default_image

8 years ago

June 23, 2016

ओलम्पिक डे मनाइयो

79 views

0 Bookmark

नेपालमा पनि ओलम्पिक डे– २०१६ मनाइएको छ । नेपाल ओलम्पिक कमिटी (एनओसी) अन्तर्गतको स्पोर्ट्स फर अल कमिसनले लगनखेलस्थित नेपाल आर्मी खेलकुद तथा शारीरिक तालिम केन्द्रमा विभिन्न कार्यक्रम आयोजना गरी ओलम्पिक डे मनाएको हो ।

2(4)

सो अवसरमा ओलम्पियनहरु पुष्पराज ओझा, विमला राना मगर, देबु थापा, संगीना वैद्य, जितबहादुर केसी, अमिरी यादव, उमेश मास्के, प्रवीण तुलाधर र मुकुन्द श्रेष्ठ ट्रयाकमा दौडेका थिए । टोलीको नेतृत्व गरेका केसीले ओलम्पिक गेम्स सूचक ओलम्पिक टर्च बोकेका थिए । उक्त टर्च केसीले कमिसनका अध्यक्ष विष्णुगोपाल श्रेष्ठलाई हस्तान्तरण गरेका थिए । लगत्तै सो टर्च श्रेष्ठले एनओसी अध्यक्ष जीवनराम श्रेष्ठलाई हस्तान्तरण गरे । विभिन्न विद्यालयका विद्यार्थी भाइबहिनीहरुले नृत्य प्रस्तुत गरेका थिए भने गायक सत्यराज आचार्य र कुन्ती मोक्तानले गीत प्रस्तुत गरेका थिए ।

कार्यक्रमलाई सम्बोधन गर्दै मन्त्री मण्डलले ओलम्पियनहरु राष्ट्रको गौरव भएकाले उनीहरुलाई सम्मान गर्नु पर्ने बताउदै खेलकुद र खेलाडी विरोधी विरुद्ध सबै एकजुट भएर लड्नु पर्ने आवश्यकता औल्याए ।

एनओसी अध्यक्ष श्रेष्ठले ओलम्पिकको मूल्य र मान्यतालाई सबै माझ पु¥याउन सके खेलकुदको गरिमा अझ बढ्ने बताउदै ओलम्पिक डे सम्पूर्ण खेलाडीहरुको उत्सव भएको धारणा व्यक्त गरे । अध्यक्ष श्रेष्ठले खेलकुदको माध्यमबाट भातृत्वको विकास, देशको प्रगति र समाजमा शान्ति स्थापन गर्न चाहेको बताउदै सबैको समर्पणको भावनाले नेपाली खेलकुदलाई नयाँ उचाइमा पु¥याउन खोजि रहेको बताए ।

कमिसनका अध्यक्ष श्रेष्ठ र राष्ट्रिय खेलकुद परिषद्का उपाध्यक्ष समेत रहेका एनओसीका महासचिव लामा टेन्डी शेर्पाले ओलम्पिकको सुरुआत र महात्वका बारेमा चर्चा गरेका थिए । साथै कमिसनका अध्यक्ष श्रेष्ठले अन्तर्राष्ट्रिय ओलम्पिक कमिटी (आईओसी) का अध्यक्ष थोमस व्याचको सन्देश वाचन गरेर सुनाएका थिए ।

ओलम्पिक डेमा साताव्यापी कार्यक्रम आयोजना गर्ने क्रममा यस पटक विभिन्न राष्ट्रिय खेलकुद संघ र विभिन्न संस्थाले खेलकुदलगायत विभिन्न ५७ कार्यक्रम आयोजना गरेका थिए । ओलम्पिक डेलाई सफलतापूर्वक सम्पन्न गर्न सहयोग गर्ने विभिन्न संस्था र व्यक्तिलाई सो अवसरमा सम्मान पनि गरिएको थियो । जुन २३ का दिनका विभिन्न राष्ट्रमा ओलम्पिक डे मनाउने प्रचलन रहि आएको छ ।

June 10, 2024

छन्त्याल र ढोरपाटनलाई भलिबल उपाधि

सिड्नी (हाम्रो खेलकुद) – छन्त्याल परिवार अस्ट्रेलिया (सिपिए) र ढोरपाटन क्लब अस्ट्रेलियाले मोना एकदिने पुरुष तथा महिला भलिबलको उपाधि जितेका छन् । छन्त्याल पुरुषमा तथा ढोरपाटन महिलामा च्याम्पियन बनेका हुन् । छन्त्याल परिवारले आयोजक म्याग्दी प्रवासी नेपाली संघ (मोना) अस्ट्रेलियालाई ३–२ को सेटमा पराजित गर्दै उपाधि जित्न सफल भएको हो । ओबर्न बास्केटबल सेन्टर लिडकममा […]

June 9, 2024

अष्ट्रेलियाले इंग्ल्यान्डलाई हरायो

एजेन्सी – अष्ट्रेलियाले आइसीसी टि२० विश्वकप अन्तर्गत समूह बी को खेलमा इंग्ल्यान्डलाई पराजित गरेको छ । प्रतियोगितामा लगातार दोस्रो जित हासिल गरेको अष्ट्रेलियाले ३६ रनको जित दर्ता गर्यो । बार्बाडसमा पहिलो ब्याटिङको निम्तो पाएको अष्ट्रेलियाले २० ओभरमा ७ विकेट गुमाएर २ सय १ रन जोडेको थियो । अष्ट्रेलियाका कुनैपनि ब्याटरले ४० रन कटाएनन् तर आक्रामाक […]

June 8, 2024

गण्डकीलाई हराउँदै हेल्प नेपाल च्याम्पियन

काठमाडौं (हाम्रो खेलकुद) – गण्डकी प्रदेश भलिबल संघलाई पराजित गर्दै साविक विजेता टिप टप हेल्प नेपाल आठौं पिएम एनभिए भलिबल लिगको पुरुषतर्फ च्याम्पियन बनेको छ । शनिबार भएको फाइनलमा गण्डकी प्रदेशमाथि ३–१ को सेटमा जित निकाल्दै हेल्प नेपालले उपाधि रक्षा गर्न सफल भएको हो ।त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा भएको फाइनलमा नेपालीसँगै भारतीय […]

Success

Thank you for your time.