default_image

1 month ago

January 11, 2024

रविन सर्वाेत्कृष्ट, पहल उदियमान

सुर्खेत (हाम्रो खेलकुद) – च्याम्पियन नेपाल पुलिस क्लबका स्पाइकरद्धय रविन चन्द र युवा स्टार पहल गहतराज ३४औं राष्ट्रिय भलिबल प्रतियोगिताको सर्वाेत्कृष्ट खेलाडी तथा उदियमान खेलाडी घोषित भएका छन् । रविन सर्वाेत्कृष्ट तथा पहल उदियमान खेलाडी घोषित भएका हुन् । पुलिसलाई ३४औं संस्करणको राष्ट्रिय भलिबल प्रतियोगिताको च्याम्पियन बनाउन यि दुई खेलाडीले सानदार प्रदर्शन गरेका थिए । […]

5581 views

0 Bookmark

सुर्खेत (हाम्रो खेलकुद) – च्याम्पियन नेपाल पुलिस क्लबका स्पाइकरद्धय रविन चन्द र युवा स्टार पहल गहतराज ३४औं राष्ट्रिय भलिबल प्रतियोगिताको सर्वाेत्कृष्ट खेलाडी तथा उदियमान खेलाडी घोषित भएका छन् । रविन सर्वाेत्कृष्ट तथा पहल उदियमान खेलाडी घोषित भएका हुन् ।

पुलिसलाई ३४औं संस्करणको राष्ट्रिय भलिबल प्रतियोगिताको च्याम्पियन बनाउन यि दुई खेलाडीले सानदार प्रदर्शन गरेका थिए । रविनले समूह चरणको तुलनामा सेमिफाइनल र फाइनलमा सानदार प्रदर्शन गरेका थिए । रविनले सर्वोत्कृष्ट खेलाडी वापत पाएको पुरस्कार रकम पुलिसकै पूर्व खेलाडी आयुष्मा पुन मगरलाई प्रदान गर्ने हाम्रो खेलकुदलाई जानकारी दिए । आयुष्माको कलेजो प्रत्यारोपण गर्नुपर्ने अवस्था भएको र आर्थिक सहयोग आवश्यक परेको हुनाले प्रतियोगिताका दौरान उनको स्वास्थ्य उपचार सहयोगको लागि रकम उठाइएको थियो ।

सर्वाेत्कृष्ट खेलाडी बनेका रविनले ट्रफीसँगै १० हजार रुपैयाँ प्राप्त गरे । यस्तै उनलाई लक्ष्मी नारायाण मेमोरियल ट्रष्टबाट १२ हजार, नेपाल भलिबल संघ सुर्खेतका वरिष्ठ उपाध्यक्ष (हाल अमेरिका) ले १० हजार रुपैयाँ, हङकङमा रहेका मोहन बाकमलले ५ हजार रुपैयाँ प्राप्त गरे ।

उदियमान खेलाडी पहलले ट्रफीसँगै ५ हजार रुपैयाँ हात पारे । पुलिसकै कप्तान इम राना सेटर, रविन नगरकोटी ब्लकर, भीम गाहा लिवेरो र चन्द्र कुँवर उत्कृष्ट प्रशिक्षक चुनिए । एपिएफका हेमन्त मल्ल स्पाइकर र गण्डकीका जीवन सुनार उत्कृष्ट सर्भर चुनिए । उनीहरुले समान ५ हजार रुपैयाँसँगै ट्रफी हात पारे ।

कर्णाली प्रदेशको सुर्खेतस्थित विरेन्द्रनगरमा रहेको खुल्लामञ्चको कोर्टमा बिहीबार भएको फाइनलमा साविक विजेता नेपाल एपिएफ क्लबको अपराजित यात्रामा पूर्णविराम लगाउँदै नेपाल पुलिस क्लब ३४औं राष्ट्रिय भलिबल प्रतियोगिताको च्याम्पियन बनेको छ ।

फाइनलमा एपिएफलाई ३–१ को सेटमा पराजित गर्दै पुलिस च्याम्पियन बन्न सफल भएको हो । पुलिसले सुरुवाती सेट गुमाएपनि त्यसपछिको तीन सेट आफ्नो पक्षमा पार्दै उपाधि जित्न सफल भएको हो ।

यससँगै पुलिसले समूह चरणमा एपिएफसँग भोगेको हारको बदला लिएको छ । समूह चरणमा पुलिस एपिएफसँग ३–१ को सेटमा पराजित भएको थियो ।

वर्ष २०८० मा पुलिसले सातौं फाइनल खेल्दा पहिलो उपाधि जित्न सफल भएको हो । पुलिसले पोस्ट बहादुर बोगटी स्मृति कपसँगै ललितपुर मेयर कप, सातौ प्रधानमन्त्री कप एनभिए क्लब लिग, लामाचौर कप, विरजङ स्मृति कप र बुकी कपको फाइनल गुमाएको थियो ।

