default_image

7 years ago

February 23, 2017

तेन्जिङलाई पछि पार्दै शिवरामले जिते सूर्य नेपाल सेन्ट्रल ओपन

काठमाडौं (हाम्रो खेलकुद)– नम्बर एक व्यवासायिक गल्फर शिवराम श्रेष्ठले लगातार चौथो उपाधि जितेका छन् । ४ अन्डर २ सय ८४ को प्रदर्शन गर्दै शिवरामले बिहीबार सूर्य नेपाल सेन्ट्रेल ओपनको उपाधि जितेका थिए । सूर्य नेपाल गल्फ टुर २०१६÷१७ अन्तर्गत आयोजित लगातार चौथो उपाधि नै शिवरामले जितेका हुन् । उनले यसअघि सूर्य नेपाल वेस्टर्न, च्यालेन्ज र […]

46 views

0 Bookmark

काठमाडौं (हाम्रो खेलकुद)– नम्बर एक व्यवासायिक गल्फर शिवराम श्रेष्ठले लगातार चौथो उपाधि जितेका छन् । ४ अन्डर २ सय ८४ को प्रदर्शन गर्दै शिवरामले बिहीबार सूर्य नेपाल सेन्ट्रेल ओपनको उपाधि जितेका थिए । सूर्य नेपाल गल्फ टुर २०१६÷१७ अन्तर्गत आयोजित लगातार चौथो उपाधि नै शिवरामले जितेका हुन् । उनले यसअघि सूर्य नेपाल वेस्टर्न, च्यालेन्ज र इस्टर्न ओपनको उपाधि जितेका थिए ।

prakash-dai-1
पार ७२ को गोकर्ण गल्फ क्लबमा बिहीबार चौथो तथा अन्तिम दिन ३ अन्डर ६९ को कार्ड बनाउँदै शिवरामले उपाधि जितेका हुन् । खेल जीवनमा यो उनको ३४ औं उपाधि हो । उपाधिसहित उनले १ लाख १० हजार रुपैयाँ प्राप्त गरेका छन् । तेस्रो दिनको समाप्तीमा शिवराम एमेच्योर गल्फर तेन्जिङ छिरिङभन्दा ९ स्ट्रोकले पछाडी थिए ।

तर, चौथो दिन तेन्जिङले खराब प्रदर्शन गरेपछि शिवरामका लागि उपाधि जित्न सहज बनेको थियो । १६ बर्षे गल्फर तेन्जिङले ७ ओभर ७९ को प्रदर्शन गरेपछि उनले दोस्रो स्थानमा चित्त बुझाउनु परेको थियो । उनले चार दिनमा ३ अन्डर २ सय ८५ को कार्ड बनाएका थिए । यद्दपी तेन्जिङले सूर्य नेपाल गल्फ टुर अन्तर्गत एमेच्योरतर्फको उपाधि जितेका थिए । त्यो उनको खेल जीवनको पहिलो उपाधि हो ।
साविक विजेता आर्मी क्लबका सञ्जय लामा व्यवसायिक गल्फरतर्फ दोस्रो स्थानमा रहे । उनले १ अन्डर २ सय ८७ को कार्ड बनाएका थिए । सञ्जयले ७० हजार रुपैयाँ जिते । रोयल नेपाल गल्फ क्लब (आरएनजिसी) का रवि खड्का र गोकर्णका भुवन नगरकोटी संयुक्तरुपमा तेस्रो स्थानमा रहे । उनीहरुले १ ओभर २ सय ८९ को प्रदर्शन गर्दै समान ४५ हजार रुपैयाँ प्राप्त गरे । अन्तिम दिन इभन पार ७२ को प्रदर्शन गरेका जयराम श्रेष्ठ (२९३) ले पाँचौं स्थानमा रहे र उनले ३५ हजार रुपैयाँ पाए ।

आर्मीका धनबहादुर थापा छैटौं स्थानमा रहे । अन्तिम दिन ४ ओभर ७६ को प्रदर्शन गरेका उनले समग्रमा २ सय ९६ को कार्ड बनाए । दीपक मगर र दीपक आयार्च संयुक्त रुपमा सातौं स्थानमा रहे । उनीहरुले १० अन्डर २ सय ९८ को कार्ड बनाएका थिए । एमेच्योरतर्फ टंकबहादुर कार्की दास्रोमा रहे । उनले १० ओभर २ सय ९८ को प्रर्दशन गरेका थिए । बलभद्र राई नवौं र रामे मगर दसौं स्थानमा रहे ।
९ स्ट्रोक्सले पछि रहेको अवस्थाबाट अन्तिम दिनको खेल सुरुआत गरेका शिवरामले फ्रन्ट नाइमा ४ अन्डर ३२ को प्रदर्शन गरे । तेन्जिङले ३ ओभरमा ३९ को कार्ड बनाए । ब्याक नाइनको १५ होलमा पुग्दा ३ अन्डरको प्रदर्शन गर्दै शिवरामले तेन्जिङसँग बराबरी गरेका थिए । तेन्जिङले भने तेहेरो बुगी खेपे ।
१७ औं होल मा पुग्दा शिवरामले पहिलो पटक प्रतियोगितामा अग्रता बनाए । उनले १७ होलमा बर्डि गर्दै अग्रता बनाए । अन्तिम तथा १८ होलमा इभन पार खेल्दै उनले उपाधि आफ्नो नाममा लेखाए ।

