एजेन्सी – कीर्तिमानी च्याम्पियनद्धय दोस्रो र तेस्रो वरीयताका राफयल नाडाल र रोजर फेडेरर फ्रेन्च ओपनको चौथो चरणमा प्रवेश गरेका छन् ।
पेरिसमा शनिबार राति भएको खेलमा दोस्रो वरीयताका स्पेनिस नाडालले बेल्जियन डेभिड गोफिनलाई ३–१ को सेटमा पराजित गर्दै चौथो चरणमा पुग्न सफल भएको हो । नाडालले फेडेररमाथि ६–१, ६–३, ४–६ र ६–३ को जित निकाल्यो । अब नाडालले अर्जेन्टिनाका जुवान लोन्डेरोसँग खेल्नेछ ।
तेस्रो वरीयताका स्वीडिस रोजर फेडेररले नर्वेका कास्पर रुडलाई ६–१, ६–३ र ७–६ ले हरायो ।
चौथो चरणमा पुगेसँगै २००९ को च्याम्पियन ३७ वर्षीय रोजर फेडेरर फ्रेन्च ओपनको चौथो चरणमा प्रवेश गर्ने पाका खेलाडी बनेका छन् । जिम्मी कोनोर्स सन् १९९१ मा चौथो चरणमा प्रवेश गरेका थिए ।
सन् २०१५ पछि पहिलोपटक फ्रेन्च ओपन खेलेका फेडेररले अब चौथो चरणमा अर्जेन्टिनाका लियोनार्दाे मेयरसँग प्रतिस्पर्धा गर्नेछ ।
