दिपक बोहोरा ,पाचथर
पाचथरको दक्षिणी गा.बि.स सराङडाडा ८ स्थित सप्तमी बजारमा रहेको श्री युवा वर्ष उ. मा.वि मा बेलुका विद्यालय छुट्टि भए पछि युवाहरुका चहलपहल सुरु भएको देखिन्छ । हात हात मा टेवल टेनिसको ब्याट बोकेर युबाहरु दैनिक रुपमा बिद्यालय छुट्टि भए पछि टेवल टेनिस खेल्न आउने गरेका छन ।
१ वर्ष अगाडि विद्यालयले टेबल निमार्ण गरि टेवल टेनिस खेल्न मिल्ने बनाए पछि यहाा विद्यार्थिहरु र स्थानिय युवाहरुमा टेवल टेनिस क्रेज बढेको पाइन्छ । खालि पिरियड हुदाा शिक्षकहरु पनि टेवल टेनिसमा रमाएको पाइन्छ । फुटबल खेल्न पानी परेर र मैदान हिलो भएर खेल्न नसकिएको हुदा टेवल टेनिस तिर लागेको युवा प्रकास आले मगरले बताए । विद्यार्थीहरुलाइ पढाइका साथ साथमा खेलकुदको पनि बिकास गर्ने उद्देशयले टेवल टेनिस खेल्ने बातावरण निर्माण गरेका शिक्षक प्रेम भट्टराइले बताउनु भयो ।
