7 years ago
August 13, 2017
काठमाडौं (हाम्रो खेलकुद)– नेपाल पौडी संघले बिहिबारदेखि शुरु हुने २० औं राष्ट्रिय पौडी प्रतियोगिताबाट नयाँ नियम लागु गर्ने तयारी गरेको छ । नयाँ नियम अनुसार एक खेलाडीले कुनै चार इभेन्टमा मात्रै सहभागिता जनाउन पाउनेछ । फिना, ओलम्पिक लगायत अन्य खेलहरुमा खेलाडीले जुनसुकै खेलमा खेल्न पाउने प्रावधान छ । पौडी संघले ल्याउन लागेको नियम फिना च्याम्पियनसिप […]
काठमाडौं (हाम्रो खेलकुद)– नेपाल पौडी संघले बिहिबारदेखि शुरु हुने २० औं राष्ट्रिय पौडी प्रतियोगिताबाट नयाँ नियम लागु गर्ने तयारी गरेको छ । नयाँ नियम अनुसार एक खेलाडीले कुनै चार इभेन्टमा मात्रै सहभागिता जनाउन पाउनेछ । फिना, ओलम्पिक लगायत अन्य खेलहरुमा खेलाडीले जुनसुकै खेलमा खेल्न पाउने प्रावधान छ ।
पौडी संघले ल्याउन लागेको नियम फिना च्याम्पियनसिप र ओलम्पिक लगायत कुनैपनि खेलमा लागु हुदैन । तर, नेपाल पौडी संघका उपाध्यक्ष तथा प्रतियोगिताको संयोजक गीता राणाले एकै खेलाडीले सबै इभेन्टमा सहभागिता जनाउदा खेलाडीको खेलको स्तर नबढ्ने भएकाले खेलाडीलाई निश्चित इभेन्टमा केन्द्रित गर्न यस्तो खालको नियम लागु गर्न लागिएको बताईन् ।
‘हामीले लागु गर्न लागेको नियम पौडीको आधिकारिक प्रतियोगिताहरुमा लागु गरिएको छैन । तर, हामीले खेलाडीहरुको खेलको स्तर बढाउनकै लागि निश्चित इभेन्टमा खेलाडीलाई केन्द्रित गर्न लागेका हौं । नियम लागु गर्ने तयारी गरेको हो, निर्णयमा पुगिसकेको छैन ।’
यस्तै प्रतियोगिताको प्राविधिक कमिटिका सदस्य राजेश बज्राचार्यले नयाँ नियमको अवधारणा अघि सार्ने प्रयास भैरहेको बताए । नेपाल पौडी संघका महासचिव जगतमान श्रेष्ठले कुनै निश्चित खेलाडीलाई लक्षित गरेर नियम नबनाएको बताए । ‘हामीले कुनै राम्रो खेलाडीलाई लक्षित गरेर नियम बनाउन लागेका हैनौ ।’ महासचिव श्रेष्ठले भने, ‘खेलाडीकै हितका लागि र उनीहरुलाई आफ्नै इभेन्टमा बढी फोकस गर्नको लागि नियम प्रयोग गर्न लागेको हो । यस्तो हुन सके कम्तीमा उनीहरु आफ्नै इभेन्टमा बढी केन्द्रित हुन पाउनेछ ।’
१९ औं संस्करणमा पुरुषतर्फ त्रिभुवन आर्मी क्लबका शिरिष गुरुङले १६ स्वर्ण जितेका थिए । यसै प्रतियोगिताको लागि रियो ओलम्पिककी कान्छी खेलाडी बनेर चर्चित बनेकी गौरिका सिंह लण्डनबाट नेपाल आइसकेकी छिन् । गौरिकाले गतवर्ष भारतमा भएको १२ औं दक्षिण एसियाली खेलकुद (साग) मा नेपाललाई चार पदक दिलाएकी थिइन ।
भदौं १ र २ गते दुई दिन सातदोबाटो स्थित अन्तर्राष्ट्रिय खेलकुद परिसरको पौडी पोखरीमा हुने प्रतियोगितामा प्रतियोगितामा ५ विकास क्षेत्र, त्रिभूवन आर्मी क्लब, नेपाल प्रहरी क्लब र नेपाल एपीएफ क्लबबाट गरी १ सय ३६ खेलाडीको सहभागिता जनाउनेछ । ३६ इभेन्ट रहेको प्रतियोगितामा पुरुषतर्फ ७३ र महिलातर्फ ६३ खेलाडीले विभिन्न इभेन्टसमा सहभागिता जनाउनेछ ।
April 25, 2024
काठमाडौं (हाम्रो खेलकुद) – साविक उपविजेता विभागीय नेपाल एपिएफ क्लबले सातौं केएनपी नेरोलेक राष्ट्रिय महिला भलिबल प्रतियोगितामा अर्काे विभागीय टोली त्रिभुवन आर्मी क्लबमाथि रोमाञ्चक जित निकाल्दै फाइनल पुग्ने सम्भावना बलियो बनाएको छ । एपिएफले आर्मीलाई ३–२ को सेटमा पराजित गर्दै फाइनल पुग्ने सम्भावना बलियो बनाएको हो । सुरुवाती दुई सेट जितेको एपिएफले त्यसपछि लगातार दुई […]
April 24, 2024
गोरखा (हाम्रो खेलकुद) – नवलपुरका मिडल ब्लकर हिमाल सुनारी र पर्वतकी स्पाइकर रिमा कुँवर गण्डकी प्रदेश स्तरीय महिला तथा पुरुष भलिबल प्रतियोगिताको सर्वाेत्कृष्ट खेलाडी घोषित भएका छन् । दुवैले आ–आफ्नो टोलीलाई च्याम्पियन बनाउन सानदार प्रदर्शन गरेका थिए । सर्वाेत्कृष्ट बनेसँगै उनले १० हजार रुपैयाँसँगै ट्रफी मेडल र प्रमाणपत्र प्राप्त गरेका छन् । गोरखाको बारपाक सुलिकोट […]
April 24, 2024
गोरखा (हाम्रो खेलकुद) – नवलपुर र पर्वतले गण्डकी प्रदेश स्तरीय महिला तथा पुरुष भलिबल प्रतियोगिताको उपाधि जितेका छन् । नवलपुर पुरुषमा तथा पर्वत महिलामा च्याम्पियन बनेका हुन् । गोरखाको बारपाक सुलिकोट गाउँपालिकामा बुधबार भएको फाइनलमा स्याङ्जालाई ३–२ को सेटमा पराजित गर्दै नवलपुरले उपाधि जित्न सफल भएको हो । नवलपुरले सुरुवाती दुई सेट गुमाएपनि त्यसपछिको तीनै […]