default_image

3 weeks ago

March 23, 2024

आर्मीमाथि राेमाञ्चक जित निकाल्दै हेल्प नेपाल च्याम्पियन

काठमाडौं (हाम्रो खेलकुद) – विभागीय त्रिभुवन आर्मी क्लबमाथि रोमाञ्चक र प्रतिस्पर्धात्मक जित निकाल्दै टिप टप हेल्प नेपाल आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ च्याम्पियन बनेको छ । तीन पाकिस्तानी र घरेलु भलिबलका चर्चित खेलाडीसम्मिलित हेल्प नेपालले आर्मीमाथि ३–२ को रोमाञ्चक र प्रतिस्पर्धात्मक जित निकाल्दै लगातार च्याम्पियन बन्न सफल भएको हो । त्रिपुरेश्वरस्थित […]

4745 views

0 Bookmark

काठमाडौं (हाम्रो खेलकुद) – विभागीय त्रिभुवन आर्मी क्लबमाथि रोमाञ्चक र प्रतिस्पर्धात्मक जित निकाल्दै टिप टप हेल्प नेपाल आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ च्याम्पियन बनेको छ ।

तीन पाकिस्तानी र घरेलु भलिबलका चर्चित खेलाडीसम्मिलित हेल्प नेपालले आर्मीमाथि ३–२ को रोमाञ्चक र प्रतिस्पर्धात्मक जित निकाल्दै लगातार च्याम्पियन बन्न सफल भएको हो ।

त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा शनिबार भएको फाइनलको पहिलो सेटमा आर्मीले सानदार प्रदर्शन गर्दा हेल्प नेपालमाथि २५–२० को सहज जित निकाल्यो । आर्मीले स्पाइक, ब्लक र डिफेन्समा सानदार प्रदर्शन गर्दै सेटलाई आफ्नो पक्षमा ढल्काए । आमीले विशेष गरी स्पाइकर उस्मान फरयाद अलीलाई रोक्न सफल भएका थिए ।

पहिलो सेटमा बिर्सनलायक प्रदर्शन गरेको हेल्प नेपाल दोस्रो सेटमा भने खेलमा फर्कियो । १८–२२ ले पछि परेको स्थितिमा लगातार ५ अंक बटुल्दै २३–२२ ले अग्रता लिदै २७–२५ ले सेट जित्दै खेललाई १–१ सेटको बराबरीमा ल्याए ।

तेस्रो सेटमा हेल्प नेपाल अग्रतामा रहेपनि आर्मीले पूनरागमन गर्दै जित निकाल्न सफल भयो । १३–१७ को स्थितिबाट आर्मीले २३–२० को अग्रता लिदै २५–२३ ले सेट आफ्नो पक्षमा पार्दै खेललाई २–१ ले अघि बढाए ।

चौथो सेटमा हेल्प नेपाल एक समय ८–० को आरामदायी अग्रता लिएपनि आर्मीले सानदार प्रदर्शन गरेपनि सेट जित्न सकेन । सुरुवातमै ८–० ले पछि परेको आर्मीले सेटलाई २२–२२ को बराबरीमा ल्याए ।

त्यसपछि हेल्प नेपालले २४–२२ को स्थितिमा रहँदा आर्मीले अंक बटुल्दै खेललाई पुनः बराबरीमा ल्याए । त्यसपछि हेल्प नेपालले पाँच म्याच प्वइन्टमा सेट २९–२७ ले जित्दै खेललाई २–२ सेटको बराबरीमा ल्याउदा खेल पाँचौं सेटमा लम्बियो । पाँचौं सेट पनि निकै रोमाञ्चक र प्रतिस्पर्धात्मक रह्यो ।

आर्मीले सुरुवाती अग्रता लिदा हेल्प नेपालले ९–९ को बराबरीमा भेट्टाए । त्यसपछि बराबरीकै अवस्थाबाट हेल्प नेपाल लगातार म्याच प्वइन्टमा पुग्दा २२–२० को रोमाञ्चक र प्रतिस्पर्धात्मक जित निकाल्दै च्याम्पियन बन्न सफल भएको हो । हेल्प नेपालका फखर उद्दिन केल्मी प्लेयर अफ दि म्याच घाेषित भए । उनले केल्मीबाट गिफ्ट ह्याम्पर पाए ।

च्याम्पियन बनेसँगै हेल्प नेपालले ५ लाख रुपैयाँसँगै कप, मेडल र प्रमाणपत्र प्राप्त गरेको छ । दोस्रो भएको आर्मीले २ लाख रुपैयाँ, कप, मेडल र प्रमाणपत्र पाएको छ । तेस्रो भएको पुलिस १ लाख २५ हजार रुपैयाँ प्राप्त गरेको छ ।

आज नै पुरुषतर्फ नेपाल पुलिस क्लबले गण्डकी प्रदेशलाई २५–१५, २५–२० र २९–२७ ले पराजित गरी तेस्रो स्थान हासिल गरेको थियो ।

महिलातर्फ नेपाली राष्ट्रिय टोलीका कप्तान अरुणा शाहीसहित तीन भारतीय राष्ट्रिय टोलीका खेलाडी सम्मिलित एभरेस्ट भलिबल क्लब बुटवलले पहिलोपटक आरबीबी एनभिए महिला तथा पुरुष भलिबल च्याम्पियनसिपको महिलातर्फ च्याम्पियन बनेको छ ।
आठौं संस्करणसम्म आइपुग्दा एभरेस्ट पहिलोपल्ट च्याम्पियन बन्न सफल भएको हो । कुनै पनि राष्ट्रिय प्रतियोगितामा एभरेस्टको यो पहिलो उपाधि हो ।

