काठमाडौं (हाम्रो खेलकुद)– ह्वाइ हर्ष फुटसलले मंगलबार रेडबुल फुटसल लिग अन्तर्गत समूह एमा सफलता हासिल गर्दा बीमा शंखमुल र हरिसिद्धि फुटसलले बराबरी खेलेका छन् ।
ढुकु फुटसल महाराजगञ्जको होमा ह्वाइट हर्स ३–२ को जित निकालेको हो । ह्वाइट हर्सका लागि मनोज प्रजापति, नितेश महर्जन र रितेश लामाले गोल गरे । ढुकुका लागि दुवै गोल अविल हमिदले गरे ।
ह्वाइट हर्सलाई जिताउन महत्वपूर्ण भूमिका खेलेका रितेश लामा खेलको म्यान अफ द म्याच बने । लिगमा ४ खेल खेलेको ह्वाइट हर्सले ७ अंक जोडेको छ भने ४ वटै खेल खेलेको ढुकुको ६ अंक रहेको छ ।
त्यसैगरी समूह बीको खेलमा शंखमुल र हरिसिद्धि फुटसलले ४–४ को बराबरी खेलेका छन् । होममा शंखमुलका अभय राणाले २ गोल गरे भने शेरबहादुर थापा र विप्लवध्वज शाहले १÷१ गोल गरे । हरिसिद्धिका रैफी महर्जन र लालबहादुर तामाङले २÷२ गोल गरे । हरिसिद्धिका किपर निरज महर्जन भ्यान अफ द म्याच घोषित भए ।
लिगमा ४ खेल खेलेका दुबै टोलीले ७ अंक बटुलेका छन् । लिगमा गोल भिन्नतामा शंखमुल अगाडि छ । नेपाली फुटसल इतिहासकै सर्वाधिक पुरस्कार राशिको फुटसल लिगमा समूह बीमा ताहाचल समूह एमा किकअफ फुटसलले लिगको शीर्ष स्थान कब्जा गर्न सफल भएका छन् । समूह बीमा रहेको ताहाचलले ४ खेल खेल्दै ३ मा जित र एकमा हार बेहोर्दै ९ अंकसहित समूह बीमा शीर्ष स्थान ओगटेको छ भने ४ खेल खेलेको किकअफको १२ अंक छ ।
