default_image

2 months ago

December 23, 2023

रशिला र प्रिन्सलाई ललितपुर मेयर कपको उपाधि

काठमाडौं (हाम्रो खेलकुद) – युवा ब्याडमिन्टन खेलाडीद्वय रशिला महर्जन र प्रिन्स दाहालले ललितपुर मेयर कपको उपाधि रक्षा गरेका छन् । ललितपुर जिल्ला ब्याडमिन्टन संघको आयोजना तथा बालकुमारी रिमिक्स क्लबको सह आयोजनामा भएको प्रतियोगिताको पहिलो संस्करणका विजेता सेनाकी रशिला महर्जन र एपिएफका प्रिन्स दाहालले दोश्रो संस्करणको दोश्रो ललितपुर मेयर कप राष्ट्रिय ब्याडमिन्टन प्रतियोगिताको उपाधी रक्षा गरेका […]

180 views

0 Bookmark

काठमाडौं (हाम्रो खेलकुद) – युवा ब्याडमिन्टन खेलाडीद्वय रशिला महर्जन र प्रिन्स दाहालले ललितपुर मेयर कपको उपाधि रक्षा गरेका छन् ।

फाइल तस्विर

ललितपुर जिल्ला ब्याडमिन्टन संघको आयोजना तथा बालकुमारी रिमिक्स क्लबको सह आयोजनामा भएको प्रतियोगिताको पहिलो संस्करणका विजेता सेनाकी रशिला महर्जन र एपिएफका प्रिन्स दाहालले दोश्रो संस्करणको दोश्रो ललितपुर मेयर कप राष्ट्रिय ब्याडमिन्टन प्रतियोगिताको उपाधी रक्षा गरेका हुन् ।

महिला एकलतर्फ रशिलाले आफ्नो क्लब सेनाकै अनुमाया राईलाई २१–९ र २१–१५ ले तथा प्रिन्सले सेनाका प्रफुल महर्जनलाई २१–१४ र २१–१७ ले पराजित गरे । महिलातर्फ पुलिसकी निता लम्साल र सेनाकी रेहना शेरचन तथा पुरुषतर्फ पुलिसका बिष्णु कटुवाल र जीवन आचार्य संयुक्त तेश्रो भए ।

पुरुष युगल (शिर्ष २० बरियता बाहेक) को उपाधी कास्कीका विधान अधिकारी र सेनाका पविन लिनथेपको जोडीले उचाले । उक्त जोडीले बालकुमारी रिमिक्स क्लबका ससिन डंगोल र सुमन शाक्यलाई हराए । सेनाका विवेक चौधरी र पविन लिनथेप तथा नरेन्द्र बम र हिमाल चन्द संयुक्त तेश्रो भए ।

ललितपुर महानगरपालिकाको मुख्य प्रायोजनामा भएको प्रतियोगिताको यु–१७ पुरुषतर्फ सेनाका कविर केसीले सेनाकै अभय महरालाई २१–९, २१–४ ले पराजित गर्दै उपाधी हात पारे । गुल्मीका जेनिस शेरचन र सेनाका सुप्रिम पन्थ तेस्रो भए ।

यस्तै महिला यु–१७ मा कास्कीकी दिलाशा रानालाई २१–१८, २१–१० ले पराजित गर्दै सेनाकी रेहाना शेरचनले उपाधी उचालिन् । तेश्रो स्थानमा ललितपुरकी श्रेया बज्राचार्य र टिशा रानी शाक्य रहे ।

पुरुष ४५ बर्ष माथिको युगलतर्फको खेलमा कास्कीका कास्कीका डोल राज आले र कुस्माका प्रेम गुरुङलाई पराजित गर्दै कास्कीकै राजेश गुरुङ र शम्भु कुमार श्रेष्ठको जोडी पहिलो भए । पिस फिटनेश सेन्टरका संजय कपाली र अनिल थाम्सुहाङ्गको जोडी र चन्द्रागिरी ब्याडमिन्टन क्लबका हरि खत्री र राजकुमार पोखरेलको जोडी संयुक्त तेश्रो भए ।

