काठमाडौं (हाम्रो खेलकुद ) – खेलाडी कल्याणकारी कोषबाट क्यान्सरसँग लडिरहेको बक्सिङका पूर्व खेलाडी इन्द्रवहादुर रानामगर आर्थिक सहयोग गरिएको छ । राष्ट्रिय तथा अन्तर्राष्ट्रिय खेलाडी संघका अध्यक्ष दिपक बिष्टले ५० आइतबार रानामगर उपचार गराइरहेको हरिसिद्धि स्थित नेपाल क्यान्सर अस्पताल पुगेर सहयोगमो ५० हजार रुपैँयाको चेक हस्तान्तर गरे । अध्यक्ष विष्टले रानामगरको उपचार सरकारले गर्नुपर्नेमा जोड दिए । उनले भने ‘ जीवनको अमुल्य समय राष्ट्रका लागि समर्पित गरेका खेलाडीहरुको उपचारको जिम्मा राष्ट्रले लिनुपर्छ । त्यसमा हामी पहल गर्ने छौ । ’

चेक लिदा निकै भावुक भएका रानामगरले भने, ‘मलाई बचाई दिनुहोस म राष्ट्रका लागि अझै केही गर्न चाहन्छु । मलाइ बचाउन डाक्टहरुले पु¬र्णरुपमा सहयोग गर्नु भएको छ, डाक्टरहरु ले खेलाडीको उपचार राष्ट्रले उपचार गर्नु पर्ने हैनर भनेर सोध्दा मनमा भक्कानो फुटेर आयो । अहिले तपाइहरु आउदा साच्चै नै म बाँच्छु भन्ने आशा जागेर आएको छ । ’
रानामगरकी पत्नी दिल कुमारीले गतबर्षबाट उपचारका क्रममा झन्डै १० लाख रुपैयाँ खर्च भइसकेको जनाइन् । उनले भनिन्, ‘ १४ वटा किमो दिई सकेको र अब शल्यक्रिया तयारी भईरहेको छ । शल्यक्रियाका लागि सात लाख रुपैयाँ लाग्छ भनेका छन् । ’
सहयोग हस्तान्तरणमा उपस्थित नेपाल बक्सिङ संघका अध्यक्ष राम अवालेले नेपाल संघले उपचारमा लाग्ने खर्च जुटाउन नेतृत्वदायी भुमिका निभाउने ब्त्ँउ । संघले राष्ट्रिय खेलकुद परिषद मार्फत नेपाल सरकारसंग सहयोगका लागि आव्हान गर्ने प्रतिवद्धता उनले व्यक्त गरे । राष्ट्रिय बक्सिङ खेलाडि एवं पतंजलि योगपीठ हरिद्वारका पुर्णकालीन योग प्रशिक्षक पुष्करराज पन्तले योग तथा आयुर्वेदका माध्यमबाट सक्ने सहयोग गर्ने बताए । रानामगरलाई भेट्न आठौ सागका कराँतेका स्वर्ण पदक विजेता रवि महर्जन, बक्सिङका च्याम्पियन समेत रहेका राष्ट्रिय तथा अन्तराष्ट्रिय खेलाडी संघका सदस्य दिनेश श्रेष्ठ पनि अस्पताल पुगेका थिए ।