पोखरा (हाम्रो खेलकुद) – नेपाल तथा पर्यटकीय नगरी पोखरामा पहिलोपटक आयोजना भएको एयिसन कप ट्राइयााथलन च्याम्पियनसिपको उपाधि जापानका माकोतो ओदाकुराले जितेका छन् ।
पोखराको फेवातालमा शनिबार बिहान भएको च्याम्पियनसिपमा जापानका माकोतो ओदाकुराले निर्धारित दुरी ५४ मिनेट १६ सेकेन्डमा पुरा गर्दै उपाधि जितेका हुन् । पोल्यान्डका डाम एमसिन्टेसले ५४ मिनेट ३३ सेकेन्डमा दुरी पार गर्दै दोस्रो स्थान हात पारे । दक्षिण कोरियाका जि ह्वान किमले ५५ मिनेट ०२ सेकेन्डमा दुरी पार गर्दै तेस्रो स्थान हात पारे ।
च्याम्पियन माकोतो ओदाकुरा विश्व वरीयतामा ६३औं स्थानमा र क्षेत्रीय वरीयतामा दोश्रो स्थानमा रहेका खेलाडी हुन् ।
महिलातर्फ दक्षिण कोरियाका वाइसि जिन पार्क पहिलो भइन् । जापानकी नाओमी ताकामिनले दोस्रो तथा जापानकै कोनामी युसिदोले तेस्रो स्थान हात पारिन् ।
च्याम्पियनसिपमा पुरुषतर्फ १९ र महिलातर्फ ८ खेलाडीले प्रतिस्पर्धा गरेका थिए । पुरुषतर्फ नेपालबाट नितेश मानन्धर, बसन्त थारु र दिपेश चौधरीले प्रतिस्पर्धा गरेका थिए । महिलामासोनी गुरुङ र केशरी थापा मगरले प्रतिस्पर्धा गरेका थिए ।
प्रतियोगितामा जापान, कोरिया, काजाकिस्तान, लिथुनिया, पोल्याण्ड, अष्ट्रेलिया, भारत र बंगलादेशका साथै नेपालका खेलाडीले पनि प्रतिस्पर्धा गरेका थिए ।
च्याम्पियनसिपमा ट्राइयाथन र दुवाथलनतर्फ प्रतिस्पर्धा भएको थियो । ट्राईयाथलनको स्प्रिन्ट विधामा २० किलोमिटर साइक्लिङ, ७ सय ५० मिटर स्विमिङ र ५ किलोमिटरको दौड हुनेछ ।
दुआथोलन स्प्रिन्टमा ५ किमि दौड, २० किलोमिटर साइक्लिङ, २.५ किलोमिटरको दौड हुनेछ ।आयोजकले प्रतियोगिताको लागि गौरीघाट देखि मुस्ताङ चोक सम्मको स्थललाई तोकेको छ ।
एसियन कपकै दौरान दक्षिण एसियाली ट्राईयालन च्याम्पियनसिप पनि आयोजना हुदैछ ।
