default_image

1 month ago

March 20, 2024

हेल्प नेपाल सेमिफाइनलमा

काठमाडौं (हाम्रो खेलकुद) – साविक विजेता तथा उपाधिको बलियो दावेदार टिप टप हेल्प नेपाल स्पोर्ट्स क्लब आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ सेमिफाइनलमा प्रवेश गरेको छ । त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा बुधबार भएको पहिलो क्वाटरफाइनलमा बुढानिलकण्ठ भलिबल क्लबलाई ३–० को सोझो सेटमा पराजित गर्दै हेल्प नेपालले अन्तिम चारमा स्थान […]

1820 views

0 Bookmark

काठमाडौं (हाम्रो खेलकुद) – साविक विजेता तथा उपाधिको बलियो दावेदार टिप टप हेल्प नेपाल स्पोर्ट्स क्लब आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ सेमिफाइनलमा प्रवेश गरेको छ ।

त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा बुधबार भएको पहिलो क्वाटरफाइनलमा बुढानिलकण्ठ भलिबल क्लबलाई ३–० को सोझो सेटमा पराजित गर्दै हेल्प नेपालले अन्तिम चारमा स्थान पक्का गर्न सफल भएको हो ।

हेल्प नेपालले पहिलो सेट २५–१८ ले तथा दोस्रो सेट २५–१७ ले सहजै आफ्नो पक्षमा पार्दा तेस्रो सेटमा भने निकै संघर्ष गर्नुपरेको थियो ।

तेस्रो सेटमा बुढानिलकण्ठले सानदार प्रदर्शन गर्दा हेल्प नेपाल एक समय ५ अंकले पछि परेको थियो । तर, त्यसपछि सानदार पूनरागमन गर्दै खेललाई १८–१८ बराबरी ल्याए ।

त्यसपछि हेल्प नेपालले २१–२१ को बराबरीबाट खेलमा अग्रता बनाएर २५–२३ को संघर्षपूर्ण जित निकाल्न सफल भयो । हेल्प नेपालका उस्मान फरयाद अली केल्मी प्लेयर अफ दि म्याच घोषित भए । उनले केल्मीबाट गिफ्ट ह्याम्पर प्राप्त गरे।

आज नै महिलातर्फ नेपाल पुलिस क्लब र चन्द्रागिरि न्यु डायमण्डले सफलता हात पार्दै आ–आफ्नो समूहको विजेता बनेका छन् । विभागीय डर्वी भिडन्तमा त्रिभुवन आर्मी क्लबलाई २५–१५, २५–१६ र २५–१९ को सोझो सेटमा हराउँदै पुलिस समूह ‘ए’ को विजेता बन्दा पराजित आर्मी र कर्णाली प्रदेश प्रतियोगिताबाट बाहिरिएका छन् ।

यो समूहबाट तीन भारतीय खेलाडी सम्मिलित एभरेष्ट भलिबल क्लब समूहको उपविजेता बनेको छ । यस्तै मधेश प्रदेशलाई २५–१०, २५–६ र २५–८ को सोझो सेटमा पराजित गर्दै न्यु डायमण्ड समूह बीको विजेता बन्दै एभरेष्टसँगको सेमिफाइनल भेट पक्का गरेको छ ।

अब सेमिफाइनलमा पुलिस र एपिएफ तथा न्यु डायमण्ड र एभरेस्टबीच बिहीबार प्रतिस्पर्धा हुनेछ । महिलातर्फ सेमिफाइनलमा पुगेका पुलिस, न्यु डायमण्ड, एपिएफ र एभरेस्टसँगै आर्मी र कर्णाली प्रदेश शीर्ष ६ टोली भए र अर्काे वर्ष हुने लिगका लागि छनोट भएका छन् ।

पुरुषतर्फ हेल्प नेपाल, एपिएफ, पुलिस, आर्मीसँगै कोशी, सुदुरपश्चिम, बुढानिलकण्ठ र गण्डकी अर्काे वर्ष हुने आठौं एनभिए महिला तथा पुरुष भलिबल लिगको लागि छनोट भएका छन् । नेपाल भलिबल संघका अनुसार महिलामा शीर्ष ६ टोली र पुरुषमा शीर्ष ८ टोली लिगका लागि छनोट हुनेछन् ।

नेपाल भलिबल संघको आयोजना तथा राष्ट्रिय वाणिज्य बैंकको मुख्य प्रायोजनमा ८ दिनसम्म चल्ने प्रतियोगितामा महिलातर्फ ७ र पुरुषतर्फ १३ टोलीको सहभागिता छ । दुवैतर्फको विजेता टोलीले ५ लाख, दोस्रो टोलीले २ लाख र तेस्रो टोलीले १ लाख २५ हजार रुपैयाँ प्राप्त गर्नेछ ।

April 20, 2024

नेपाललाई हराउँदै हङकङ इमर्जिङ एसिया कपमा छनोट

मस्कट (हाम्रो खेलकुद) – हङकङ ओमनमा जारी एसीसी प्रिमियर कपमा तेस्रो स्थान हासिल गर्दै इमर्जिङ टिम्स एसिया कपमा छनोट भएको छ । तेस्रो स्थानको लागि शनिबार भएको खेलमा नेपाल माथि ४ विकेटको जित निकाल्दै इमर्जीङ टिम्स एसिया कपमा छनोट भएको हो । नेपालले दिएको १ सय ४० रनको लक्ष्य पछ्याएको हङकङले लक्ष्य १९.३ ओभरमा ६ […]

April 19, 2024

फाइनल पुग्न यूएईलाई नेपालको सामान्य लक्ष्य

मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत नेपालले पहिलो सेमिफाइनलमा यूएईलाई १ सय २० रनको सामान्य लक्ष्य दिएको छ । अल अमेरतस्थित ओमान क्रिकेट एकेडेमीको मैदानमा नेपालले टस हारेपछि ब्याटिङको निम्तो पाएको थियो । शीर्षक्रमले संघर्ष गर्दा नेपालले तल्लोक्रमका ब्याटरको सहयोगमा २० ओभरमा ९ विकेट गुमाएर १ सय १९ रन जोड्यो । […]

April 16, 2024

बहराइनको कम्बोडियाविरुद्ध सहज जित

मस्कट (हाम्रो खेलकुद) – ओमनमा जारी एसिसि प्रिमियर कप अन्तर्गत बहराइनले पहिलो जित दर्ता गरेको छ । पहिलो जित दर्ता गर्ने क्रममा बहराइनले कम्बोडिया माथि ७ विकेटको सहज जित हासिल गरेको हो । कम्बोडियाले दिएको ८४ रनको झिनो लक्ष्य बहराइनले १३.१ ओभरमा ३ विकेट गुमाएर भेटायो । बहराइनका लागि हैदर बटले २७ बलमा ३ चौका […]

Success

Thank you for your time.