काठमाडौं (हाम्रो खेलकुद) – चेक रिपब्लिकमा भएको सातौं अन्तर्राष्ट्रिय कराते लायन्स कपमा नेपालका पर्शुराम बास्तोलाले स्वर्ण जितेका छन् । समग्रमा नेपालले १ स्वर्ण र ४ रजतपदकसहित पाँचौ स्थान हात पारेको छ ।
१४ जुनदेखि १६ जुनसम्म आयोजना भएको अन्तर्राष्ट्रिय करातेमा नेपालका लागि पर्शुराम बास्तोलाले व्यक्तिगत काता मास्टर ३५–४५ मा स्वर्ण जिताए । पहिलो राउनडमा अष्ट्रेलियाबाट वाकओभर पाएका पर्शुले क्वाटरफाइनलमा डोकिन रिपब्लिकलाई ५–० ले पराजित गर्दै सेमिफाइनलमा स्थान बनाएका थिए । पर्शुले सेमिफाइनलमा चेकरिपब्लिकलाई ३–२ ले तथा फाइनलमा चेककै खेलाडीलाई पराजित गर्दै स्पर्ण दिलाएका हुन् ।
व्यक्तिगत कता सिनियरमा पर्शुरामले रजत जिते । पर्शुरामले पहिलो राउन्डमा चेकका खेलाडीलाई ३–२ ले पराजित गरेको थियो । क्वाटरफाइलमा स्लोभाकियालाई ४–१ र सेमिफाइालमा मालीलाई ५–० ले पराजित गरेको पर्शुराम फाइनलमा आयोजक चेकका खेलाडीसँग ३–२ ले पराजित हुदै रजतमा चित्त बुझाए ।
यु–२१ ब्वाइज ६० केजी तौल समूहमा दोर्जी लामाले रजत जिते । उनी फाइनलमा चेकका खेलाडीसँग ४–० ले पराजित भए । यु–२१ ६७ केजी तौलसमूहमा रोहित बुढाथोकी फाइनलमा १५ सेकेन्डको समयमा चुक्दा चेकका खेलाडीसँग १–० ले पराजित हुदै रजतमा खुम्चिए ।
सिनियर ७५ केजी ब्वाइज कुमुतेमा सुशिल पौडेलले पनि रजत जिते । उनी फाइनलमा चेकका खेलाडीसँग ३–७ ले पराजित भए । नेपाली टोलीको कप्तानी पर्शुराम बास्तोलाले गरेको थियो ।
सातौं अन्तर्राष्ट्रिय कराते लायन्स कपमा सहभागी हुन ४ सदस्यीय नेपाली कराते टोली गत बुधबार चेक प्रसथान गरेको थियो । सातौं अन्तर्राष्ट्रिय कराते लायन्स कपमा १८ देशका विभिन्न ६२ क्लबका करिव १ हजार खेलाडीले प्रतिस्पर्धा गरेका थिए ।
पर्शुराम कराते वान सिरिज ए मोन्ट्रियलमा सहभागी हुन चेकबाटै क्यानाडा जाने छन् । उक्त प्रतियोगिता जुन २१ देखि २३ तारिखसम्म हुनेछ । क्यानाडाको प्रतियोगितामा सोनाम लामाले पनि प्रतिस्पर्धा गर्ने छन् । सोनाम नेपालबाट जुन १८ मा क्यानाडा जाँदैछन् ।
