भरतपुर पदमोदय युवा क्लब भरतपुर–२७ , पदमपोखरी , पटिहानी , चितवनको दशौ बार्षिक साधारणसभा तथा पाँचौ अधिवेसनले पुनः रामहरि सेढाईको अध्यक्षतामा १७ सदस्यीय नयाँ कार्यसमिति चयन गरेको छ ।
२०६८ सालदेखि नेतृत्व सम्हाल्दै आएका सेढाई दोस्रोपटक पुन जिम्मेवारी पाएका छन् । क्लबको वरिष्ठ उपाध्यक्षमा सञ्जिव पाण्डे, उपाध्यक्षमा पदम बहादुर पौडेल, सचिवमा कुशल पौडेल , सह–सचिवमा नारायण भट्ट, कोषाध्यक्षमा सृजना गुरुङ चयन भएका छन् ।
त्यसैगरी सदस्यहरुमा चित्र बहादुर गुरुङ , बिकास कार्की , दिपक अधिकारी , दिपक कोईराला , सुमन सापकोटा , सन्तोष श्रेष्ठ , सरोज रेग्मी , सरिता पन्त , अनिसा गुरुङ , सबिना कार्की र बिजय कोईराला पनि चयन भएका छन् यस्तै १० औ वार्षिक साधारणसभाले समाजसेवी विमलसिंह ठकुरीलाई संरक्षकको जिम्मेवारी दिएको छ । साधरणसभामा क्लबको प्रतिवेदन रामहरी सेढाई, आर्थीक प्रतिवेदन नारायण भट्टले प्रस्तुत गरेका थिए । साधरणसभामा क्लबलाई आर्थिक तथा अन्य सहयोग गर्ने करिब दुई सय जनालाई सम्मान गरिएको थियो ।
क्लबले शिवरात्रिको अवसर पारेर फागुन २३ गतेदेखि पदमोदय अन्तर्राष्ट्रिय पुरुष भलिबल प्रतियोगिता सञ्चालन गर्दैछ । भारत, बंगलादेश, भुटान सहित नेपाल प्रहरी क्लब, त्रिभुव आर्मी क्लब, शशस्त्र प्रहरीको एपिएफ क्लब सहभागि हुदैछन् । साधरणसभाको उद्घाटन गर्दै चितवन क्षेत्र नम्बर ४ का सांसद रामकृष्ण घिमिरेले यूवालाई खेलकुदप्रति जागरण ल्याउन क्लबले महत्वपुणै भुमिका खेलेको बताए ।
