एजेन्सी – ४ ब्याटरको अर्धशतकको सहयोगमा इङ्ग्ल्यान्ड न्युजिल्यान्डविरुद्ध दोस्रो इनिङमा विशाल अग्रता तर्फ उन्मुख भएको छ ।

इङ्ग्ल्यान्डका ४ ब्याटरको अर्धशतकको सहयोगमा दोस्रो टेस्टकाे दोस्रो इनिङमा विशाल अग्रतातर्फ उन्मुख भएको छ । पहिलो इनिङमा १ सय ५५ रनको अग्रताका साथ दोस्रो इनिङको सुरुवात गरेको इङ्ग्ल्यान्डले दोस्रो दिनको समाप्तीमा ५ सय ३३ रनको अग्रता बनाएको छ ।

दोस्रो इनिङमा इङ्ग्ल्यान्डका लागि बेन डुकेट, जोकेब बेथहेल, ह्यारी ब्रुक अर्धशतक प्रहार गर्दै आउट भएका थिए । जो रुटले नट आउट ७३ रनमा क्रिजमा रहेका छन् । रुटका साथमा कप्तान बेन स्टोक्स ३५ रनमा क्रिजमा रहेका छन् । त्यसअघि बेथहेलले ९६, डुकेटले ९२ तथा ब्रुकले ५५ रन जोडेका थिए । न्युजिल्यान्डका टिम साउथी र म्याट हेनरीले समान २ तथा ग्लेन फिलिप्सले १ विकेट लिएका छन् ।

वेलिङ्गटनमा पहिलो इनिङमा न्युजिल्यान्डले १ सय २५ रन मात्र जोडेको थियो । न्युजिल्यान्डका लागि पहिलो इनिङमा केन विलियम्सन ३७, टम लाथम १७, डेभन कन्वे ११ र रचिन रविन्द्र ३ रनमा आउट भए । इंग्ल्यान्डका बायडन कास्र र गस एट्किन्सनले समान ४तथा कप्तान बेन स्टोक्स र क्रिस वोक्सले समान १ विकेट लिएका छन् ।

पहिलो इनिङमा युवा ब्याटर ह्यारी ब्रुकको शतकसँगै दोस्रो टेस्ट खेलमा इङ्ग्ल्यान्डले न्युजिल्यान्डविरुद्ध मजबुत प्रदर्शन गरेको थियो । टस हारेर पहिला ब्याटिङ थालेको इंग्ल्यान्ड २ सय ८० रनमा अल आउट भएको थियो । ह्यारी ब्रुकले १ सय १५ बलमा ११ चौका र ५ छक्कासहित १ सय २३ रन बनाएका थिए ।

यसअघि पहिलो खेलमा उनले न्युजिल्यान्डविरुद्ध १ सय ७१ रनको शतकीय इनिङ खेलेका थिए । उनलाई नाथन स्मिथले रन आउट गरेका थिए । जो रुट ३, ओली पोप ६६ र बेन स्टोक्स २ रनमा आउट भए ।

न्युजिल्यान्डका नाथन स्मिथले ४, विल ओरौरकले ३ र म्याट हेनरीले २ विकेट लिए । तीन खेलको टेस्टमा इङ्ग्ल्यान्ड १-० ले अघि छ । पहिलो खेलमा इंग्ल्यान्ड ८ विकेटले विजयी भएको थियो । तेस्रो तथा अन्तिम टेस्ट १४ डिसेम्बरदेखि हामिल्टनमा सुरु हुनेछ ।