default_image

2 months ago

February 24, 2024

बुटवलमा राष्ट्रिय लन टेनिस प्रतियोगिता हुँदै

सुमन अधिकारी, बुटवलरुपन्देही लन टेनिस संघको आयोजनामा बुटवलमा छैटौं राष्ट्रिय खुला लन टेनिस प्रतियोगिता–२०८० हुने भएको छ । प्रतियोगितामा देशभरका शीर्ष वरियताका लन टेनिस खेलाडी प्रतिस्पर्धा गर्ने बताइएको छ। बुटवल उपमहानगरपालिकाको आर्थिक सहयोग तथा रुपन्देही लन टेनिस संघको आयोजनामा फागुन १५ देखि १९ गतेसम्म देविनगर लन टेनिस कम्प्लेक्समा हुने प्रतियोगिताको तयारी अन्तिम चरण पुगेको संघले […]

379 views

0 Bookmark

सुमन अधिकारी, बुटवल
रुपन्देही लन टेनिस संघको आयोजनामा बुटवलमा छैटौं राष्ट्रिय खुला लन टेनिस प्रतियोगिता–२०८० हुने भएको छ । प्रतियोगितामा देशभरका शीर्ष वरियताका लन टेनिस खेलाडी प्रतिस्पर्धा गर्ने बताइएको छ।

बुटवल उपमहानगरपालिकाको आर्थिक सहयोग तथा रुपन्देही लन टेनिस संघको आयोजनामा फागुन १५ देखि १९ गतेसम्म देविनगर लन टेनिस कम्प्लेक्समा हुने प्रतियोगिताको तयारी अन्तिम चरण पुगेको संघले जनाएको छ ।

५ दिनसम्म चल्ने प्रतियोगितामा पहिलो पटक कोरियन खेलाडी पनि सहभागी हुन लागेको संघका अध्यक्ष गोपाल ज्ञवालीले बताए ।

प्रतियोगितामा विभिन्न ११ इभेन्टमा विभिन्न उमेर समूहका देशभरका १ सय बढि खेलाडीले भाग लिने प्रतियोगिताका संयोजक सागर थापाले बताए ।

थापाका अनुसार प्रतियोगितामा पुरुष एकल खुला, ३५ वर्ष माथि, ४५ वर्ष माथि र ५५ वर्ष माथि, ६५ माथि, महिला एकल खुला, पुरुष युगल खुला, महिला युगल खुला, पुरुष भेट्रान्स ३५ माथि युगल, पुरुष भेन्ट्रान्स ४५ माथि, पुरुष भेन्ट्रान्स ५५ माथि गरि कुल ११ इभेन्टमा खेल संचालन हुने छ ।

प्रतियोगिता सञ्चालन गर्न देविनगर लन टेनिस कम्प्लेक्समा राष्ट्रिय स्तरका ४ वटा कोर्टको निमार्ण गरिएको र प्रतियोगिताका खेलहरु अन्तराष्ट्रिय नियम अन्तरगत खेलाईने संघका अध्यक्ष ज्ञवालीले बताए ।
‘देशभरका रेकिङ खेलाडीहरु बुटवल आउने र राजधानी बाहिर यस प्रकारको कार्यक्रम पोखरापछि बुटवलमा मात्र गराउन सकिने अवस्था छ,’–ज्ञवालीले भने।

संघका सचिव तथा प्रचारप्रसार संयोजक सबर मियाले प्रतियोगिताको तयारीको काम करिब पूरा भएको एवं बुटवलमा खेलाडीहरु आउने क्रम सुरु भएको जनाएका छन् ।

प्रतियोगिताको महिला/ पुरुष सिगल तर्फ उपाधि विजेताले ६० हजार दोस्रो हुनेले ३० र तेस्रो हुने २० हजार रुपैयाँ प्राप्त गर्नेछन् ।

सिगलतर्फ नै पुरुष ३५ वर्षमाथिको विजेता ४०, दोस्रोले २० हजार र तेस्रोले १० हजार रुपैयाँ प्राप्त गर्नेछन्।
४५ वर्षमाथिका विजेताले ३५, दोस्रोले २० र तेस्रोले १० हजार रुपैयाँ प्राप्त गर्नेछन्।

उपविजेता तथा तृतिय स्थान हासिल गर्ने खेलाडीलाई क्रमश ३५ हजार, २० हजार र १० प्राप्त गर्नेछन्। ५५ वर्षमाथि उमेर समुहको विजेताले २५, दोस्रो १५ र ५ हजार रुपैयाँ प्राप्त गर्नेछन्।
६५ वर्षमाथि उमेर समुहको विजेताले १५ दोस्रो ७ हजार ५ सय तथा तेस्रो ५ हजार रुपैया प्राप्त गर्नेछन्।
यसैगरि डबल्सतर्फ पुरुष /महिला डबल्सको उपाधि विजेताले २० , दोस्रोले १० हजार रुपैयाँ गर्नेछन् ।
यसैगरि भेन्ट्रान्स डबल्सतर्फ ३५/४५/५५ वर्ष उमेर माथिका विजेताले १५ हजार र दोस्रो १० हजार रुपैयाँ प्राप्त गर्नेछन्।

५ लाख ६२ हजार ५ सय रुपैयाँ पुरस्कार रहेको प्रतियोगितामा १९ लाख रुपैयाँ भन्दा बढि खर्च हुने अनुमान छ ।

प्रतियोगिता आयोजना गर्न यसवर्ष बुटवल उपमहानगरपालिकाबाट ८ रुपैयाँ लाख वजेट विनियोजन छ ।

पछिल्लो समयमा काठमाडौं र पोखरा पनि बुटवलमा व्यवस्थित लन टेनिस प्रतियोगिता आयोजना हुदै आएको छ । रुपन्देही लन टेनिस संघले ५ पटक लन टेनिस प्रतियोगिता आयोजना गर्न सफल भएको छ ।

गत बर्ष भएको पाँचौ राष्ट्रिय खुला लन टेनिस प्रतियोगिता–२०७९ को उपाधि महिलातर्फ अभिलाषा विष्ट र पुरुषतर्फ प्रदिप खड्काले जितेका थिए।

April 19, 2024

फाइनल पुग्न यूएईलाई नेपालको सामान्य लक्ष्य

मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत नेपालले पहिलो सेमिफाइनलमा यूएईलाई १ सय २० रनको सामान्य लक्ष्य दिएको छ । अल अमेरतस्थित ओमान क्रिकेट एकेडेमीको मैदानमा नेपालले टस हारेपछि ब्याटिङको निम्तो पाएको थियो । शीर्षक्रमले संघर्ष गर्दा नेपालले तल्लोक्रमका ब्याटरको सहयोगमा २० ओभरमा ९ विकेट गुमाएर १ सय १९ रन जोड्यो । […]

April 16, 2024

बहराइनको कम्बोडियाविरुद्ध सहज जित

मस्कट (हाम्रो खेलकुद) – ओमनमा जारी एसिसि प्रिमियर कप अन्तर्गत बहराइनले पहिलो जित दर्ता गरेको छ । पहिलो जित दर्ता गर्ने क्रममा बहराइनले कम्बोडिया माथि ७ विकेटको सहज जित हासिल गरेको हो । कम्बोडियाले दिएको ८४ रनको झिनो लक्ष्य बहराइनले १३.१ ओभरमा ३ विकेट गुमाएर भेटायो । बहराइनका लागि हैदर बटले २७ बलमा ३ चौका […]

April 10, 2024

आर्मीलाई हराउँदै मच्छिन्द्र सिमरा गोल्डकपको सेमिफाइनलमा

सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]

Success

Thank you for your time.