काठमाडौं (हाम्रो खेलकुद) – दुवई अन्तर्राष्ट्रिय जुनियर ब्याडमिन्टनका बिजेता प्रिन्स दाहालले राष्ट्रपति कप जुनियर अन्तराष्ट्रिय ब्याडमिनटन प्रतियोगितामा दोहोरो उपाधि जितेका छन् ।
प्रिन्स यु–१९ र यु–१५ दुवै तर्फ च्याम्पियन बनेका हुन् । उनले फाइलनमा यु–१९ का शीर्ष वरीयताका प्रफुल महर्जनलाई २१–८ र २१–१० ले पराजित गर्दै च्याम्पियन बने । यु–१५ मा उनले म्यानमारका ज लिन थुलाई २१–१५, १७–२१, २१–९ ले पराजित गर्दै दोहोरो उपाधि उचाले ।
नेपाल ब्याडमिन्टन संघको तत्वाधान तथा मोरङ जिल्ला ब्याडमिन्टन संघको आयोजनामा भएको प्रतियोगिताको महिला यु–१९ मा शीर्ष वरीयताकी जेशिका गुरुङले रशिला महर्जनमाथि २४–२२ र २१–१४ ले पाखा लगाउंदै उपाधी जितिन् । यस्तै उनले रशिलासँग मिलेर यु–१९ गल्र्स जोडी तर्फ पनि उपाधी हात पारिन् । जेशिका र रशिलाको जोडीले शिमा राजबंशी र निता लम्साललाई २१–१२, २१–३ ले पाखा लगाए ।
सहिद रंगशालास्थित कभर्डहलमा भएको प्रतियोगिताको यु–१९ पुरुष युगलतर्फको खेलमा म्यानमारका ज लिन थु र थु रिनको जोडीले प्रफुल महर्जन र रुकेश महर्जनको जोडीमाथि १९–२१, २१–१८ र २१–१७ को जित निकाल्दै उपाधी उचाले ।
यु–१५ गल्र्स तर्फ शीर्षु वरीयताकी रशिला महर्जनले स्मृती राईलाई २१–७ र २१–३ ले पराजित गर्दै उपाधी हात पारिन् ।
विजयी शिर्ष तीन स्थान हात पार्ने खेलाडीहरुले क्रमशः नगद २० हजार, १० हजार र ५ हजार नगद सहित ट्रफी र प्रमाण पत्र प्राप्त गरे । बिजयी खेलाडीहरुलाई बिराटनगर नगरपालिकाका मेयर भिम पराजुली लगायतले पुरस्कार बितरण गरेका थिए ।
