काठमाडौं (हाम्रो खेलकुद) – तेक्वान्दोकी आयशा शाक्य शनिबार सम्मानित भएकी छन् ।घट्टेकुलोस्थित स्याब स्कुलले आफ्नो १२औं वार्षिक खेलकुद दिवसको अवसरमा आयशालाई नगदसहित सम्मान गरेको हो ।
हिसानका अध्यक्ष रमेश सिलवाल र स्याबका प्रिन्सिपल लक्ष्यबहादुर केसीले आयशालाई सम्मान पत्र र नगद १० हजार प्रदान गरी सम्मान गरेका हुन् ।
आयशा ११औं दक्षिण एसियाली खेलकुद (साग) की स्वर्ण तथा १०औं र १२औं सागकी रजत विजेता हुन् । आयशाले दोहा एसियाडमा पनि कांस्य जितेकी थिइन् ।
