7 years ago
July 28, 2017
काठमाडौं(हाम्रो खेलकुद) – राजधानीको नक्सालस्थित नागपोखरी परिसरमा नक्साल बक्सिङ क्लबले आफ्नो टोलका पुराना र चर्चित खेलाडीहरुको सम्झनामा फोटो प्रदर्शनी गरेको छ । नागपोखरी महोत्सवकै दौरान क्लबले आफ्नो टोलबाट बक्सिङ खेलमार्फत राष्ट्रलाई चिनाएका पूर्व ओलम्पियन, चर्चित मुक्केबाज, प्रशिक्षक तथा अन्तर्राष्ट्रिय रेफ्री लक्ष्मण शम्शेर थापा, पुष्करध्वज शाही र कृष्णमान श्रेष्ठ र नक्साललाई फुटबलमा चिनाउने दिनेश सिलवाल लगायतको […]
काठमाडौं(हाम्रो खेलकुद) – राजधानीको नक्सालस्थित नागपोखरी परिसरमा नक्साल बक्सिङ क्लबले आफ्नो टोलका पुराना र चर्चित खेलाडीहरुको सम्झनामा फोटो प्रदर्शनी गरेको छ ।
नागपोखरी महोत्सवकै दौरान क्लबले आफ्नो टोलबाट बक्सिङ खेलमार्फत राष्ट्रलाई चिनाएका पूर्व ओलम्पियन, चर्चित मुक्केबाज, प्रशिक्षक तथा अन्तर्राष्ट्रिय रेफ्री लक्ष्मण शम्शेर थापा, पुष्करध्वज शाही र कृष्णमान श्रेष्ठ र नक्साललाई फुटबलमा चिनाउने दिनेश सिलवाल लगायतको फोटो प्रदर्शनीमा राखिएको छ । फोटो प्रदर्शनी भोलिसम्म चल्नेछ । नक्साल बक्सिङ क्लबका रमेशदास श्रेष्ठले बिर्सनै लागेका पुर्व हस्तीहरुलाई पुनः चिनारी होस् भनेर फोटो प्रदर्शनीमा राखिएको बताए ।
स्वर्गीय मुक्केबाज, प्रशिक्षक तथा अन्तर्राष्ट्रिय रेफ्री लक्ष्मण शम्शेर थापालाई बक्सिङको क्लब र पहिलो अन्तर्राष्ट्रिय बक्सिङ प्रतियोगिता आयोजना गराउने व्यक्तित्वको रुपमा चिनिन्छ । उनकै अगुवाई वि.स. २०२० मा जापानमा आयोजना भएको ओलम्पिकमा चार जना नेपाली बक्सरले सहभागिता जनाउने मौका पाएका थिए । उनकै अगुवाईमा वि.स. २०३३ मा नेपाल बक्सिङ संघको स्थापना भएको थियो । उनलाई नेपाली बक्सिङ इतिहासमा अनगिन्ती बक्सर जन्माउने व्यक्तित्वको रुपमा समेत लिइन्छ ।
लक्ष्मण शम्शेर थापाले कमलपोखरीमा वि.स. २०१८ मा आफ्नै घरमा बक्सिङ क्लब खेलेपछि शुरुवात भएको मानिन्छ । त्यसपछि नक्साल खेलकुद मण्डल, नक्साल युथ बक्सिङ क्लब र हाल नक्साल बक्सिङ क्लबको रुपमा क्लबले राष्ट्रिय तथा अन्तर्राष्ट्रिय खेलाडी उत्पादन गरिरहेको छ ।
यसबाहेक पुष्करध्वज शाहि पनि सागमा पदक विजेता खेलाडी रहिसकेका छन् भने कृष्णमान श्रेष्ठ पनि नेपाली बक्सिङमा लामो इतिहास बोकिसकेका खेलाडी हुन्।
April 25, 2024
काठमाडौं (हाम्रो खेलकुद) – साविक उपविजेता विभागीय नेपाल एपिएफ क्लबले सातौं केएनपी नेरोलेक राष्ट्रिय महिला भलिबल प्रतियोगितामा अर्काे विभागीय टोली त्रिभुवन आर्मी क्लबमाथि रोमाञ्चक जित निकाल्दै फाइनल पुग्ने सम्भावना बलियो बनाएको छ । एपिएफले आर्मीलाई ३–२ को सेटमा पराजित गर्दै फाइनल पुग्ने सम्भावना बलियो बनाएको हो । सुरुवाती दुई सेट जितेको एपिएफले त्यसपछि लगातार दुई […]
April 24, 2024
गोरखा (हाम्रो खेलकुद) – नवलपुरका मिडल ब्लकर हिमाल सुनारी र पर्वतकी स्पाइकर रिमा कुँवर गण्डकी प्रदेश स्तरीय महिला तथा पुरुष भलिबल प्रतियोगिताको सर्वाेत्कृष्ट खेलाडी घोषित भएका छन् । दुवैले आ–आफ्नो टोलीलाई च्याम्पियन बनाउन सानदार प्रदर्शन गरेका थिए । सर्वाेत्कृष्ट बनेसँगै उनले १० हजार रुपैयाँसँगै ट्रफी मेडल र प्रमाणपत्र प्राप्त गरेका छन् । गोरखाको बारपाक सुलिकोट […]
April 24, 2024
गोरखा (हाम्रो खेलकुद) – नवलपुर र पर्वतले गण्डकी प्रदेश स्तरीय महिला तथा पुरुष भलिबल प्रतियोगिताको उपाधि जितेका छन् । नवलपुर पुरुषमा तथा पर्वत महिलामा च्याम्पियन बनेका हुन् । गोरखाको बारपाक सुलिकोट गाउँपालिकामा बुधबार भएको फाइनलमा स्याङ्जालाई ३–२ को सेटमा पराजित गर्दै नवलपुरले उपाधि जित्न सफल भएको हो । नवलपुरले सुरुवाती दुई सेट गुमाएपनि त्यसपछिको तीनै […]