default_image

1 month ago

April 16, 2024

बहराइनको कम्बोडियाविरुद्ध सहज जित

1200 views

0 Bookmark

मस्कट (हाम्रो खेलकुद) – ओमनमा जारी एसिसि प्रिमियर कप अन्तर्गत बहराइनले पहिलो जित दर्ता गरेको छ । पहिलो जित दर्ता गर्ने क्रममा बहराइनले कम्बोडिया माथि ७ विकेटको सहज जित हासिल गरेको हो ।

कम्बोडियाले दिएको ८४ रनको झिनो लक्ष्य बहराइनले १३.१ ओभरमा ३ विकेट गुमाएर भेटायो । बहराइनका लागि हैदर बटले २७ बलमा ३ चौका र ३ छक्का सहित ३९ रन बनाए भने सर्फराज अलीले २३ रन जोडे । उमेर टुरले १० रन बनाए ।

कम्बोडियाका लागि उत्कर्ष जैनले २ तथा राम शरणले १ विकेट लिए ।

त्यसअघि अल अमेरातमा टस जितेर ब्याटिङ रोजेको कम्बोडिया १७.२ ओभरमा ८३ रनमै समेटियो ।

कम्बोडियाका लागि लुकमन बटले सर्वाधिक २१ रन बनाए । यस्तै श्रवण गोदाराले १७ तथा सालभिन स्ट्यानलीले १५ रन जोडे ।

कम्बोडियालाई सस्तैमा समेट्न बहराइनका अलि दावुद र हैदर बटले ३-३ विकेट लिए भने अब्दुल माजिदले २ तथा साथैया भिरापाथिरन र सर्फराज अलीले १-१ विकेट लिए ।

जित पछि समूह बि मा बहराइनले पहिलो दुई अंक जोड्दै प्रतियोगिता टुंग्याएको छ । कम्बोडिया १ खेल बाँकी रहँदा अंकविहिन छ । ओमानको ३ खेलमा ६ अंक रहँदा कुवेत र युएईको ४-४ अंक छ ।

भोलि अन्तिम दिन हुने खेलहरुमा कम्बोडिया र युएई भिड्दा ओमनमा र कुवेत एकअर्कासँग भिड्ने छन् । समूहको शीर्ष दुई टोली सेमीफाइनल पुग्ने छन् ।

May 19, 2024

म्यानचेस्टर सिटी लगातार चौथो पटक प्रिमियर लिग च्याम्पियन

एजेन्सी – म्यानचेस्टर सिटी लगातार चौथो पटक इंग्लिश प्रिमियर लिगको उपाधि जितेको छ । लिगको अन्तिम खेलमा वेस्ट ह्याम माथि ३-१ को जित निकालेर आर्सनललाई पछि २ अंकले पार्दै सिटीले कीर्तिमानी लिग उपाधि जितेको हो । इंग्लिश फुटबल इतिहासमा कुनै पनि टिमले लगातार चार पटक लिग उपाधि जितेको यो पहिलो पटक हो । यसअघि हडर्सफिल्ड […]

May 19, 2024

सुमित्रा र राजनलाई वान रन हाफ म्याराथन उपाधि

ललितपुर (हाम्रो खेलकुद)- सुमित्रा चौधरी र राजन रोकायाले पहिलो वान रन अन्तर्राष्ट्रिय हाफ म्याराथन उपाधि जितेका छन्। आइतबार भएको हाफ म्याराथनको महिलातर्फ सुमित्राले १ घण्टा ३४ मिनेट २६ सेकेन्डमा दौड पूरा गरिन् । पुष्पा भण्डारी १ घण्टा ४२ मिनेट ५४ सेकेन्डमा दौड पूरा गर्दै दोस्रो भइन् । मञ्जु सुनार २ घण्टा ३ मिनेट ८ सेकेन्डको‌ […]

May 18, 2024

सिता ललितपुर मेयर्स कपमा उत्कृष्ट खेलाडी घोषित

काठमाडौं (हाम्रो खेलकुद) – उपाधि विजेता नेपाल एपिएफ क्लबकी कप्तान तथा अल-राउण्डर सिता राना मगर ललितपुर मेयर्स टि-२० च्याम्पियनसिप २०२४ को उत्कृष्ट खेलाडी घोषित भएकी छन् । एपिएफले चौथो पटक उपाधि प्रतियोगितामा सिता अल-राउण्ड प्रदर्शनका साथ उत्कृष्ट खेलाडी घोषित भएकी हुन् । सिताले प्रतियोगितामा ५ खेलमा १४२ रन प्रहार गर्नुका साथै ४ विकेट समेत लिन […]

Success

Thank you for your time.