default_image

2 months ago

December 24, 2023

विशाल सर्वाेत्कृष्ट

काठमाडौं (हाम्रो खेलकुद) – च्याम्पियन द गोर्खा स्पोर्ट्स क्लब अष्ट्रेलियाका ओपन स्पाइकर विशाल बहादुर विक प्रथम अजी फाइनान्स अन्तर्राष्ट्रिय पुरुष भलिबल कपमा सर्वाेत्कृष्ट खेलाडी घोषित भएका छन् । आयोजक द गोर्खा स्पोर्ट्सलाई च्याम्पियन बनाउन विशालले सानदार प्रदर्शन गरेका थिए । एक दिने प्रतियोगिताको चार खेलमा विशालले अल राउन्डर प्रदर्शन गरेका थिए । उनी नै प्रतियोगिताको […]

2353 views

0 Bookmark

काठमाडौं (हाम्रो खेलकुद) – च्याम्पियन द गोर्खा स्पोर्ट्स क्लब अष्ट्रेलियाका ओपन स्पाइकर विशाल बहादुर विक प्रथम अजी फाइनान्स अन्तर्राष्ट्रिय पुरुष भलिबल कपमा सर्वाेत्कृष्ट खेलाडी घोषित भएका छन् ।

आयोजक द गोर्खा स्पोर्ट्सलाई च्याम्पियन बनाउन विशालले सानदार प्रदर्शन गरेका थिए । एक दिने प्रतियोगिताको चार खेलमा विशालले अल राउन्डर प्रदर्शन गरेका थिए ।

उनी नै प्रतियोगिताको अनुशाषित खेलाडी घोषित भए । उनले सर्वाेत्कृष्टको १ सय अमेरिकी डलर तथा अनुशाषितको ५० अष्ट्रेलियन डलर गरी कुल १ सय ५० डलर र ट्रफी हात पारे ।

सर्वाेत्कृष्ट खेलाडीको पुरस्कार नेपाल भलिबल संघका महासचिव रोशन श्रेष्ठले उनको स्वर्गीय बुवा माधव प्रसाद श्रेष्ठको स्मृतिमा प्रायोजन गरेको थियो ।

व्यक्तिगत विधातर्फ पनि च्याम्पयन बनेको गोर्खाले वर्चश्व जमायो । गोर्खाकै शुभम दिसा मगर उदियमान, गोर्खाकै प्रकाश फाल मगर सेटर, प्रेम केसी सर्भर, दिवस गुरुङ लिवेरो र दिपेन्द्र राई उत्कृष्ट प्रशिक्षक चुनिए ।

सनराइजका राजु शेरचन ब्लकर र छन्त्याल परिवार अष्ट्रेलियाका तिलक छन्त्याल उत्कृष्ट स्पाइकर चुनिए । व्यक्तिगत विधाका सबैले समान ५० अष्ट्रेलियन डलरसँगै ट्रफी हात पारे ।

आइतबार भएको फाइनलमा सनराइज युथ क्लब अष्ट्रेलियालाई ३–० को सोझो सेटमा पराजित गर्दै आयोजक द गोर्खा स्पोर्ट्स क्लब अष्ट्रेलियाले प्रथम अजी फाइनान्स अन्तर्राष्ट्रिय पुरुष भलिबल कपको उपाधि जितेको छ ।

अष्ट्रेलियाको नेसनल स्पोर्ट्स हल लाकेम्वामा भएको फाइनलमा गोर्खाले २५–१७, २५–१९ र २५–२३ ले पराजित गर्दै उपाधि जित्न सफल भयो ।

उपाधिसँगै गोर्खाले ३ हजार ५ अष्ट्रेलियन डलरसँगै कप, मेडल र प्रमाणपत्र प्राप्त गरेको छ । दोस्रो भएको सनराइजले १ हजार ५ सय ५ अष्ट्रेलियन डलर, कप मेडल र प्रमाण पत्र हात पारेको छ । तेस्रो भएको मोना म्याग्दीले ५ सय ५ अष्ट्रेलियन डलरसँगै कप मेडल र प्रमाणपत्र प्राप्त गरेको छ ।