यसअघि आफ्नै खेलाडीमा खेल्दै आएको एभरेस्टले यसपल्ट च्याम्पियन बन्ने लक्ष्यसहित कप्तान अरुणा र भारतीय राष्ट्रिय टोलीका तीन खेलाडीलाई टोलीमा समेट्दा उपाधि जित्न सफल भएको हो ।

पहिलोपल्ट च्याम्पियन बन्ने क्रममा एभरेस्टले दुईपल्टको च्याम्पियन तथा साविक विजेता नेपाल पुलिस क्लबलाई ३–१ को सोझो सेटमा हरायो । एभरेस्टले सुरुवाती सेट गुमाएपनि त्यसपछिको तीनै सेट आफ्नो पक्षमा पार्यो ।

त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा शनिबार भएको फाइनलको पहिलो सेट एभरेस्टले १९–२५ ले गुमाउन पुगेको थियो । तर, त्यसपछि एभरेस्टको विशेष गरी मिडल ब्लकर सुर्या र केपी अनुश्रीको प्रदर्शन सानदार रह्यो ।

दोस्रो सेटमा एभरेस्ट एक समय ११–६ ले अघि रह्यो । त्यसपछि १७–१७ को बराबरीबाट पुलिस अघि बढेपनि सुर्या र केपी अनुश्रीको सानदार प्रदर्शनमा एभरेस्टले दोस्रो सेट २५–२२ जित्दै खेललाई १–१ सेटको बराबरीमा ल्याए ।

तेस्रो सेटमा पनि एभरेस्टको सुरुवात राम्रो रह्यो । १०–३ ले अघि रहँदा पुलिसले पूनरागमन प्रयास गर्दै खेललाई १०–७ को स्थितिमा ल्याए । तर, त्यसपछि पुलिसको प्रदर्शन फितलो बन्दा एभरेस्टले तेस्रो सेट २५–१८ ले सहजै जित्दै खेलमा २–१ को अग्रता लिन सफल भयो ।

चौथो सेटमा पनि एभरेस्टको सुरुवात निकै राम्रो रहँदा ७ अंकको आरामदायी अग्रता लिदै खेलमा पकड जमायो । पुलिसले पूनरागमन प्रयास गरेपनि सफल नहुँदा एभरेस्टले २५–१९ को सहज जित निकाल्न सफल भयो ।

महिलातर्फ सेमिफाइनलमा पुगेका पुलिस, न्यु डायमण्ड, एपिएफ र एभरेस्टसँगै आर्मी र कर्णाली प्रदेश शीर्ष ६ टोली भएर अर्काे वर्ष हुने लिगका लागि छनोट भएका छन् ।

पुरुषतर्फ हेल्प नेपाल, एपिएफ, पुलिस, आर्मीसँगै कोशी, सुदुरपश्चिम, बुढानिलकण्ठ र गण्डकी अर्काे वर्ष हुने आठौं एनभिए महिला तथा पुरुष भलिबल लिगको लागि छनोट भएका छन् । नेपाल भलिबल संघका अनुसार महिलामा शीर्ष ६ टोली र पुरुषमा शीर्ष ८ टोली लिगका लागि छनोट हुनेछन् ।

नेपाल भलिबल संघको आयोजना तथा राष्ट्रिय वाणिज्य बैंकको मुख्य प्रायोजनमा चैत ३ गतेबाट शुरु भएको च्याम्पियनसिपमा महिलातर्फ ७ र पुरुषतर्फ १३ टोलीको सहभागिता छ । दुवैतर्फको विजेता टोलीले ५ लाख, दोस्रो टोलीले २ लाख र तेस्रो टोलीले १ लाख २५ हजार रुपैयाँ प्राप्त गर्नेछ ।

April 10, 2024

आर्मीलाई हराउँदै मच्छिन्द्र सिमरा गोल्डकपको सेमिफाइनलमा

सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]

April 6, 2024

खड्का टिप-टो स्पोर्ट्स एकेडेमीको ब्रान्ड एम्बासेडर

काठमाडौं (हाम्रो खेलकुद) – नेपाली फुटबल टोलीका पूर्व कप्तान हरि खड्का टिप-टो स्पोर्ट्स एकेडेमीको ब्रान्ड एम्बासेडर र प्राविधिक सल्लाहकार (टेकनिकल एडभाईजर) नियुक्त भएका छन् । एन्फाका वर्तमान टेक्निकल डाइरेक्टर तथा नेपाली महिला फुटबल टोलीका पूर्व मुख्य प्रशिक्षक समेत रहेका खड्का हाल टिप-टो स्पोर्ट्स एकेडेमीसँग जोडिएका हुन् ।  नेपाली फुटसल टोलीका मुख्य प्रशिक्षक गौरव बस्नेतद्वारा संचालित […]

April 6, 2024

एन्फा महासचिव राई विरुद्ध सम्पत्ति शुद्धीकरणमा उजुरी

काठमाडौं (हाम्रो खेलकुद)- अखिल नेपाल फुटबल संघ (एन्फा) का महासचिव किरण राईमाथि एन्फामा भ्रष्टाचार र अनियमितताको‌ आरोप लागेको‌ छ । एन्फाको जिल्ला फुटबल संघ गोरखाका सदस्य अमित खत्रीले महासचिव राई विभिन्न शीर्षकमा अनियमितता संलग्न भएको आरोपसहित शुक्रबार सम्पत्ति शुद्धीकरण अनुसन्धान विभागमा छानविनको माग गर्दै उजुरी दर्ता गरेका छन् । खत्रीले एन्फामा र भ्रष्टाचार र वेथिति […]

Success

Thank you for your time.