default_image

4 weeks ago

March 18, 2024

गण्डकीको पहिलो जित

काठमाडौं (हाम्रो खेलकुद) – गण्डकी प्रदेशले आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ पहिलो जित दर्ता गरेको छ । पहिलो खेलमा विभागीय त्रिभुवन आर्मी क्लबसँग सोझो सेटमा पराजित भएको गण्डकीले मणि मुकुन्द भलिबल क्लब बुटवललाई ३–१ को सेटमा पराजित गर्दै पहिलो जित दर्ता गरेको हो । त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा […]

1640 views

0 Bookmark

काठमाडौं (हाम्रो खेलकुद) – गण्डकी प्रदेशले आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ पहिलो जित दर्ता गरेको छ ।

पहिलो खेलमा विभागीय त्रिभुवन आर्मी क्लबसँग सोझो सेटमा पराजित भएको गण्डकीले मणि मुकुन्द भलिबल क्लब बुटवललाई ३–१ को सेटमा पराजित गर्दै पहिलो जित दर्ता गरेको हो ।

त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा सोमबार भएको खेलमा भएको समूह चरणको खेलमा गण्डकीले पहिलो र दोस्रो सेट सहजै २५–१८ र २५–१४ ले सहजै आफ्नो पक्षमा पारेपनि तेस्रो सेट भने २७–२९ ले गुमाउन पुगेको थियो ।

प्रतिस्पर्धात्मक बनेको तेस्रो सेटमा गण्डकी सुरुवातबाटै पछि परेको थियो । खेलमा फर्कने प्रयास गरेपनि सफल हुन नसक्दा खेल चौथो सेटमा लम्बियो । चौथो सेटमा भने गण्डकीले २५–१९ को सहज जित निकाल्न सफल भयो । गण्डकीका रवि केसी प्लेयर अफ दि म्याच घाेषित भए । उनले केल्मीबाट गिफ्ट ह्याम्पर प्राप्त गरे ।

यस जितसँगै समूह ‘डी’ बाट गण्डकीले क्वाटरफाइनल पुग्ने सम्भावना जीवितै राखेको छ । अब गण्डकीलाई क्वाटरफाइनल पुग्न समूह चरणको अन्तिम खेलमा न्युटन भलिबल क्लबलाई पराजित गर्नुपर्ने हुन्छ । मणि मुकुन्दले पनि समूह क्वाटरफाइनलको सम्भावना जीवित राख्न अन्तिम खेलमा आर्मीलाई पराजित गर्नुपर्ने हुन्छ ।

यस जितसँगै दुई खेलबाट गण्डकीको ३ अंक छ । समान खेलबाटै मणि मुकुन्दको पनि ३ अंक छ । एक खेल खेलेको आर्मीको पनि ३ अंक रहँदा न्युटनले अंकको खाता खोल्न सकेको छैन ।

आज नै पुरुषतर्फ आर्मी र न्युटन भलिबल क्लब तथा एपिएफ र जावलाखेलबीच प्रतिस्पर्धा हुनेछ । यसअघि पुरुषतर्फ पुलिसले बुढानिलकण्ठ भलिबल क्लबलाई २५–१९, २५–१४ र २५–२२ को सोझो सेटमा पराजित गर्दै समुह ‘सी’ को विजेता बनेर क्वाटरफाइनलमा पुगेको छ । हारका बावजुत बुढानिलकण्ठ पनि क्वाटरफाइनलमा पुगेको छ ।

आज नै महिलातर्फ तीन भारतीय खेलाडी सम्मिलित एभरेष्ट भलिबल क्लबले त्रिभुवन आर्मी क्लबलाई २४–२६, २५–१७, २५–१७ र २५–२२ ले पराजित गरेको छ । यस्तै चन्द्रागिरी नगरपालिका न्यु डायमन्डले नेपाल एपिएफ क्लबलाई २५–१७, १७–२५, २५–१५ र २५–२३ ले पराजित गरेको छ ।

पुरुषतर्फ समूह ए मा हेल्प नेपाल स्पोर्ट्स क्लब, कोशी प्रदेश र ढोरपाटन क्लब छन् । समूह बी मा नेपाल एपिएफ क्लब, सुदूरपश्चिम प्रदेश र जावलाखेल भलिबल प्रशिक्षण केन्द्र छन् । समूह सी मा नेपाल पुलिस क्लब, कर्णाली प्रदेश र बुढानिलकण्ठ भलिबल क्लब छन् ।

समूह डी मा त्रिभुवन आर्मी क्लब, गण्डकी प्रदेश, मणिमुकुन्द भलिबल क्लब र न्युटन भलिबल क्लब छन् । राउन्ड रोविन लिगपछि समूहका शीर्ष दुई टोली क्वार्टरफाइनलमा पुग्नेछन् ।

नेपाल भलिबल संघको आयोजना तथा राष्ट्रिय वाणिज्य बैंकको मुख्य प्रायोजनमा ८ दिनसम्म चल्ने प्रतियोगितामा महिलातर्फ ७ र पुरुषतर्फ १३ टोलीको सहभागिता छ । दुवैतर्फको विजेता टोलीले ५ लाख, दोस्रो टोलीले २ लाख र तेस्रो टोलीले १ लाख २५ हजार रुपैयाँ प्राप्त गर्नेछ ।

April 10, 2024

आर्मीलाई हराउँदै मच्छिन्द्र सिमरा गोल्डकपको सेमिफाइनलमा

सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]

April 6, 2024

खड्का टिप-टो स्पोर्ट्स एकेडेमीको ब्रान्ड एम्बासेडर

काठमाडौं (हाम्रो खेलकुद) – नेपाली फुटबल टोलीका पूर्व कप्तान हरि खड्का टिप-टो स्पोर्ट्स एकेडेमीको ब्रान्ड एम्बासेडर र प्राविधिक सल्लाहकार (टेकनिकल एडभाईजर) नियुक्त भएका छन् । एन्फाका वर्तमान टेक्निकल डाइरेक्टर तथा नेपाली महिला फुटबल टोलीका पूर्व मुख्य प्रशिक्षक समेत रहेका खड्का हाल टिप-टो स्पोर्ट्स एकेडेमीसँग जोडिएका हुन् ।  नेपाली फुटसल टोलीका मुख्य प्रशिक्षक गौरव बस्नेतद्वारा संचालित […]

April 6, 2024

एन्फा महासचिव राई विरुद्ध सम्पत्ति शुद्धीकरणमा उजुरी

काठमाडौं (हाम्रो खेलकुद)- अखिल नेपाल फुटबल संघ (एन्फा) का महासचिव किरण राईमाथि एन्फामा भ्रष्टाचार र अनियमितताको‌ आरोप लागेको‌ छ । एन्फाको जिल्ला फुटबल संघ गोरखाका सदस्य अमित खत्रीले महासचिव राई विभिन्न शीर्षकमा अनियमितता संलग्न भएको आरोपसहित शुक्रबार सम्पत्ति शुद्धीकरण अनुसन्धान विभागमा छानविनको माग गर्दै उजुरी दर्ता गरेका छन् । खत्रीले एन्फामा र भ्रष्टाचार र वेथिति […]

Success

Thank you for your time.