default_image

4 years ago

September 7, 2020

जजलाई बलले लाग्दा जोकोभिच युएस ओपनबाट बाहिरिए

एजेन्सी – उपाधि दाबेदार तथा शीर्ष वरियताका सर्वियन नोभाक जोकोभिच ‘अयोग्य’ ठहरिँदै युएस ओपनको प्रि–क्वाटरफाइनलबाट बाहिरिएका छन् । २०औं वरियताका स्पेनिस खेलाडी पाब्लो कार्रेनो बुस्टासँग खेलका क्रममा पछि परेपछि निराश मुद्रामा रहेका ३३ वर्षे जोकोभिचले हानेको बल लाइन जजलाई लागेको थियो । रेफ्री र प्रतियोगिता आयोजकले त्यसपछि नियमअनुसार जोकोभिचलाई अयोग्य घोषित गरेपछि उनी बाहिरिएका हुन् […]

52 views

0 Bookmark

एजेन्सी – उपाधि दाबेदार तथा शीर्ष वरियताका सर्वियन नोभाक जोकोभिच ‘अयोग्य’ ठहरिँदै युएस ओपनको प्रि–क्वाटरफाइनलबाट बाहिरिएका छन् ।

२०औं वरियताका स्पेनिस खेलाडी पाब्लो कार्रेनो बुस्टासँग खेलका क्रममा पछि परेपछि निराश मुद्रामा रहेका ३३ वर्षे जोकोभिचले हानेको बल लाइन जजलाई लागेको थियो । रेफ्री र प्रतियोगिता आयोजकले त्यसपछि नियमअनुसार जोकोभिचलाई अयोग्य घोषित गरेपछि उनी बाहिरिएका हुन् ।

पहिलो सेटमा शुरुवातदेखि नै अग्रता लिइरहेका बुस्टासँग ६–५ ले पछाडि परेपछि निराश देखिएका जोकोभिचले अर्काे सेटका लागि तयारी भइरहँदा खल्तीबाट बल निकाल्दै टेनिस र्‍याकेटले गरेको बल लाइन जजलाई लाग्न पुगेको थियो ।

उक्त घट्नापछि प्रतियोगिताका अधिकारीहरुको छलफलपछि जोकोभिचलाई अयोग्य घोषित गरेका हुन् । युनाइटेड स्टेट्स टेनिस एसोसिएसनले विज्ञप्ति जारी गर्दै ग्रान्डस्लामको नियम अनुसार, उनलाई जानीजानी कसैलाई बलले हानेका कारण तथा कोर्टभित्र लापरबाहीपूर्वक खेल्नुको परिणामलाई गम्भीरतापूर्वक नलिएका कारण युएस ओपनका रेफ्रीले यस प्रतियोगिताका लागि अयोग्य घोषित गरिएको उल्लेख गरेको छ ।

आफुले हानेको बलले लागेपछि जोकोभिच प्रतियोगिताका मुख्य रेफ्रीसँगै रेफ्री सोरेन फ्रिमेललाई कस्तो छ भनेर सोध्न पुगेका थिए । प्रतियोगिताबाट बाहिरिनुअघि उनले फ्रिमेलसँग केहीबेर कुराकानी पनि गरेका थिए । घटनापछि जोकोभिचले सामाजिक सञ्जालमार्फत आफूले जानीजानी रेफ्रीलाई बलले नहानेको प्रतिक्रिया दिएका छन् ।

‘पुरै परिस्थितिका कारण म एकदमै दुःखी भएको छु । मैले लाइन जजलाई कस्तो छ भनेर सोधेँ । प्रतियोगिताका अधिकारीहरुका अनुसार उनलाई ठीकै छ । मेरो कारणले उनलाई यस्तो तनाव हुन गएकोमा म माफी माग्न चाहन्छु । यो मैले जानजान गरेको होइन ।’

कार्रेनो बुस्टाले नोभाकविरुद्ध खेल्दा मैले यस्तो घटनाको कहिल्यै अपेक्षा नगरेको र यस घटनाबाट आफू ‘स्तब्ध’ भएको बताएका छन् । युएस टेनिस संघका अनुसार अब जोकोभिचको प्रतियोगिताबाट प्राप्त गरेको वरियता अंक र पुरस्कारमार्फत प्राप्त रकम पनि कटौती गरिनेछ ।

March 24, 2024

दोस्रो गल्कोट कप भलिबल अर्काे साता

सिड्नी (हाम्रो खेलकुद) – अस्ट्रेलियाको सिड्नीमा अर्काे साता दोस्रो गल्कोट कप भलिबल प्रतियोगिता आयोजना हुने भएको छ । अस्ट्रेलियामा रहेका बागलुङस्थित गल्कोटबासीको सक्रियतामा स्थापना भएको गल्कोट समाज अस्ट्रेलिया (जिएसए) को आयोजनामा अर्काे साता अर्थात मार्च ३१ तारिखमा एकदिने पुरुष भलिबल प्रतियोगिता आयोजना हुन लागेको हो । एक दिने प्रतियोगिता सिड्नीको ओवर्नस्थित ओवर्न बास्केटबल सेन्टरमा हुनेछ […]

March 23, 2024

फखरउद्दिन र केपी अनुश्री सर्वाेत्कृष्ट

काठमाडौं (हाम्रो खेलकुद) – च्याम्पियन टिप टप हेल्प नेपाल स्पोर्ट्स क्लबका पाकिस्तानी स्पाइकर फखरउद्दिन र एभरेस्ट भलिबल क्लबकी भारतीय स्पाइकर केपी अनुश्री आठौं आरबीबी एनभिए महिला तथा पुरुष भलिबल च्याम्पियनसिपको सर्वोत्कृष्ट खेलाडी चुनिएका छन् । फखरउद्दिन र केपी अनुश्रीले आ–आफ्नो टोलीलाई च्याम्पियन बनाउन महत्वपूर्ण भुमिका निभाएका थिए । फाइनलमा आफ्ना सहयात्री उस्मान फरयाद अलीले प्रदर्शन […]

March 23, 2024

आर्मीमाथि राेमाञ्चक जित निकाल्दै हेल्प नेपाल च्याम्पियन

काठमाडौं (हाम्रो खेलकुद) – विभागीय त्रिभुवन आर्मी क्लबमाथि रोमाञ्चक र प्रतिस्पर्धात्मक जित निकाल्दै टिप टप हेल्प नेपाल आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ च्याम्पियन बनेको छ । तीन पाकिस्तानी र घरेलु भलिबलका चर्चित खेलाडीसम्मिलित हेल्प नेपालले आर्मीमाथि ३–२ को रोमाञ्चक र प्रतिस्पर्धात्मक जित निकाल्दै लगातार च्याम्पियन बन्न सफल भएको हो । त्रिपुरेश्वरस्थित […]

Success

Thank you for your time.