दाङ (हाम्रो खेलकुद) – विभागीय नेपाल एपीएफ क्लबका गोपीचन्द्र पार्की र प्रदेश ३ की सन्तोषी श्रेष्ठले आठौं अन्र्तगत ५००० मिटर दौडमा स्वर्ण जितेका छन् ।
गोपीचन्द्र पुरुषमा तथा सन्तोषी श्रेष्ठले महिलामा स्वर्ण जित्न सफल भएकी हुन् । दाङ बेलझुन्डीस्थित नवनिर्मित ट्याकमा आइतबार बिहान भएको स्पर्धामा गोपीले स्वर्ण जित्ने क्रममा निर्धारित दुरी १४ मिनेट ४४ दशमलब २३ सेकेन्डमा पुरा गरे ।
प्रदेश ६ का दुर्गा बुढाले १४ मिनेट ४६ दशमलब ५४ सेकेन्डमा दुरी पार गर्दै रजत तथा गण्डकी प्रदेशका अनिष थापामगरले कास्य हात पारे । महिलातर्फ प्रदेश ३ की सन्तोषी श्रेष्ठले निर्धारित दुरी १६ मिनेट ३८ दशमलब ५३ सेकेन्डमा पार गर्दै पुरा स्वर्ण हात पारिन् ।
आर्मीकी विश्वरुपा बुढाले १६ मिनेट ४६ दशमलब ०३ सेकेन्डमा पुरा गर्दै रजत जित्दा एपीएफकी बिन्द्रा धन्के श्रेष्ठले १७ मिनेट ०३ दशमलब ७५ सेकेन्डमा दुरी पार गर्दै कास्य हात पारिन् ।
