default_image

7 months ago

December 24, 2023

गोर्खालाई अन्तर्राष्ट्रिय पुरुष भलिबल कप उपाधि

710 views

0 Bookmark

काठमाडौं (हाम्रो खेलकुद) – आयोजक द गोर्खा स्पोर्ट्स क्लब अष्ट्रेलियाले प्रथम अजी फाइनान्स अन्तर्राष्ट्रिय पुरुष भलिबल कपको उपाधि जितेको छ ।

आइतबार भएको फाइनलमा सनराइज युथ क्लब अष्ट्रेलियालाई ३–० को सोझो सेटमा पराजित गर्दै नेपाली राष्ट्रिय टोलीका स्पाइकर विशाल बहादुर विक सम्मिलिथ गोर्खाले उपाधि जित्न सफल भएको हो ।

अष्ट्रेलियाको नेसनल स्पोर्ट्स हल लाकेम्वामा भएको रोमाञ्चक र प्रतिस्पर्धात्मक बनेको पहिलो सेट २५–१७ ले जित्न सफल भयो । सुरुवातमा प्रतिस्पर्धा भएपनि गोर्खाले आफ्नो लय समात्दै खेल आफ्नो पक्षमा पार्यो ।

दोस्रो सेटमा पनि गोर्खाले पहिलो सेटको लयलाई निरन्तरता दिदै २५–१९ ले आफ्नो पक्षमा पार्दै जिततर्फ अग्रसर बन्यो । तेस्रो सेटमा सुरुवातदेखि नै पछि परेको गोर्खाले पूनरागमन गर्दै २५–२३ को रोमाञ्चक र प्रतिस्पर्धात्मक जित निकाल्दै उपाधि जित्न सफल भयो ।

उपाधिसँगै गोर्खाले ३ हजार ५ अष्ट्रेलियन डलरसँगै कप, मेडल र प्रमाणपत्र प्राप्त गरेको छ । दोस्रो भएको सनराइजले १ हजार ५ सय ५ अष्ट्रेलियन डलर, कप मेडल र प्रमाण पत्र हात पारेको छ । तेस्रो भएको मोना म्याग्दीले ५ सय ५ अष्ट्रेलियन डलरसँगै कप मेडल र प्रमाणपत्र प्राप्त गरेको छ ।

विजयी खेलाडीलाई एनआएनए सिड्नीका पुर्व उपाध्यक्ष तथा न्यु साउथ वेल्सका संयोजक देव गुरुङ, मुख्य प्रायोजक अजी फाइनान्स एण्ड होम लोनका प्रवन्ध निर्देशक बिष्णु हमाल, नेपाल भलिबल संघ अष्ट्रेलियाका उपाध्यक्ष मुक्ति रोक्का, रेफ्री संयोजक चकमान शेरपुजा मगर र नेपाल भलिबल संघ अष्ट्रेलियाका कार्यक्रम संयोजक दीपक अधिकारी र क्लबका अध्यक्ष दिपेन राईलगायतले पुरस्कृत गरे ।

एक दिने प्रतियोगितामा अष्ट्रेलियामा रहेको नेपाली समुदायका विभिन्न १४ टोलीको सहभागिता रहेको थियो । खेलहरु नकआउटको आधारमा भएको थियो ।

July 12, 2024

प्रिन्स पेरिस ओलम्पिकको कठिन समूहमा

काठमाडौं (हाम्रो खेलकुद) – नेपाली ब्याडमिन्टनका उदियमान स्टार प्रिन्स दाहाल पेरिस ओलम्पिक २०२४ मा कठिन समूह मा परेका छन् । ब्याडमिन्टनको जुनियर विश्व वरीयताका पूर्व नम्बर एक भइसकेका प्रिन्स समूह ‘पी’ मा विश्व वरीयताको दोस्रो स्थानका डेनमार्कमा भिक्टर एक्सेलसनसँगै परेका छन् । विश्व ब्याडमिन्टन महासंघ (बिडब्लुएफ) को मुख्यालय मलेसियाको क्वालालम्पुरमा शुक्रबार भएको समुह विभाजनमा प्रिन्सको […]

July 11, 2024

मानबहादुर फेवा एजुकेशन एण्ड माइग्रेसनको ब्रान्ड एम्वासडर

सिड्नी (हाम्रो खेलकुद) – नेपाली राष्ट्रिय पुरुष भलिबल टोलीका कप्तान मानबहादुर श्रेष्ठ अस्ट्रेलियाको सिड्नीमा रहेको फेवा एजुकेशन एण्ड माइग्रेसनको ब्रान्ड एम्वासडरमा नियुक्त भएको छ । फेवा एजुकेशन एण्ड माइग्रेसनले कप्तान तथा स्पाइकर मानबहादुर श्रेष्ठलाई दुई वर्षको लागि ब्रान्ड एम्वासडरमा नियुक्त गरेको हो । फेवा एजुकेशन एण्ड माइग्रेसनका निर्देशक योगेश श्रेष्ठ र मान बहादुरले सम्झौता पत्रमा […]

July 11, 2024

चितवन लिगमा जि ब्वाइज र सौराहा विजयी

सुशिल पन्त क्षेत्री, चितवन सेन्ट्रल कलेज चितवन जिल्ला ए डिभिजन लिग फुटबल बुधबार आई स्टडी जि ब्वाइज र सौराहा युवा समाज विजयी भएका छन् । पहिलो खेलमा जि व्बाइजले पानस युवा क्लबलाई २-० ले पराजित गर्‍यो । टोलीलाई जित दिलाउन प्रयास तामाङ र निशान्त परियारले गोल गरे । खेलको २६ औं मिनेटमा प्रयासको गोलमा जि […]

Success

Thank you for your time.