कप्तान गौतम गम्भिरको अविजित अर्धशतकको मद्दतमा कोलकाता नाइट राइडर्सले इन्डियन प्रिमियर लिग (आइपिएल) मा शनिबार सनराइजर्स हैदरबादलाई ८ विकेटले हराएको छ ।

टस जितेर ब्याटिङ गरेको हैदरावादले इयान मोर्गानको अर्धशतकसँगै ७ विकेटको क्षेतिमा १ सय ४२ रन बनाएको थियो । हैदरावादलाई मध्यम स्कोरमा रोक्ने क्रममा कोलकाताका उमेश यादवले ३, मोर्ने मोर्केलले २ तथा रसेलले १ विकेट लिएका थिए । टोलीका लागि नमन ओझाले ३७ रन जोडेका थिए । ओपनर डेभिड वार्नर र रेड्डीले समान १३ रन बनाए । त्यसअघि मोर्गानले ४३ बलमा ३ चौका र २ छक्कासहित ५१ रन बनाएका थिए ।
१ सय ४३ रनको लक्ष्य पछ्याएको कोलकाताले १० बलअघि २ विकेट गुमाएर १ सय ४६ रन बनाएको थियो । म्यान अफ दि म्याच गम्भिरले ६० बलमा १३ चौका र १ छक्काको मद्दतमा ९० रन बनाएका थिए । उथप्पाले ३४ बलमा ३ चौका र १ छक्कासहित ३८ रन जाडेका थिए । आन्द्रे रुसेल २ रनमा आउट भए भने मनीष पाण्डेले अविजित ११ रन जोडे । हैदरावादका मुस्ताफिजुर रहमान र अशिष रेड्डीले १÷१ विकेट लिएका थिए । गम्भिर र रविन उथप्पाको ओपनिङ जोडीले पहिलो विकेटका लागि ९२ रनको साझेदारीगरेपछि मध्य लक्ष्य पछ्याएको कोलकाताका लागि जित सहज बनेको थियो ।