दिपक बोहोरा , पाँचथर
जिल्लाकै सबै भन्दा ठुलो र लोकप्रिय फुटबल प्रतियोगीता अथवा पाँचथरे फुटवल माहाकुम्भ“फाल्गुनन्द गोल्डकप”को सातै संस्करणको तयारी पाँचथरको फिदिमा तिब्र गतिमा भइरहेको छ ।
सो प्रतियोगीता पुस पुस २५ गते बाट पाँचथरको फिदिममा सञ्चालन हुने छ । प्रतियोगीताको मिति नजिकीदै जादा आयोजक तयारीमा व्यस्त रहेका छन । अहिले सम्म खेलमैदान भिजाउने , खेलमैदान बार्ने कार्य भइरहेको छ । ८० प्रतिशत तयारी पुराभएको आयोजक फिदिम स्पोटिङ क्लबका उपाध्यक्ष दिपेन्द्र थापा मगरले जानकारी दिए ।
खेलमैदानको तयारी संगै सहभागी टिमको समेत टुङगो लागेको छ । ८ टिमको सहभागीता रहेने खेलमा आयोजक फिदिम स्पोटिङ क्लब सहित इलामको म्याइ भ्याली क्लब , ताप्लेजुङ ११ , चर्च ब्वाइज क्लब काठमाण्डै , मोरङ , भारतको प्ँऋ सिक्किम , झापा ११ र ब्एँ दमक झापाको सहभागीता रहने उपाध्यक्ष दिपेन्द्र थापा मगरले जानकारी दिए ।
अधिल्लो बर्षको उपाधी आयोजक फिदिम स्पोटिङ क्लबले जितेको थियो । राष्ट्रिय बिभुति फाल्गुनन्दको सम्मानमा आयोजना हुने खेलमा प्रथमहुने टोलीले १ लाख ११ हजार १ सय ११ र दितिय हुने टिमले ५५ हजार ५ सय ५५ रुपया प्राप्त गर्ने छन ।
