default_image

1 month ago

March 10, 2024

तोरनल्ह भलिबल रनिङ कप अर्काे साता

सिड्नी (हाम्रो खेलकुद) – थकाली सेवा समिति अष्ट्रेलियाको आयोजनामा अर्काे साता तोरनल्ह भलिबल रनिङ कप २०२४ आयाेजना हुने भएकाे छ । एक दिने तोरनल्ह भलिबल रनिङ कप ओबर्नस्थित ओबर्न बास्केटबल सेन्टरमा मार्च १७ तारिख अर्थात चैत ४ गते आइतबार हुनेछ । थकाली सेवा समिति अष्ट्रेलियाले आफ्नो समुदायकाे महान पर्व तोरनल्हको अवसरमा हरेक वर्ष भलिबलसँगै खेलकुदका […]

397 views

0 Bookmark

सिड्नी (हाम्रो खेलकुद) – थकाली सेवा समिति अष्ट्रेलियाको आयोजनामा अर्काे साता तोरनल्ह भलिबल रनिङ कप २०२४ आयाेजना हुने भएकाे छ ।

एक दिने तोरनल्ह भलिबल रनिङ कप ओबर्नस्थित ओबर्न बास्केटबल सेन्टरमा मार्च १७ तारिख अर्थात चैत ४ गते आइतबार हुनेछ ।

थकाली सेवा समिति अष्ट्रेलियाले आफ्नो समुदायकाे महान पर्व तोरनल्हको अवसरमा हरेक वर्ष भलिबलसँगै खेलकुदका विभिन्न सामाजिक कार्यहरु गर्दै आइरहेकाे छ ।

तोरनल्ह भलिबल रनिङ कप २०२४ मा यसपटक अष्ट्रेलियाको सिड्नीमा रहेका नेपाली समुदायका विभिन्न १२ टोलीको सहभागिता रहेको छ । आयोजक थकालीले आइतबारै सहभागी १२ टोलीको टुंगो लगाउँदै टाइसिट समेत ‘ड्र’ गरेको छ । सहभागी १२ टोलीलाई दुई समूहमा विभाजन गरिएको छ ।

समूह ‘ए’ मा म्याग्दी काली युनाइटेड, ढोरपाटन क्लब अष्ट्रेलिया, पर्वत बेनी भलिबल क्लब, सनराइज क्लब, छन्त्याल परिवार अष्ट्रेलिया र जलजला परिवार अष्ट्रेलिया रहेका छन् ।

यस्तै समूह ‘बी’ मा गोल्डेन ब्वाइज, आयोजक थकाली सेवा समिति, मोना अष्ट्रेलिया, गल्कोट स्पोर्ट्स क्लब, पोखरा भलिबल क्लब र दि गोर्खा स्पोर्ट्स क्लब रहेका छन् ।

तोरनल्ह भलिबल रनिङ कपको विजेताले ३ हजार अष्ट्रेलियन डलरसँगै रनिङ कप र मेडल प्राप्त गर्नेछ । दोस्रो हुनेले १ हजार ५ सय अष्ट्रेलियन डलरसँगै कप र मेडल प्राप्त गर्नेछ । तोरनल्ह भलिबल रनिङ कपको सर्वाेत्कृष्ट खेलाडीले १ सय अष्ट्रेलियन डलर प्राप्त गर्नेछ ।

तोरनल्ह भलिबल रनिङ कपलाई स्ट्राथफिल्ड भेजी सेड र हर्ष्टभिल भेजी सेडले मुख्य प्रायोजन गरेको छ । गोल्ड स्पोन्सरमा एएलडी र डायमन्ड स्पोन्सरमा ग्रेज गोट्स रहेका छन् ।

यस वर्ष थकाली सेवा समिति अष्ट्रेलियाले अन्तर चन (गौचन, शेरचन, भट्टचन र तुलाचन) आर्चरी प्रतियोगिता आयोजना गरिसकेको छ । थकाली सेवा समितिले यसअघि फुटबल पनि आयोजना गरिसकेको छ ।

April 10, 2024

आर्मीलाई हराउँदै मच्छिन्द्र सिमरा गोल्डकपको सेमिफाइनलमा

सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]

April 6, 2024

खड्का टिप-टो स्पोर्ट्स एकेडेमीको ब्रान्ड एम्बासेडर

काठमाडौं (हाम्रो खेलकुद) – नेपाली फुटबल टोलीका पूर्व कप्तान हरि खड्का टिप-टो स्पोर्ट्स एकेडेमीको ब्रान्ड एम्बासेडर र प्राविधिक सल्लाहकार (टेकनिकल एडभाईजर) नियुक्त भएका छन् । एन्फाका वर्तमान टेक्निकल डाइरेक्टर तथा नेपाली महिला फुटबल टोलीका पूर्व मुख्य प्रशिक्षक समेत रहेका खड्का हाल टिप-टो स्पोर्ट्स एकेडेमीसँग जोडिएका हुन् ।  नेपाली फुटसल टोलीका मुख्य प्रशिक्षक गौरव बस्नेतद्वारा संचालित […]

April 6, 2024

एन्फा महासचिव राई विरुद्ध सम्पत्ति शुद्धीकरणमा उजुरी

काठमाडौं (हाम्रो खेलकुद)- अखिल नेपाल फुटबल संघ (एन्फा) का महासचिव किरण राईमाथि एन्फामा भ्रष्टाचार र अनियमितताको‌ आरोप लागेको‌ छ । एन्फाको जिल्ला फुटबल संघ गोरखाका सदस्य अमित खत्रीले महासचिव राई विभिन्न शीर्षकमा अनियमितता संलग्न भएको आरोपसहित शुक्रबार सम्पत्ति शुद्धीकरण अनुसन्धान विभागमा छानविनको माग गर्दै उजुरी दर्ता गरेका छन् । खत्रीले एन्फामा र भ्रष्टाचार र वेथिति […]

Success

Thank you for your time.