हेलो नमस्ते
भर्खरै वामअप सकिएको छ ।

आज नेपाली टिममा तीन खेलाडी परिवर्तन गरिएको छ ।

नेपाली टिमको कप्तानी गोलरक्षक किरण चेम्जोङले गर्नेछन् । उनले पहिलो पटक राष्ट्रिय टिमको कप्तानी गर्न लागेका हुन् । नेपालले एसियाली खेलकुदको पुरुष फुटबलमा उनकै नेतृत्वमा खेलेको थियो ।

हामीले बंगलादेशको ढाकास्थित बंगबन्धु रंगशालाबाट प्रत्यक्ष लाइभ अपडेट गरिरहेका छौं ।

खेल सुरु भएको छ ।

दुवै टोलीले सुस्त सुरुवात गरेको छ ।

पाचौ मिनेट सकिएको छ ।

नेपालले खेलमा दवाव सिर्जना गरेको छ ।

नवौ मिनेटमा रोहितको फितलो प्रहार ।

१३औ मिनेटमा सुनिल बलको फितलो प्रहार ।

१७औ मिनेटमा सुनिल फ्रिकिक जित्न फल ।

१८औ मिनेटमामा आदित्यको फ्रीकिक फितलो ।

२१ मिनेट गोल

सुनिल बलको कर्नरमा अनन्त तामांगको हेड गोल । अनन्तको यो दोस्रो अन्तरास्ट्रिय गोल हो । यसअघि उनले एफसी सोलिडारिटि कपमा लाओसविरुद्ध गोल गरेका थिए ।

२५औ मिनेटको खेल सकिदा नेपाल १-० ले अघि छ ।

खेलमा नेपालले लगातार दवाब सिर्जना गरिरहेको छ ।

२९औं मिनेटमा गोलरक्षक किरणले भुटानको प्रहार मुस्किलले नियन्त्रणमा लिन सफल भएको छ ।

३०औं मिनेटको खेल सकिएको छ ।

३५औं मिनेटको खेल सकिएको छ । नेपालले १–० ले अग्रता लिइरहेको छ ।

भुटानका खेलाडी घाइते देखिएका छन् ।

४०औं मिनेट भुटानबाट खेलाडी परिवर्तन भएको छ । मफाम चोफेज जिग्मेको स्थानमा रिन्चेन दोजी मैदान प्रवेश गरेका छ ।

पहिलो हाफ सकिन २ मिनेट बाँकी छ । नेपालले खेलमा १–० को अग्रता लिइरहेको छ ।

तीन मिनेट समय थप गरिएको छ ।

इन्जुरी समयमा नेपालले फ्रिकिक पाएको छ । सुनिल बल फ्रिकिक प्रहार गर्देछन् । सुनिलको फ्रिकिक पोस्टबाट थोरै बाहिरिएको छ ।

पहिलो हाफ सकिएको छ । खेलमा नेपालले १–० कने अग्रता लिइरहेको छ ।

दोस्रो हाफ शुरु भएको छ । नेपालले १–० ले अग्रता लिइरहेको छ । के नेपालले यो अग्रता अन्तिमसम्म जोगाईराख्न सफल रहला ?

५०औं मिनेट सुनिल बलको कर्नरमा रोहित चन्दको हेड पोल नजिकैबाट बाहिरिएको छ ।

नेपालले केही सुस्त खेलिरहेको छ ।

५७औं मिनेट नेपाल गोलबाट मुस्किलले जोगिएको छ । चेन्चोको प्रहारलाई डिफेन्डरले क्लियर गरिदिएका छन् ।

६०औं मिनेटको खेल सकिएको छ । नेपालले दोस्रो हाफमा खासै मुभ बनाउन सकेको छैन ।

६३औं मिनेट नेपालबाट खेलाडी परिवर्तन भएके छ । विशाल राईको स्थानमा निराजन खड्का मैदान छिरेका छन् ।

६५औं मिनेट अफसाइड छेन्डा दोर्जीको प्रहारलाई लाइन्स मेनले अफसाइड दिएका छन् । नेपाल मुस्किलले बचेको छ । नेपालले १–० को अग्रता लिइरहेको छ ।

६८औं मिनेटमा विमलको क्रसमा अन्जनको प्रहार पोलमा लागेर फर्किदा सुजलको वाइड प्रहार ।

पेनाल्टी
७० औं मिनेट नेपालले पेनाल्टी पाएको छ । निमा वाङ्दीले निराजन खड्कालाई लडाएपछि
गोल विमलले पेनाल्टीमा गोल गर्न असफल रिवायन्डमा सुनिल बल गोल गर्न सफल ।

सुनिलले बलले तेस्रो अन्तर्राष्ट्रिय खेलमा डेब्यु गोल गर्न सफल भएका हुन् ।

७० औं मिनेट बिमल फेरि  गोल गर्न असफल   ।

७९ औं मिनेटमा भरत अवास गोल गर्न सफल

८४औं मिनेट नेपालबाट खेलाडी परिवर्तन । दिनेश राजवंशीको स्थानमा विराज महर्जन मैदान प्रवेश ।

सब्सिच्युट खेलाडीको रुपमा मैदान प्रवेश गरेका कप्तान विराज महर्जन राष्ट्रिय टिमबाट सबैभन्दा धेरै क्याप जित्ने खेलाडी बनेका छन् ।

८८औं मिनेट निराजन खड्का गोल गर्न सफल सुनिल बलको कर्नरमा निराजनले हेड गोल गर्न सफल भएका हुन् ।

तीन मिनेट समय थपिएको छ । नेपाल ४–० ले अघि छ ।

खेल सकिएको छ । नेपालले भुटानमाथि ४–० को सहज जित निकालेको छ । भुटानमाथिको जितसँगै नेपालले समूह चरण पार गर्ने सम्भावना बलियो बनाएको छ । भुटान भने एक खेल अगावै प्रतियोगिताको समूह चरणबाट बाहिरिएको छ ।

अब नेपालले शनिबार आयोजक बंगलादेशसँग खेल्नेछ । उक्त खेलमा जित हात पारे नेपा साफ सुजुकी कपको सेमिफाइनलमा प्रवेश गर्नेछ ।

आजै आयोजक बंगलादेश र पाकिस्तानबीचको खेल केही बेरमा शुरु हुदैछ ।