8 years ago
March 25, 2016
काठमाडौं, चैत १२ नेपाल बास्केटबल संघको आयोजनामा हुने प्रथम दक्षिण एसियाली महिला बास्केटबल च्याम्पियनसिपको मुख्य प्रायोजक एनटीसी (नेपाल टेलिकम) रहने भएको छ । युनाइटेड वल्र्ड टे«ड सेन्टरमा शुक्रबार आयोजित पत्रकार सम्मेलनमा आयोजक संघका अध्यक्ष लामा टेन्डी शेर्पाले सोको जानकारी गराए । मुख्य प्रायोजनसंगै प्रतियोगिताको नाम अगाडि एनटीसी थपिने छ । अन्य प्रायोजकमा रुसलान, मोर्गन इन्टरनेसनल […]
काठमाडौं, चैत १२
नेपाल बास्केटबल संघको आयोजनामा हुने प्रथम दक्षिण एसियाली महिला बास्केटबल च्याम्पियनसिपको मुख्य प्रायोजक एनटीसी (नेपाल टेलिकम) रहने भएको छ ।
युनाइटेड वल्र्ड टे«ड सेन्टरमा शुक्रबार आयोजित पत्रकार सम्मेलनमा आयोजक संघका अध्यक्ष लामा टेन्डी शेर्पाले सोको जानकारी गराए । मुख्य प्रायोजनसंगै प्रतियोगिताको नाम अगाडि एनटीसी थपिने छ । अन्य प्रायोजकमा रुसलान, मोर्गन इन्टरनेसनल कलेजलगायत छन् भने मिडिया पार्टनरमा द हिमालयन टाइम्स रहेको छ ।
मार्च २९ देखि अप्रिल १ तारिखसम्म हुने प्रतियोगितामा नेपालसहित बंगलादेश, भुटान, माल्दिभ्स र श्रीलंका गरी ५ राष्ट्र सहभागी हुने छन् । त्रिपुरेश्वरस्थित राष्ट्रिय खेलकुद परिषद्को कभर्डहलमा हुने प्रतियोगिता राउन्ड रोविन लिगका आधारमा हुनेछ । प्रतियोगितामा जम्मा १० खेल खेलाइने छ ।
दक्षिण एसियाली महिला बास्केटबल नेपालमै पहिलो पटक हुन लागेको हो । प्रतियोगितालाई सफलतापूर्वक सम्पन्न गर्न बास्केटबल संघका वरिष्ठ उपाध्यक्ष नरेन्द्र थापाको संयोजकत्वमा ११ सदस्यीय मूल आयोजक समिति गठन गरिएको छ ।
पत्रकार सम्मेलनमा टिम प्रशिक्षक विकास शाहीले तयारी राम्रो भएकाले लक्ष्य उपाधि नै भएको बताउदै सहभागी मध्ये श्रीलंका बलियो टिम भएको बताए ।
‘हामीले १२ औं सागका लागि तयारी गरिहेका थियौं । सागमा खेल्न नपाउदा खेलाडी दुखी थिए । अब नेपालमै प्रतियोगिता हुने भएपछि खेलाडी खुशी र उत्साहित छन् ।’ शाहीले भने– ‘खेलाडीले भारत र थाइल्यान्डमा पनि सागको तयारीका लागि प्रशिक्षण लिएका थिए । हामी तयारी अवस्थामा छौं । हाम्रो लक्ष्य उपाधि नै हो ।’
कप्तान सदिना श्रेष्ठले तयारी राम्रो भएकाले टिम बलियो भएको बताउदै लक्ष्य उपाधि नै भएको बताइन् । प्रतियोगिता सञ्चालन गर्न ७२ लाख ९८ हजार रुपैयाँ खर्च हुने अनुमान गरिएको आयोजकले जनाएको छ ।
April 25, 2024
काठमाडौं (हाम्रो खेलकुद) – साविक उपविजेता विभागीय नेपाल एपिएफ क्लबले सातौं केएनपी नेरोलेक राष्ट्रिय महिला भलिबल प्रतियोगितामा अर्काे विभागीय टोली त्रिभुवन आर्मी क्लबमाथि रोमाञ्चक जित निकाल्दै फाइनल पुग्ने सम्भावना बलियो बनाएको छ । एपिएफले आर्मीलाई ३–२ को सेटमा पराजित गर्दै फाइनल पुग्ने सम्भावना बलियो बनाएको हो । सुरुवाती दुई सेट जितेको एपिएफले त्यसपछि लगातार दुई […]
April 24, 2024
गोरखा (हाम्रो खेलकुद) – नवलपुरका मिडल ब्लकर हिमाल सुनारी र पर्वतकी स्पाइकर रिमा कुँवर गण्डकी प्रदेश स्तरीय महिला तथा पुरुष भलिबल प्रतियोगिताको सर्वाेत्कृष्ट खेलाडी घोषित भएका छन् । दुवैले आ–आफ्नो टोलीलाई च्याम्पियन बनाउन सानदार प्रदर्शन गरेका थिए । सर्वाेत्कृष्ट बनेसँगै उनले १० हजार रुपैयाँसँगै ट्रफी मेडल र प्रमाणपत्र प्राप्त गरेका छन् । गोरखाको बारपाक सुलिकोट […]
April 24, 2024
गोरखा (हाम्रो खेलकुद) – नवलपुर र पर्वतले गण्डकी प्रदेश स्तरीय महिला तथा पुरुष भलिबल प्रतियोगिताको उपाधि जितेका छन् । नवलपुर पुरुषमा तथा पर्वत महिलामा च्याम्पियन बनेका हुन् । गोरखाको बारपाक सुलिकोट गाउँपालिकामा बुधबार भएको फाइनलमा स्याङ्जालाई ३–२ को सेटमा पराजित गर्दै नवलपुरले उपाधि जित्न सफल भएको हो । नवलपुरले सुरुवाती दुई सेट गुमाएपनि त्यसपछिको तीनै […]