजेता कन्यास्थानले ५० हजार ५ सय, ट्रफी, मेडल र प्रमाणपत्र प्राप्त गरेको छ । दोस्रो भएको विद्यार्थीले ३० हजार ५ सय, ट्रफी मेडल र प्रमाणपत्र हात पारेको छ ।

सेमिफाइनल पराजित भएका जन आवाज युवा क्लब र म्हेन्दोफोले युवा क्लबले समान ५ हजार रुपैयाँ प्राप्त गरेको छ । सर्वाेत्कृष्ट खेलाडी, सर्वाधिक गोलकर्ता, गोलरक्षक र डिफेन्डरले आकर्षक पुरस्कार हात पारेको गर्नेछ ।

कुपा युवा समाजद्धारा ६ कार्तिकबाट शुरु भएको प्रतियोगितामा ४० टोलीको सहभागिता रहेको थियो । पहिलो संस्करणमा भङेरी युवा क्लब धुवाकोट तथा दोस्रोमा थर्पु युवा क्लब दब्जोङ च्याम्पियन बनेको थियो ।

नरेन्द्रलाई मिनि म्याराथन दौड उपाधि

नेपाली सेनामा कार्यरत बैतडीका धावक नरेन्द्र राउतले तेस्रो संस्करणको मिनि म्याराथन (१० किमि) को उपाधि हात पारेको छ । उनले आर्मीमै कार्यरत बैतडीकै मोहन देव जोशीलाई पछि पार्दै पहिलो भएका हुन् ।

खोटाङका श्रीकाश राई तेस्रो तथा खनियाबास धादिङका विशाल गुरुङले चौथो स्थान हासिल गरे । मिनि म्याराथनको विजेता नरेन्द्रले २० हजार, मेडल प्रमाणपत्र हात पारेको छ । दोस्रो भएका मोहनले १० हजार, मेडल र प्रमाणपत्र पाएको छ ।

मिनि म्याराथन कुपा खेल मैदानबाट सुरु भई छाप, देउराली, गहते, गनेडाडा, पात्ले र काउले हुँदै सोही रुटबाट फर्किएर कुपा खेल मैदानमा आएर टुंगिएको थियो ।

पहिलो संस्करणमा खनियावास धादिङका श्रीलाल तामाङ तथा दोस्रोमा नेपाली सेनामा कार्यरत बैतडीका मोहन जोशी पहिलोे भएको थियो ।

फुटबल र मिनि म्याराथनका विजेतालाई निलकन्ठ नगर पालिकाका प्रमुख भीम प्रसाद ढुंगाना, उपप्रमुख दिपक विश्वकर्मा, वडा नम्वर १४ का अध्यक्ष नमराज दुवाडीलगायतले पुरस्कृत गरे ।

नुवाकोट र धादिङको सिमानामा रहेको यस कुपा गाँउमा पछिल्लो दुई वर्षयता फुटबल र मिनि म्याराथनसँगै परम्परागत रोटेपिङ र सास्कृतिक कार्यक्रम हुदै आइरहेको छ ।

June 10, 2024

छन्त्याल र ढोरपाटनलाई भलिबल उपाधि

सिड्नी (हाम्रो खेलकुद) – छन्त्याल परिवार अस्ट्रेलिया (सिपिए) र ढोरपाटन क्लब अस्ट्रेलियाले मोना एकदिने पुरुष तथा महिला भलिबलको उपाधि जितेका छन् । छन्त्याल पुरुषमा तथा ढोरपाटन महिलामा च्याम्पियन बनेका हुन् । छन्त्याल परिवारले आयोजक म्याग्दी प्रवासी नेपाली संघ (मोना) अस्ट्रेलियालाई ३–२ को सेटमा पराजित गर्दै उपाधि जित्न सफल भएको हो । ओबर्न बास्केटबल सेन्टर लिडकममा […]

June 9, 2024

अष्ट्रेलियाले इंग्ल्यान्डलाई हरायो

एजेन्सी – अष्ट्रेलियाले आइसीसी टि२० विश्वकप अन्तर्गत समूह बी को खेलमा इंग्ल्यान्डलाई पराजित गरेको छ । प्रतियोगितामा लगातार दोस्रो जित हासिल गरेको अष्ट्रेलियाले ३६ रनको जित दर्ता गर्यो । बार्बाडसमा पहिलो ब्याटिङको निम्तो पाएको अष्ट्रेलियाले २० ओभरमा ७ विकेट गुमाएर २ सय १ रन जोडेको थियो । अष्ट्रेलियाका कुनैपनि ब्याटरले ४० रन कटाएनन् तर आक्रामाक […]

June 8, 2024

गण्डकीलाई हराउँदै हेल्प नेपाल च्याम्पियन

काठमाडौं (हाम्रो खेलकुद) – गण्डकी प्रदेश भलिबल संघलाई पराजित गर्दै साविक विजेता टिप टप हेल्प नेपाल आठौं पिएम एनभिए भलिबल लिगको पुरुषतर्फ च्याम्पियन बनेको छ । शनिबार भएको फाइनलमा गण्डकी प्रदेशमाथि ३–१ को सेटमा जित निकाल्दै हेल्प नेपालले उपाधि रक्षा गर्न सफल भएको हो ।त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा भएको फाइनलमा नेपालीसँगै भारतीय […]

Success

Thank you for your time.