पुलिसले ललितपुर मेयर कप र बुकी कपमा आर्मी, लामाचौर र विरजङ स्मृति कपमा गण्डकीसँग तथा एनभिए क्लब लिगमा हेल्प नेपाल र पोस्ट बहादुरमा एपिएफसँग हार बेहोरेको थियो ।

पुलिससँगको हारसँगै एपिएफ वर्ष २०८० मा तेस्रो उपाधि जित्नबाट वञ्चित बन्यो । यसअघि एपिएफले प्रथम पोस्ट बहादुर बोगटी स्मृति भलिबल प्रतियोगिता र केशवलाल मेमोरियल खुल्ला भलिबल प्रतियोगिताको उापधि जितेको थियो । एपिएफले पोस्ट बहादुरमा पुलिसलाई र केशवलालमा आर्मीलाई हराएर उपाधि जितेको थियो ।

उपाधिसँगै पुलिसले १ लाख रुपैयाँसँगै शिल्ड, मेडल र प्रमाणपत्र प्राप्त गरेको छ । बिहीबार नै विभागीय त्रिभुवन आर्मी क्लबलाई ३–१ को सेटमा पराजित गर्दै गण्डकी प्रदेशले ३४औं राष्ट्रिय भलिबल प्रतियोगितामा तेस्रो स्थान हासिल गरेको छ ।

२० पुसबाट सुरु भएको प्रतियोगितामा तीन विभागसँगै सात प्रदेश गरी १० टोलीको सहभागिता रहेको थियो । समूह ‘ए’ मा पुलिस, एपीएफ, लुम्बिनी, बागमती र कोशी छन् । समूह ‘बी’ मा आर्मी, गण्डकी, कर्णाली, सुदूरपश्चिम र मधेश रहेका छन् । शीर्ष दुई टोलीले सेसमफाइनल खेलेका थिए ।

प्रतियोगिताको सर्वाेत्कृष्टहरु
सर्वाेत्कृष्ट –
रविन चन्द (पुलिस)
उदियमान – पहल गहतराज (पुलिस)
स्पाइकर – हेमन्त मल्ल (एपिएफ)
सेटर – इम बहादुर राना (पुलिस)
ब्लकर – रविन नगरकोटी (पुलिस)
सर्भर – जीवन सुनार (गण्डकी)
लिवेरो – भीम बहादुर गाहा (पुलिस)
प्रशिक्षक – चन्द्र कुँवर (पुलिस)

February 19, 2024

दीलिप राणा स्मृति भेट्रान फुटबल – अभिषेक चर्च र चितवन निलो विजयी

सुशिल पन्त क्षेत्री, भरतपुरस्व. दीलिप राणा स्मृति अन्तर्राष्ट्रिय आमन्त्रण चितवन भेट्रान कप सुरु भएको छ । चितवन भेट्रान फुटबल क्लबको आयोजनामा सोमबार सुरु भएको प्रतियोगितामा अभिषेक चर्च रजहर र आयोजक निलोले विजयी सुरुवात गरेको छ । पहिलो खेलमा अभिषेक चर्च रजहरले वीरगन्ज सिटी भेट्रानलाई २-१ ले हरायो । अभिषेक चर्चको जितमा हरिप्रसाद पाण्डे र कप्तान […]

February 19, 2024

नामिबियामाथि नेदरल्याण्ड्सको सहज जित

काठमाडौं (हाम्रो खेलकुद) – आफ्नो पहिलो खेलमा नेपाल विरुद्ध हार बेहोरेको नेदरल्याण्ड्सले आईसिसि लिग-२ अन्तर्गत आफ्नो दोस्रो खेलमा सहज जित दर्ता गरेको छ । टियु क्रिकेट मैदानमा सोमबार नेदरल्याण्ड्सले नामिबियालाई ७ विकेटले हराएको हो । १२४ रनको झिनो लक्ष्य पछ्याएको नेदरल्याण्ड्सले २७.२ ओभरमा ३ विकेट गुमाएर पुरा गर्यो । नेदरल्याण्ड्सका लागि ओपनर माइकल लेभिटले ८१ […]

February 17, 2024

सन्तोषको स्मृतिमा जिल्लास्तरीय भलिबल हुने

काठमाडौं (हाम्रो खेलकुद) – गण्डकी प्रदेश तथा स्याङ्जा जिल्लाका महत्वपूर्ण भलिबल खेलाडी स्वर्गीय सन्तोष थापा मगरको स्मृतिमा आमन्त्रित जिल्ला स्तरीय पुरुष भलिबल प्रतियोगिता आयोजना हुने भएको छ । दोस्रो चापाकोट महोत्सव अन्तरगत फागुन ८ देखि १३ गतेसम्म स्व. सन्तोष थापा स्मृति कप आमन्त्रित जिल्ला स्तरीय पुरुष भलिबल प्रतियोगिता आयोजना गर्न लागिएको राजन दर्लामी मगरले जानकारी […]

Success

Thank you for your time.