काठमाडौं (हाम्रो खेलकुद) – जापानको टोकियोमा आयोजना हुने विश्व जुडो च्याम्पियनसिपमा नेपालका इन्द्र बहादुर श्रेष्ठ र मनिता श्रेष्ठ प्रधानले प्रतिस्पर्धा गर्ने भएका छन् । यस्तै मोहन बमले पनि आफ्नो चुनौती पेश गर्नेछन् ।
पुरुष ६६ केजीमुनि इन्द्रबहादुर श्रेष्ठले प्रतिस्पर्धा गर्नेछन् । पुरुष ६० केजीमुनि मोहन बमले प्रतिस्पर्धा गर्नेछन् । मोहन अस्ट्रेलियाको मेलबर्नमा रहेकाले त्यत्तैबाट जापान जानेछन् । महिला ५७ केजीमुनि मनिता श्रेष्ठ प्रधानले खेल्नेछिन् ।
अगष्ट २५ देखि सेप्टेम्बर १ तारिखसम्म हुने च्याम्पियनसिपमा सहभागी हुन नेपाली जुडो टोली शनिबार त्यसतर्फ प्रस्थान गर्नेछन् ।
प्रशिक्षकमा जुडो मुख्य प्रशिक्षक वीरेन्द्र रन्जित छन् । टोलीलाई संघीय सांसद् एवं नेपाल ओलम्पिक कमिटीका अध्यक्ष जीवनराम श्रेष्ठले बिहीबार एक कार्यक्रमबीच बिदाइ गरे ।
