काठमाडौं (हाम्रो खेलकुद) – जावलाखेल भलिबल प्रशिक्षण केन्द्रले शनिबार आफ्नो स्थापना दिवसको २५औं वर्ष (रजत महोत्सव) मनाएको छ ।
जावलाखेलले चार टोलीसम्मिलित एक दिवसीय भेट्रान भलिबल प्रतियोगिता आयोजना गर्दै आफ्नो स्थापनाको रजत महोत्सव मनाएको हो । प्रतियोगितामा जावलाखेलको ‘ए’ र ‘बी’ टोली, भक्तपुर र काभ्रेगरी ७ टोलीले सहभागिता जनाएका थिए ।
विशुद्ध मनोरन्जनको लागि भएको एक दिने प्रतियोगितामा जावलाखेल भलिबल प्रशिक्षण केन्द्रको भेट्रान ‘बी’ टोली च्याम्पियन बन्यो । बेस्ट अफ थ्री को आधारमा भएको खेलमा जावलाखेलको ‘बी’ टोलीले भक्तपुर योङ सर्कललाई १५–८ र १५–६ ले सहजै हरायो ।
जावलाखेलबाट नेपाली राष्ट्रिय भलिबल टिमका पुर्वकप्तान भरत शाहले तथा भक्तपुरबाट पुर्व खेलाडी तथा हाल नेपाल पुलिस क्लबका प्रशिक्षक रुकेश विष्टले खेलेका थिए । प्रतियोगितामा जावलाखेल भलिबल प्रशिक्षण केन्द्रको भेट्रान ‘ए’ टोली र ज्वाला भोमी स्पोर्टस् क्लब काभ्रेले संयुक्त रुपमा तेस्रो थान हात पारे ।
रजत महोत्सवकै अवसरमा पुर्व अन्तर्राष्ट्रिय तथा राष्ट्रिय महिलाको दुई टोलीले मैत्रीपुर्ण खेल खेलेका थिए । फुल्चोकी टिमको कप्तानी पुर्व अन्र्ताष्ट्रिय खेलाडी अन्जु श्रेष्ठले गरेकी थिइन् । चम्पादेवी टोलीको कप्तानी पुर्व अन्तर्राष्ट्रिय खेलाडी इन्दिरा निरौला उपाध्ययले गरेकी थिइन् । खेल फुल्चोकी टोलीले ३–० को सोझो सेटमा हात पारेको थियो ।
रजत महोत्सवमा पुर्व राष्ट्रिय तथा अन्तर्राष्ट्रिय खेलाडीहरुको बाक्लो जमघट रहेको थियो । २५ वर्षको अवधिमा जावलाखेल भलिबल प्रशिक्षण केन्द्रले थुप्रै राष्ट्रिय तथा अन्तर्राष्ट्रिय खेलाडी उत्पादन गरिसकेको छ ।