बिजयी खेलाडीहरुलाई प्रमुख अतिथी ललितपुर महानगरापालिकाका मेयर चिरीबाबु महर्जन, नेपाल ब्याडमिन्टन संघका अध्यक्ष रामजी बहादुर श्रेष्ठ, महासचिव बिरेन्द्र बहादुर श्रेष्ठ लगायतले पुरस्कार वितरण गरेका थिए ।

प्रतियोगितामा पुरुष एकल र महिला एकलतर्फ बिजयी खेलाडीहरुले नगद ४० हजार, उपविजयी खेलाडीहरुले नगद २० हजारका साथ मेडल, प्रमाणपत्र र ट्रफी प्राप्त गरे । यस्तै तेश्रो स्थान प्राप्त गर्ने दुई खेलाडी प्रत्येकले नगद १० हजारका साथ मेडल, प्रमाणपत्र र ट्रफी प्राप्त गरे ।

यसैगरि पुरुष युगल तर्फका विजयी जोडीले नगद ४० हजार, उपविजयी जोडीले नगद २० हजार र तेश्रो स्थान प्राप्त गर्ने प्रत्येक जोडीले नगद १० हजार सहित मेडल, प्रमाणपत्र र ट्रफी प्राप्त गरे ।

खेलाडीहरुले नगद २० हजार, उपविजयीले नगद १० हजार र तेश्रो स्थान प्राप्त गर्ने खेलाडीहरुले नगद ५ हजार मेडल, प्रमाणपत्र र ट्रफी प्राप्त गरे । प्रतियोगिताको खर्च करिव ३० लाख रहेको थियो ।

५ दिन सम्म संचालन भएको प्रतियोगितामा २६७ खेलाडीहरुले विभिन्न ६ स्पर्धामा प्रतिस्पर्धा गरेका थिए ।

February 23, 2024

धम्पुस उत्सवमा पुरुष र महिला भलिबल हुने

काठमाडौं (हाम्रो खेलकुद) – पर्यटकीय नगरी कास्कीकाे रमणीय गाँउ माछापुच्छ्रे गाउँपालिका ७ धम्पुस मिलन टोलमा यसै महिनाको अन्त्यदेखि पुरुष र महिला भलिबलसँगै प्रौढ भलिबल प्रतियोगिता आयोजना हुने भएको छ । माछापुच्छ्रे गाउँपालिका ७ धम्पुसको संयोजन तथा मिलन युवा क्लबको आयोजनामा प्रतियोगिता फागन ३० देखि चैत ३ गतेसम्म आयोजना हुने भएको हो । पुरुषतर्फ कास्की जिल्ला […]

February 23, 2024

साम्बाले समर्थकलाई दिइन् धन्यवाद

काठमाडौं (हाम्रो खेलकुद) – राष्ट्रिय महिला फुटबल टोलीबाट ५० अन्तर्राष्ट्रिय गोल पूरा गरेपछि सावित्रा भण्डारी साम्बाले आफ्ना समर्थकलाई धन्यवाद दिएकी छिन् । साउदी अरेबियामा जारी वाफ च्याम्पियनसिपमा बिहीबार आयोजक इराकविरुद्ध ५–० को जितमा सबै गोल गरेकी साम्बाको ५० गोल पूरा भएको थियो । अन्तर्राष्ट्रिय फुटबलमा नेपालका लागि ५० गोल पूरा गर्ने उनी पहिलो खेलाडी हुन् […]

February 19, 2024

दीलिप राणा स्मृति भेट्रान फुटबल – अभिषेक चर्च र चितवन निलो विजयी

सुशिल पन्त क्षेत्री, भरतपुरस्व. दीलिप राणा स्मृति अन्तर्राष्ट्रिय आमन्त्रण चितवन भेट्रान कप सुरु भएको छ । चितवन भेट्रान फुटबल क्लबको आयोजनामा सोमबार सुरु भएको प्रतियोगितामा अभिषेक चर्च रजहर र आयोजक निलोले विजयी सुरुवात गरेको छ । पहिलो खेलमा अभिषेक चर्च रजहरले वीरगन्ज सिटी भेट्रानलाई २-१ ले हरायो । अभिषेक चर्चको जितमा हरिप्रसाद पाण्डे र कप्तान […]

Success

Thank you for your time.