default_image

5 years ago

March 9, 2019

कान्छी र तीर्थलाई धरान रनको उपाधि

धरान (हाम्रो खेलकुद) – विभागीय नेपाल एपीएफ क्लबकी कान्छीमाया कोजु र भारतीय सेनामा कार्यरत तीर्थ पुन आरती स्टिल धरान टेन के रन सातौ नेवपा च्यारिटीको खुल्लातर्फ च्याम्पियन बनेका छन् । कान्छी लगातार दोस्रोपटक च्याम्पियन बनेकी हुन् भने, तीर्थ लगातार चौथोपटक धरान रनको च्याम्पियन बन्न सफल भएका हुन् । तीर्थले धरान रनको निर्धारित १० किमी दूरी […]

39 views

0 Bookmark

धरान (हाम्रो खेलकुद) – विभागीय नेपाल एपीएफ क्लबकी कान्छीमाया कोजु र भारतीय सेनामा कार्यरत तीर्थ पुन आरती स्टिल धरान टेन के रन सातौ नेवपा च्यारिटीको खुल्लातर्फ च्याम्पियन बनेका छन् ।

कान्छी लगातार दोस्रोपटक च्याम्पियन बनेकी हुन् भने, तीर्थ लगातार चौथोपटक धरान रनको च्याम्पियन बन्न सफल भएका हुन् ।

तीर्थले धरान रनको निर्धारित १० किमी दूरी ३१ मिनेट १६ सेकेण्डमा पार गरे । ३१ मिनेट २२ सेकेण्डमा निर्धारित दूरी पार गरेका अनिस थापा दोस्रो भए । त्रिभुवन आर्मी क्लबका गजेन्द्र राईले ३१ मिनेट ३५ सेकेण्डमा दुरी पार गर्दै तेस्रो स्थान हात पारे । उपाधिसँगै तीर्थले ४० हजार रूपैया पाए । दोस्रो भएको अनिषले ३० हजार तथा चौथो भएको गजेन्द्रले २० हजार पाए ।

महिला खुल्लातर्फ कान्छीमायाले ३७ मिनेट ४८ सेकेण्ड दुरी पार गरी लगातार दोस्रो पटक च्याम्पियन बनिन् । काठमाडौंकी सन्तोषी श्रेष्ठ दोस्रो भइन् । उनले निर्धारित दुरी ३८ मिनेट १८ सेकेन्डमा दुरी पार गरिन् । तेस्रो भएकी एपीएफकी पुष्पा भण्डारीले ३८ मिनेट ४७ सेकेण्डमा दुरी पार गरिन् । च्याम्पियन कान्छीले ४० हजार सहित प्रमाणपत्र र मेडल प्राप्त गरिन् । दोस्रो भएको सन्तोषीले ३० हजार तथा तेस्रो भएको पुष्पाले २० हजार रूपैया पाइन् ।

प्रतियोगितामा १२ बर्षमुनि ब्वाइजमा रोदन राई प्रथम भए । अनिष खड्का दोस्रो तथा अशोक तामा तेस्रो भए । गल्र्समा स्मृति प्रथम, लक्ष्मी भुजेल दोस्रो र प्रकृति भुजेल तेस्रो भइन् । यु–१६ पुरुषतर्फ नरेश बुढा प्रथम, प्रविण कुमार वोहोरा दोस्रो किरण लिम्वुले तेस्रो स्थान हात पारे । महिलातर्फ मनिषा राई प्रथम, चन्द्रकला भुजेल दोस्रो र संगिता तामाङले तेस्रो स्थान हात पारिन् । उनीहरुले समान ७ हजार, ५ हजार र ३ हजार रुपैया पाए ।

त्यस्तै ४० बर्षमाथि भेट्रान पुरुषतर्फ र्धम महर्जन पहिलो, निर्मल राई दोस्रो तथा मंगल तामाङ तेस्रो भए । महिलातर्फ रीता राई पहिलो भीममाया राई दोस्रो र गंगा गुरुङ तेस्रो भइन् । प्रथम हुनेले ७ हजार, दोस्रो हुनेले ५ हजार र तेस्रो हुनेले ३ हजार नगद मेडल र प्रमाणपत्र प्राप्त गरे ।

कार्यक्रमकै अवसरमा पाँचपटक राष्ट्रिय च्याम्पियन मुकुन्दहरि श्रेष्ठलाई सम्मान गरिएको प्रतियोगिता संयोजक रामु राईले जानकारी गराए । विजयी खेलाडीहरुलाई आरती स्टिलका तथा क्याप्टेन विजय लामालगायतले पुरस्कृत गरे । म्याराथन करिव ४ हजार जनाले सहभागिता जनाएका थिए ।

April 16, 2024

बहराइनको कम्बोडियाविरुद्ध सहज जित

मस्कट (हाम्रो खेलकुद) – ओमनमा जारी एसिसि प्रिमियर कप अन्तर्गत बहराइनले पहिलो जित दर्ता गरेको छ । पहिलो जित दर्ता गर्ने क्रममा बहराइनले कम्बोडिया माथि ७ विकेटको सहज जित हासिल गरेको हो । कम्बोडियाले दिएको ८४ रनको झिनो लक्ष्य बहराइनले १३.१ ओभरमा ३ विकेट गुमाएर भेटायो । बहराइनका लागि हैदर बटले २७ बलमा ३ चौका […]

April 10, 2024

आर्मीलाई हराउँदै मच्छिन्द्र सिमरा गोल्डकपको सेमिफाइनलमा

सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]

April 6, 2024

खड्का टिप-टो स्पोर्ट्स एकेडेमीको ब्रान्ड एम्बासेडर

काठमाडौं (हाम्रो खेलकुद) – नेपाली फुटबल टोलीका पूर्व कप्तान हरि खड्का टिप-टो स्पोर्ट्स एकेडेमीको ब्रान्ड एम्बासेडर र प्राविधिक सल्लाहकार (टेकनिकल एडभाईजर) नियुक्त भएका छन् । एन्फाका वर्तमान टेक्निकल डाइरेक्टर तथा नेपाली महिला फुटबल टोलीका पूर्व मुख्य प्रशिक्षक समेत रहेका खड्का हाल टिप-टो स्पोर्ट्स एकेडेमीसँग जोडिएका हुन् ।  नेपाली फुटसल टोलीका मुख्य प्रशिक्षक गौरव बस्नेतद्वारा संचालित […]

Success

Thank you for your time.