काठमाडौं (हाम्रो खेलकुद) – नेपाली युवा ब्याडमिन्टन स्टार प्रिन्स दाहाल थाइल्यान्डको बैंककमा जारी सिंगा–रोजा बिटीवाई जुनियर इन्टरनेशनल च्यालेन्ज–२०१९ को पुरुष यु–१९ को दोस्रो चरणमा जापानी खेलाडीसँग पराजित भएको छ ।
पहिलो चरणमा मंगलबार थाइल्यान्डका खेलाडीलाई पराजित गरेको प्रिन्स बुधबार दोस्रो चरणमा जापानी खेलाडी सोतारो इनामिट्सुसाग २–१ को सेटमा पराजित भएका हुन् ।
प्रतिस्पर्धात्मक पहिलो सेट प्रिन्सले १५–२१ ले गुमाएको थियो । दोस्रो सेट प्रिन्सले २१–१८ ले जित्दै खेललाई १–१ को बराबरीमा ल्याएपनि तेस्रो सेट २१–१२ ले गुमाउन पुगेको थियो ।
अब प्रिन्सले पुरुष यु–१७ मा प्रतिस्पर्धा गर्दैछ । यु–१७ को पुरुषमा प्रिन्सले मंगलबार जापान र थाइल्यान्डका खेलाडीलाई पराजित गर्दै तेस्रो चरणमा स्थान बनाएका थिए ।
तेस्रो चरणमा प्रिन्सले मलेसियाका स्यामुइल लिसँग प्रतिस्पर्धा गर्नेछ ।
