काठमाडौं (हाम्रो खेलकुद) – नेपाल अन्तर्राष्ट्रिय पिकलबल च्याम्पियनसिप २०२४ मा नेपालले सबैभन्दा बढी पदक जितेको छ ।

नेपाल सुपर लिग (एनएसएल) र पिकलबल संघ नेपाल (प्यान) ले ललितपुर टेनिस कोर्टमा संयुक्त रुपमा आयोजना गरेको राष्ट्रिय टेनिस प्रतियोगितामा नेपालले कुल ५३ पदकसहित प्रतियोगितामा शीर्ष स्थानमा रहेको हो ।

नेपालको पदक तालिकामा २० स्वर्ण, १३ रजत र २० कांस्य रह्यो । भारत ९ स्वर्ण, १६ रजत र ११ कास्यसहित ३६ पदकसहित समग्रमा दोस्रो स्थानमा रह्यो ।

सिंगापुर ७ स्वर्ण, १ रजत र ४ कांस्य पदकसहित शीर्ष तेस्रो भयो । ग्रेट ब्रिटेन चौथो स्थानमा राज्य भने थाइल्याण्ड समग्र वरियतामा पाँचौं स्थानमा सिमित भयो ।

नेपालमा भएको पहिलो अन्तर्राष्ट्रिय पिकलबल च्याम्पियनसिपमा नेपालसहित बेलायत, सिंगापुर, थाइल्याण्ड रभारत खेलाडीले प्रतिस्पर्धा गरेका थिए ।

कार्यक्रमपछि बोल्दै प्यानका अध्यक्ष सौरभ भण्डारीले नेपालमा पहिलो पटक आयोजना भएको प्रतियोगिताको ऐतिहासिक महत्व रहेको बताए । उनले यस संस्थाले हाल सय भन्दा बढी सम्भावित खेलाडीहरूको निर्देशन र निरीक्षणको प्रबन्ध गरेको औंल्याएर यस क्षेत्रमा पिकलबलको विकासमा प्यानको समर्पणलाई जोड दिए ।