काठमाडौं (हाम्रो खेलकुद)- लाजिम्पाटस्थित आयरिश पबले शनिवार ‘च्याम्पियन्स नाइट’ आयोजना गर्दै भारतीय म्याट्रिक्स फाइट नाइट (एमएफएन) को मुख्य प्रतिस्पर्धाको उपाधि जितेका एमएमए खेलाडी रविन्द्र ढाँटलाई सम्मान गरेको छ।

कार्यक्रमको सुरुवात रविन्द्रसँग आमन्त्रित र उनका समर्थकसँग ‘मिट एण्ड ग्रिट’ बाट भएको थियो ।‌ त्यसपछि सर्व साधारणलाई खुला रुपमा भेटको व्यवस्थापन गरिएको थियो।

आयरिश पबले उनको खेल यात्रालाई सघाउन कोष संकलन अभियानबाट ६ लाख २० हजार रुपैयाँ जुटेको बताइएको छ। यसले स्थानीय खेल प्रतिभा विकासप्रति समुदायको प्रतिबद्धता प्रस्ट पारेको पब व्यस्थापनले जनाएको छ।

जुजु वेयर्स, अल्फा कन्सर्न, गणेशमान सिंह फाउन्डेसन, मुस्ताङ हेली, होलिडे इन एक्सप्रेस, आरएबी , एबी कर्प, आर्च भिजन, बिनी, अंशु इनभेष्ट, गिफ्ट हाउसको कोष संकलनमा प्रमुख सहयोग रहेको बताइएको छ।

कार्यक्रमलाई चाटाइम, डाबर रियल फ्रुट पावर, जुजु वेयर्स र एक्स्ट्रीम इनर्जी ड्रिङ्क ले प्रायोजन गरेका थिए।

आयरिश पबका प्रबन्ध साझेदार राईश भट्टले भने,’रविन्द्र ढाँटले नेपाललाई विश्वको एमएमए नक्शामा राखेका छन्। तस्ता खेलाडीलाई सम्मान र सहयोग गर्नुपर्ने हाम्रो कर्तव्य हो। यसमा समन्वय पुर्याउने रविन्द्रका प्रशिक्षक दिविज पिया लामाप्रति विशेष आभार प्रकट गर्न चाहन्छौं।’