काठमाडौं (हाम्रो खेलकुद) – विश्व तेक्वान्दोको तत्वाधानमामा युके स्पोर्टस् र जिबी तेक्वान्दोको सहयोगमा तेक्वान्दो विकास साझेदारी प्रोजेक्ट नेपाल अन्तरगत तेक्वान्दो प्रशिक्षण क्याम्प सम्पन्न भएको छ ।
ललितपुर स्थित तेक्वान्दो एकेडेमी हलमा अप्रिल १ देखि संचालन भएको उक्त टेनिङ्ग क्याम्पमा प्रशिक्षणमा केन्द्र, प्रदेश, नेपाली सेना, नेपाल प्रहरी र शसस्त्र प्रहरी बलका ५० जना खेलाडीहरु सहभागी भएका थिए । यसअघि उक्त कार्यक्रम काठमाडौं र पोखरामा प्रशिक्षकहरुका लागि संचालन गरिएको थियो भने आज सम्पन्न तालिममा राष्ट्रिय स्तरका खेलाडीहरुलाई समावेश गरिएको थियो ।
५ दिनसम्म संचालित कार्यक्रममा युके स्पोर्टस्का अध्यक्ष एवं ४ पटक स्वर्ण विजेता डेम काथिरेन ग्रेन्जर र जिबी तेक्वान्दोका अध्यक्ष एवं विश्व तेक्वान्दो प्रतियोगिताका स्वर्ण पदक विजेता सारह स्टेफेन्सन जेनिङले प्रशिक्षण दिएका थिए ।
नेपाल ओलम्पिक कमिटिका मानार्थ अध्यक्ष एवं पूर्व प्रहरी माहानिरिक्षक धुव्र बहादुर प्रधानले प्रशिक्षणमा सहभागी भई उतिर्ण भएका खेलाडीहरुलाई प्रमाणपत्र वितरण गरे ।
