default_image

5 years ago

February 10, 2019

प्रधानसेनापति खुला म्याराथन फागुन तेस्रो साता, पुरस्कार राशिमा बृद्धि

काठमाडौं (हाम्रो खेलकुद) – नेपाली सेनाको आयोजनामा हुने ‘प्रधानसेनापति खुला म्याराथन’ प्रतियोगिताको चौथो संस्करण फागुन तेस्रो सातादेखि आयोजना हुने भएको छ । आयोजक सेनाले आइतबार राजधानीमा पत्रकार सम्मेलनको आयोजना गर्दै प्रतियोगिताको चौथो संस्करण फागुन १८ गते शिवरात्रीको दिन हुने सैनिक शारीरिक तथा खेलकुद केन्द्र लगानखेलका केन्द्रपति शशि किरण रायमाझीले जानकारी गराए । चौथो संस्करणमा म्याराथनमा […]

38 views

0 Bookmark

काठमाडौं (हाम्रो खेलकुद) – नेपाली सेनाको आयोजनामा हुने ‘प्रधानसेनापति खुला म्याराथन’ प्रतियोगिताको चौथो संस्करण फागुन तेस्रो सातादेखि आयोजना हुने भएको छ ।

आयोजक सेनाले आइतबार राजधानीमा पत्रकार सम्मेलनको आयोजना गर्दै प्रतियोगिताको चौथो संस्करण फागुन १८ गते शिवरात्रीको दिन हुने सैनिक शारीरिक तथा खेलकुद केन्द्र लगानखेलका केन्द्रपति शशि किरण रायमाझीले जानकारी गराए ।

चौथो संस्करणमा म्याराथनमा ५ विधा समावेश गरिएको छ । म्याराथनमा खुल्ला पुरुषतर्फ रहेको छ । हाफ म्याराथनमा महिला र पुरुषमा ४५ वर्षमाथि र ४५ वर्षमुनि प्रतिस्पर्धा हुनेछ । १० किलोमिटर दौड विदेशी सैनिक सहचारी र नेपाली सैनिक अधिकृतहरुबीच महिला र पुरुषतर्फ हुनेछ । ५ किलोमिटर दौडमा सैनिक महाविद्यालयका छात्र÷छात्राबीच प्रतिस्पर्धा हुनेछ । अर्काे ५ किलोमिटर वाकाथन हुनेछ ।

यसपटकको म्याराथनमा सबै विधामा पुरस्कार राशिमा बृद्धि गरिएको छ । म्याराथनमा शीर्ष सात जना पुरस्कृत हुनेछन् । म्याराथनको विजेताले १ लाख २५ हजार रूपैयासहति १ स्थान पल्सर मोटरसाइकल प्राप्त गर्नेछन् । दोस्रो हुनेले ६५ हजार रूपैया, तेस्रोले ३५ हजार, चौथोले २५ हजार, पाँचौले १५ हजार, छैटौले १० हजार र सातौले ५ हजार रूपैया हात पार्नेछन् ।

हाफ म्याराथनको महिला र पुरुषतर्फको ४५ वर्षमुनिका बिजेताले समान ५० हजार, दोस्रो हुनेले ३५ हजार र तेस्रो हुनेले २५ हजार रूपैया हात पार्नेछन् । यस्तै ४५ वर्षमाथिको महिला र पुरुषको विजेताले समान ४० हजार, २५ हजार र १५ हजार रूपैया हात पार्ने सेनाले जनाएको छ ।

१० किलोमिटर विदेशी पुरुषतर्फ र महिलातर्फको विजेताले समान ८ हजार, दोस्रो हुनेले ६ हजार र तेस्रो हुनेले ५ हजार रूपैया हात पार्नेछन् । १० किलोमिटर सैनिक क्याडेटतर्फको पुरुष र महिलातर्फको विजेताले ४ हजार, दोस्रो हुनेले ३ हजार र तेस्रो हुनेले २ हजार रूपैया हात पार्नेछन् ।
५ किमि छात्र/छात्रातर्फको विजेताले समान १० हजार रूपैया, दोस्रोले ७ हजार र तेस्रो हुनेले ५ हजार रूपैया हात पार्नेछन् ।

म्याराथनको पहिलो संस्करणमा नेपाल पुलिस क्लबका भुमिराज राई च्याम्पियन बनेका थिए । दोस्रो संस्करणमा सशस्त्र प्रहरी बलका गोपीचन्द्र पार्की र तेस्रो संस्करणमा आर्मीकै कृष्णा बस्नेत च्याम्पियन बनेका थिए ।

March 24, 2024

दोस्रो गल्कोट कप भलिबल अर्काे साता

सिड्नी (हाम्रो खेलकुद) – अस्ट्रेलियाको सिड्नीमा अर्काे साता दोस्रो गल्कोट कप भलिबल प्रतियोगिता आयोजना हुने भएको छ । अस्ट्रेलियामा रहेका बागलुङस्थित गल्कोटबासीको सक्रियतामा स्थापना भएको गल्कोट समाज अस्ट्रेलिया (जिएसए) को आयोजनामा अर्काे साता अर्थात मार्च ३१ तारिखमा एकदिने पुरुष भलिबल प्रतियोगिता आयोजना हुन लागेको हो । एक दिने प्रतियोगिता सिड्नीको ओवर्नस्थित ओवर्न बास्केटबल सेन्टरमा हुनेछ […]

March 23, 2024

फखरउद्दिन र केपी अनुश्री सर्वाेत्कृष्ट

काठमाडौं (हाम्रो खेलकुद) – च्याम्पियन टिप टप हेल्प नेपाल स्पोर्ट्स क्लबका पाकिस्तानी स्पाइकर फखरउद्दिन र एभरेस्ट भलिबल क्लबकी भारतीय स्पाइकर केपी अनुश्री आठौं आरबीबी एनभिए महिला तथा पुरुष भलिबल च्याम्पियनसिपको सर्वोत्कृष्ट खेलाडी चुनिएका छन् । फखरउद्दिन र केपी अनुश्रीले आ–आफ्नो टोलीलाई च्याम्पियन बनाउन महत्वपूर्ण भुमिका निभाएका थिए । फाइनलमा आफ्ना सहयात्री उस्मान फरयाद अलीले प्रदर्शन […]

March 23, 2024

आर्मीमाथि राेमाञ्चक जित निकाल्दै हेल्प नेपाल च्याम्पियन

काठमाडौं (हाम्रो खेलकुद) – विभागीय त्रिभुवन आर्मी क्लबमाथि रोमाञ्चक र प्रतिस्पर्धात्मक जित निकाल्दै टिप टप हेल्प नेपाल आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ च्याम्पियन बनेको छ । तीन पाकिस्तानी र घरेलु भलिबलका चर्चित खेलाडीसम्मिलित हेल्प नेपालले आर्मीमाथि ३–२ को रोमाञ्चक र प्रतिस्पर्धात्मक जित निकाल्दै लगातार च्याम्पियन बन्न सफल भएको हो । त्रिपुरेश्वरस्थित […]

Success

Thank you for your time.