default_image

1 month ago

June 22, 2024

विपना र अरहान्तलाई उपाधि

337 views

0 Bookmark

काठमाडौं (हाम्रो खेलकुद) – दोस्रो वरीयताकी विपना ब्लोनशीर्ष वरीयता प्राप्त अरहान्त केशर सिम्हाले प्रथम एनएसआरए प्रेसिडेन्ट कप खुल्ला राष्ट्रिय स्क्वास च्याम्पियनसिपको उपाधि जितेका छन् ।

नेपाल स्क्वास एन्ड र्‍याकेट्स संघको आयोजनामा सातदोबाटोस्थित नेपाल स्क्वास र्‍याकेट्स संघको आफ्नै भवनमा रहेको स्क्वास कोर्टमा शनिबार भएको पुरुष एकलको फाइनलमा अरहान्तले दोस्रो वरीयताका अमिर ब्लोनलाई ३–० को सोझो सेटमा पराजित गर्दै उपाधि जितेका हुन् । अरहान्तले अमिरमाथि ११–५, ८–११, ११–७ र ११–४ को सेटमा जित निकाले ।

महिला एकलमा च्याम्पियन बन्ने क्रममा दोस्रो वरीयताकी विपनाले शीर्ष वरीयताकी स्वस्थानी श्रेष्ठलाई ३–० को सिधा सेटमा हराइन् । विपनाले स्वस्थानीलाई ११–६, ११–७ र ११–८ को सेटमा पराजित गरिन् । यससँगै विपनाले अघिल्लाे महिना आयाेजना भएकाे एनएसआरए राष्ट्रिय र्‍याङकिङ स्क्वास प्रतियोगितामा भाेगेकाे हारकाे बदला लिन सफल भएकी छिन् ।

पहिलाेपटक घरेलु स्क्वास खेलाडीहरुको वरीयता छुट्याउन आयाेजना भएकाे प्रतियोगिताकाे फाइनलमा हार भाेगेसँगै विपना शीर्ष वरीयतामा उक्लने अवसर समेत गुमाएकी थिइन् ।

विपनालाई पराजित गरेकी स्वस्थानीले एक वर्षसम्मको लागि शीर्ष वरीयता प्राप्त गरेका छन् । याे वरीयता २०८१ चैतसम्म कायम रहने स‌घले जनाएकाे छ ।

यु–१७ ब्वाइजमा सरोज लामा पहिलो भएका छन् । गार्भित अग्रवाल दोस्रो तथा सन्जय श्रेष्ठ र किशोर श्रेष्ठ तेस्रो भए । गल्स यु–१७ मा मेलिसा महर्जन पहिलो भइन् । रन्जना प्रजा दोस्रो तथा अर्पणा प्रजा र प्रतिक्षा प्रजा तेस्रो भइन् ।

४५ वर्षमाथि भेट्रान ओपनमा राजेन्द्र शाक्य पहिलो भए । उनले दिलिप अधिकारीलाई ११–३, ११–२ र ११–६ को सिधा सेटमा हराए ।

ओलम्पिक दिवस २०२४ को अवसर पारेर गत बुधबारदेखि आयोजना भएको च्याम्पियनसिपमा पुरुष खुल्ला, महिला खुल्ला, ४५ वर्ष माथि उमेर समूहको भेट्रान ओपन र ब्वाइज यु–१७ तथा गल्स यु–१७ इभेन्ट्स गरी पाँच विधामा प्रतिस्पर्धा भएको थियो ।

च्याम्पियनसिपमा नेपालका सबै वरीयता प्राप्त खेलाडीसहित कुल ६० जनाले सहभागिता जनाएका थिए ।

July 22, 2024

रसियासँग नेपालको अर्काे हार

काठमाडौं (हाम्रो खेलकुद) – काभा नेसन्स लिगको तयारीमा रहेको नेपाली महिला राष्ट्रिय भलिबल टोलीले रसियन टोलीसँग अर्काे हार बेहोरेको छ । यससँगै नेपालले दुई मैत्रीपुर्ण खेलकाे सिरिज रसियालाई २–० ले सुम्पिएकाे छ । सोमबार भएको दोस्रो खेलमा नेपाल ३–० को सोझो सेटमा पराजित हुन पुग्यो । यसअघि आइतबार भएको पहिलो खेलमा पनि नेपालले ३–० कै […]

July 18, 2024

एपिएफ र पुलिस विजयी

काठमाडौं (हाम्रो खेलकुद) – ललित स्मृति यु-१८ लिगमा बिहीबार नेपाल एपिएफ क्लब र नेपाल पुलिस क्लब विजयी भएका छन् । लिग सिजनको पहिलो जित दर्ता गर्ने क्रममा एपिएफले सातदोबाटो माथि २-१ को जित हात पारेको हो । जितमा विकास टिटुङ र किशोर गुरुङले १-१ गोल गरे । सातदोबाटोका लागि योहान्ना लिम्बूले अन्तिम समयमा १ गोल […]

July 15, 2024

अर्जेन्टिनालाई कोपा अमेरिका उपाधि

एजेन्सी – अर्जेन्टिनाले कोपा अमेरिका २०२४ को उपाधि जितेको छ । लगातार दोस्रो पटक उपाधि जित्ने क्रममा अर्जेन्टिनाले कोलम्बियालाई अतिरिक्त समयमा १-० ले हराएको हो । अर्जेन्टिनाका लागि लौतारो मार्टीनेजले १ सय १२औं मिनेटमा गोल गरे । ९७औं मिनेटमा मैदान प्रवेश गरेका उनले जियोभानी लो सेल्सोको थ्रु पासमा गोल गर्दै अर्जेन्टिनालाई उपाधि दिलाएका हुन् । […]

Success

Thank you for your time.