दिल्ली (एजेन्सी)- सनराइजर्स हैदराबाद इन्डियन प्रिमियर लिग (आइपिएल) को दोस्रो प्ले अफका लागि छनोट भएको छ । दिल्लीको फिरोज शाह कोट्ला मैदानमा बुधबार राती भएको इलिमिनेटर खेलमा कोलकाता नाइट राइडर्सलाई २२ रनले हराउँदै हैदराबाद प्ले अफका लागि छनोट भएको हो । अब आइपिएल उपाधिका लागि तीन टोलीमात्र बाँकी रहेका छन् । कलाकार शाहरुख खानको कोलकाता भने प्रतियोगिताबाट बाहिरीएको छ ।
कोलकाताका रविन उथप्पाको विकेट लिएपछि खुसी साट्दै सनराइजर्स हैदराबादका खेलाडी ।
हैदराबादले अब प्ले अफमा गुजरात लायन्सको सामना गर्नेछ । गुजरात पहिलो प्ले अफको पराजित टोली हो । मंगलबार गुजरातलाई हराउँदै रोयल च्यालेन्जर्स बैंगलोर फाइनल पुगिसकेको छ । अब गजरात र हैदराबादबीचको विजेताले बैंगलोरसँग फाइनल खेल्नेछ ।
१ सय ६३ रनको लक्ष्य पछ्याएको कोलकाताले ८ विकेटको क्षेतिमा १ सय ४० रनमात्र बनाउन सक्यो । हैदराबादको कशिलो बलिड् सामूह कोलकाताका ब्याट्सम्यानले खुलेर खेल्न सेकनन् । मनीष पाण्डले सबैभन्दा बढी ३६ रन बनाए । ठूलो साझेदारी गर्न नसकेको कोलकाताका लागि कप्तान गौतम गम्भिरले २८, कालिन मुर्नोले १६, सूर्यकुमार यादवले २३ रन बनाए
हैदराबादका भुवनेश्वर कुमारले ३, हेन्रिक्वेजले २, बिरेन्द्र स्रान र बेन कटिड्ले समान १ विकेट लिए ।
त्यसअघि टस हारेर पहिले ब्याटिडको निम्ता पाएको हैदराबादले माथिल्लो क्रमका ब्याट्सम्यानको सामूहिक प्रदर्शनमा निर्धारित २० ओभरमा ८ विकेट गुमाएर १ सय ६२ रन जोडेको थियो । टोलीका लागि सबैभन्दा बढी युवराज सिंहले बनाएका थिए । उनले ४४, मोसिस हेन्रिक्वेजले ३१, ओपनर डेभिड वार्नरले २८, दीपक होड्डाले २१, अर्का ओपनर शिखर धवनले १० रन बनाएका थिए । तल्लो क्रमका अविजित विपुल शर्माले १४ रन जोडेका थिए ।
चौथो नम्बरमा ब्याटिड् गरेका युवरालले ३० बल खेल्दै ८ चौका र १ छक्का प्रहार गरेका थिए । हेरिक्वेजले २१ बलमा १ चौका र २ छक्का प्रहार गरे ।
कोलकाताका लागि कुलदिप यादवले ४ ओभरमा ३५ रन खर्चेर ३ विकेट लिए भने मोर्ने मोर्केल र जासन होल्डरले समान २ विकेट लिए ।
