काठमाडौं (हाम्रो खेलकुद) –  नाथम हस्पिटालिटी कप–२०२४ इन्डोर क्रिकेट गेम (क्रिक्सल) अर्को साता आयोजना हुने भएको छ। पुस २९ गते सुरु हुने प्रतियोगिता ५ दिन सम्म चल्नेछ ।

नेपाल टुरिजम एण्ड होटल म्यानेजमेन्ट इन्स्टिच्युट सञ्चालित ब्याचलर इन होटल म्यानेजमेन्ट (बिएचएम) र ब्याचलर इन ट्राभल एन्ड टुरिजम म्यानेजमेन्ट (बिटिटिएम) मा भर्ना भएका विद्यार्थीहरूका लागि विभिन्न क्लबहरू मध्ये एउटा क्लब हेल्थ एण्ड स्पोर्ट्स, र आईटी, मिडिया एण्ड पब्लिकेशन क्लबले  गोल्फुटार रोयल इन्डोर क्रिकेटमा हुनेछ।

प्रतियोगितामा उपत्यका भित्रका विभिन्न १६ कलेजहरुको सहभागिता रहने बताइएको छ ।प्रतियोगिताको विजेताले ७० हजार र दोस्रो हुने टोलीले  ३५ हजार रुपैयाँ प्राप्त गर्नेछ।

दुबै टोलीले मकवानपुरको टिस्टुङमा रहेको ओम अध्याय रिसोर्टमा एक रात नि:शुल्क बस्न पाउनेछन् । प्रतियोगिताको उत्कृष्ट ब्याट्सम्यान, उत्कृष्ट बलर र उत्कृष्ट खेलाडीले विशेष पुरस्कार प्राप्त गर्नेछन् ।

प्रतिष्ठान स्वास्थ्य तथा खेलकुद तथा आईटी, मिडिया र पब्लिकेशन क्लबका अध्यक्ष रजत विक्रम कार्की र उत्सव पोखरेलले खेलकुद प्रतियोगिताको उद्देश्य विभिन्न कलेज र विद्यार्थीबीच  राम्रो सम्बन्ध स्थापित गर्नु रहेको बताएका छन्।