विजयी खेलाडीलाई एनआएनए सिड्नीका पुर्व उपाध्यक्ष तथा न्यु साउथ वेल्सका संयोजक देव गुरुङ, मुख्य प्रायोजक अजी फाइनान्स एण्ड होम लोनका प्रवन्ध निर्देशक बिष्णु हमाल, नेपाल भलिबल संघ अष्ट्रेलियाका उपाध्यक्ष मुक्ति रोक्का, रेफ्री संयोजक चकमान शेरपुजा मगर र नेपाल भलिबल संघ अष्ट्रेलियाका कार्यक्रम संयोजक दीपक अधिकारी र क्लबका अध्यक्ष दिपेन राईलगायतले पुरस्कृत गरे ।

एक दिने प्रतियोगितामा अष्ट्रेलियामा रहेको नेपाली समुदायका विभिन्न १४ टोलीको सहभागिता रहेको थियो । खेलहरु नकआउटको आधारमा भएको थियो ।

प्रतियोगिताको सर्वाेत्कृष्ट
सर्वाेत्कृष्ट –
विशाल बहादुर विक (गोर्खा)
अनुशाषित – विशाल बहादुर विक (गोर्खा)
उदियमान खेलाडी – शुभम दिसा मगर (गोर्खा)
स्पाइकर – तिलक छन्त्याल (छन्त्याल परिवार)
सेटर – प्रकाश फाल मगर (गोर्खा)
सर्भर – प्रेम केसी (गोर्खा)
ब्लकर – राजु शेरचन (सनराइज)
लिवेरो – दिवस गुरुङ (गोर्खा)
प्रशिक्षक – दिपेन्द्र राई (गोर्खा)

February 25, 2024

नेदरल्यान्ड्सलाई नेपालको सामान्य लक्ष्य

काठमाडौं (हाम्रो खेलकुद) – आइसीसी क्रिकेट विश्वकप लिग-२ अन्तर्गत अन्तिम खेलमा नेपालले नेदरल्यान्ड्ससमक्ष १ सय ७३ रनको सामान्य लक्ष्य प्रस्तुत गरेको छ । टियु क्रिकेट मैदानमा पहिलो ब्याटिङको निम्तो पाएको नेपालले ४९.३ ओभरमा अलआउट हुनुअघि १ सय ७२ रन जोड्यो । नेपालका लागि कुशल भुर्तेलले अर्धशतक जोड्दै महत्त्वपूर्ण इनिङ खेले । तल्लोक्रममा करण केसीले आक्रामक […]

February 24, 2024

बुटवलमा राष्ट्रिय लन टेनिस प्रतियोगिता हुँदै

सुमन अधिकारी, बुटवलरुपन्देही लन टेनिस संघको आयोजनामा बुटवलमा छैटौं राष्ट्रिय खुला लन टेनिस प्रतियोगिता–२०८० हुने भएको छ । प्रतियोगितामा देशभरका शीर्ष वरियताका लन टेनिस खेलाडी प्रतिस्पर्धा गर्ने बताइएको छ। बुटवल उपमहानगरपालिकाको आर्थिक सहयोग तथा रुपन्देही लन टेनिस संघको आयोजनामा फागुन १५ देखि १९ गतेसम्म देविनगर लन टेनिस कम्प्लेक्समा हुने प्रतियोगिताको तयारी अन्तिम चरण पुगेको संघले […]

February 23, 2024

धम्पुस उत्सवमा पुरुष र महिला भलिबल हुने

काठमाडौं (हाम्रो खेलकुद) – पर्यटकीय नगरी कास्कीकाे रमणीय गाँउ माछापुच्छ्रे गाउँपालिका ७ धम्पुस मिलन टोलमा यसै महिनाको अन्त्यदेखि पुरुष र महिला भलिबलसँगै प्रौढ भलिबल प्रतियोगिता आयोजना हुने भएको छ । माछापुच्छ्रे गाउँपालिका ७ धम्पुसको संयोजन तथा मिलन युवा क्लबको आयोजनामा प्रतियोगिता फागन ३० देखि चैत ३ गतेसम्म आयोजना हुने भएको हो । पुरुषतर्फ कास्की जिल्ला […]

Success

Thank you for your time.