काठमाडौं (हाम्रो खेलकुद) – नेपालका युथ एथलेटर अजित कुमार यादवले हङकङमा भएको तेश्रो एसियाली युथ एथलेटिक्स च्याम्पियनसिपमा ऐतिहासिक स्वर्ण जितेका छन् ।
हङकङमा आइतबार बिहान भएको स्पर्धामा अजितले निर्धारित ३ किलोमिटर दुरी ८ मिनेट ३० दशमलव ३२ सेकेण्डमा पार गर्दै स्वर्ण जित्न सफल भएको हो । उनले भारतका अमित जंगिरले ६ सेकेण्डले पछि पारे । ३ किलोमिटर दौडमा विभिन्न १५ देशका धावकले प्रतिस्पर्धा गरेका थिए ।
यस्तै उनले आफ्नो प्रदर्शनमा समेत सुधार गरेका छन् । यो स्पर्धामा अजितको व्यक्तिगत उत्कृष्ट प्रदर्शन ८ मिनेट ४४ सेकेन्ड रहेको थियो ।
प्रशिक्षकको भूमिकामा धनीराम चौधरी पनि अजितसंगै शुक्रबार हङकङ प्रस्थान गरेका थिए ।
