काठमाडौं (हाम्रो खेलकुद) – नेपाली महिला भलिबलको चर्चित ढोरपाटन महिला डबल लिग भलिबल प्रतियोगिताको १६औं संस्करण आगामी माघ दोस्रो सातादेखि आयोजना हुने भएको छ ।

आयोजक ढोरपाटन स्पोर्ट्स क्लबले कोरोना भाइरस (कोभिड–१९) पछि रोकिएको ढोरपाटन महिला डबल लिग भलिबल प्रतियोगिताको १६औं संस्करण माघ १२ देखि २२ गतेसम्म हुने काठमाडाैंमा हुने जानकारी गराएको छ । ११ दिनसम्म चल्ने प्रतियोगितामा सहभागी हुने टोलीको टुंगो लागि नसकेको क्लबले जनाएकाे छ ।

झन्डै ४ वर्षपछि हुन लागेको प्रतियोगिताको पुरस्कार राशिमा समेत वृद्धि गरिएको आयाेजक ढाेरपाटन क्लबले जनाएकाे छ ।यसपल्टको विजेताले ५ लाख १ हजार रुपैयाँसँगै ट्रफी, मेडल र प्रमाणपत्र प्राप्त गर्नेछ । अघिल्लो वर्ष (२०७६) काे विजेताले ४ लाख ५ हजार रुपैयाँ प्राप्त गरेकाे थियो । दोस्रो हुने टोलीले २ लाख ५० हजार, तेस्रोले १ लाख २५ हजार, चौथोले ७५ हजार, पाँचौले ५० हजार, छैटौले २५ हजार रुपैया हात पार्नेछ ।

प्रतियोगिताको सर्वाेत्कृष्ट खेलाडीले एक स्थान स्कुटर र विधागतका उत्कृष्टलाई समान ५ हजार प्रदान गरिने छ । प्लेयर अफ दि म्याच र भाग्यशाली दर्शकको लागि पनि आकर्षक पुरस्कार राखिएको क्लबका अध्यक्ष मनवीर छन्त्यालले जानकारी गराए ।

१५औं संस्करण सकिदा एपीएफले सर्वाधिक ८ पटक उपाधि जितेको छ । पाँच पटक पोखराको ज्ञानुबाबाले जितेको छ । समान एक पटक नेपाल पुलिस क्लब र रिड मोडलले जितेको छ । पहिलो संस्करण पुरुषको आयोजना हुदा आर्मी च्याम्पियन बनेको थियो ।

१६औं संस्करणकाे ढोरपाटन महिला डबल लिग भलिबल प्रतियोगिताको अनुमानित बजेट ५१ लाख रुपैयाँ रहेकाे छ । क्लबले प्रतियोगिताको बजेट प्रायाेजक, टिकटबाट उठेकाे रकम र