काठमाडौं (हाम्रो खेलकुद) – ललितपुरका बिकेश राई र काभ्रेका निर्माण बोगटी प्रथम साकुरा राष्ट्रिय स्नुकर च्याम्पियनसिपको सेमिफाइनलमा प्रवेश गरेका छन् ।
जमलस्थित साकुरा स्नुकर हाउसमा बिहीबार भएको क्वाटरफाइनलमा ललितपुरका बिकेश राईले ललितपुरकै अपदिप शाक्यलाई ५–३ को फ्रेममा पराजित गर्दै अन्तिम चारको यात्रा तय गर्न सफल भएको हो ।
अर्काे खेलमा काभ्रेका निर्माण बोगटीले काठमाडौंका सन्जय बज्रचार्यलाई ५–० को फ्रेममा पराजित गर्दै अन्तिम चारको यात्रा तय गर्न सफल भए ।
प्रतियोगितामा शुक्रबार क्वाटरफाइनलका दुई खेल हुने आयोजकले जनाएको छ । शुक्रबारको पहिलो क्वाटरमा काठमाडौंका वाङचेन चाप र आयुष गौतम तथा फुरी शेर्पा र अमिर श्रेष्ठबीच खेल हुनेछ ।