prakash-dai-3

उपाधिका साथ शिवराम श्रेष्ठ र तेन्जिङ छिरिङ (दायाँ)।

‘आफ्नो प्रदर्शन स्वभाविक रहेको उल्लेख गर्दै तेन्जिङले खराब खेलेका कारण उपाधि जित्न सफल भए’उपाधि जितेपछि शिवरामले भने, ‘सिजनका सबै उपाधि जित्ने लक्ष्य छ । तर हेरौ आउने प्रतियोगितामा कस्तो प्रदर्शन हुन्छ ।’ तेन्जिङले अन्तिम दिन दबाबमा परेको बताए । ‘तीन दिन राम्रो भयो । अन्तिम दिन राम्रो गर्न सकिन’उनले भने, ‘शिवरामको प्रदर्शन राम्रो भयो । यद्दपी म प्रदर्शनबाट खुसी छु ।’
नेपाल प्रोफेसनल गल्फर एसोसिएसनको आयोजना तथा सूर्य नेपाल प्रालीको प्रायोजन रहेको प्रतियोगितामा ३३ व्यवसायिक र १५ एमेच्योर गरि ४८ खेलाडीको सहभागिता थियो । कुल ६ लाख रुपैयाँ पुरस्कार राशीको प्रतियोगिताका विजेतालाई सूर्य नेपाल प्रालीका सेल्स एन्ड मार्केटिङका उपाध्यक्ष दिप्रा लेहरी, सूर्य नेपालका मार्केटिङ मेनेजर बालकिसन गुरुङ, एनपिजिएका अध्यक्ष रविन्द्रमान श्रेष्ठ र नेपाल गल्फ संघका सल्लाहकार घनश्याम थापाले पुरस्कृत गरेका थिए ।

March 24, 2024

दोस्रो गल्कोट कप भलिबल अर्काे साता

सिड्नी (हाम्रो खेलकुद) – अस्ट्रेलियाको सिड्नीमा अर्काे साता दोस्रो गल्कोट कप भलिबल प्रतियोगिता आयोजना हुने भएको छ । अस्ट्रेलियामा रहेका बागलुङस्थित गल्कोटबासीको सक्रियतामा स्थापना भएको गल्कोट समाज अस्ट्रेलिया (जिएसए) को आयोजनामा अर्काे साता अर्थात मार्च ३१ तारिखमा एकदिने पुरुष भलिबल प्रतियोगिता आयोजना हुन लागेको हो । एक दिने प्रतियोगिता सिड्नीको ओवर्नस्थित ओवर्न बास्केटबल सेन्टरमा हुनेछ […]

March 23, 2024

फखरउद्दिन र केपी अनुश्री सर्वाेत्कृष्ट

काठमाडौं (हाम्रो खेलकुद) – च्याम्पियन टिप टप हेल्प नेपाल स्पोर्ट्स क्लबका पाकिस्तानी स्पाइकर फखरउद्दिन र एभरेस्ट भलिबल क्लबकी भारतीय स्पाइकर केपी अनुश्री आठौं आरबीबी एनभिए महिला तथा पुरुष भलिबल च्याम्पियनसिपको सर्वोत्कृष्ट खेलाडी चुनिएका छन् । फखरउद्दिन र केपी अनुश्रीले आ–आफ्नो टोलीलाई च्याम्पियन बनाउन महत्वपूर्ण भुमिका निभाएका थिए । फाइनलमा आफ्ना सहयात्री उस्मान फरयाद अलीले प्रदर्शन […]

March 23, 2024

आर्मीमाथि राेमाञ्चक जित निकाल्दै हेल्प नेपाल च्याम्पियन

काठमाडौं (हाम्रो खेलकुद) – विभागीय त्रिभुवन आर्मी क्लबमाथि रोमाञ्चक र प्रतिस्पर्धात्मक जित निकाल्दै टिप टप हेल्प नेपाल आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ च्याम्पियन बनेको छ । तीन पाकिस्तानी र घरेलु भलिबलका चर्चित खेलाडीसम्मिलित हेल्प नेपालले आर्मीमाथि ३–२ को रोमाञ्चक र प्रतिस्पर्धात्मक जित निकाल्दै लगातार च्याम्पियन बन्न सफल भएको हो । त्रिपुरेश्वरस्थित […]

Success

Thank you for your time.