2 years ago
August 26, 2022
काठमाडौं (हाम्रो खेलकुद)– बागमती प्रदेशले प्राथमिकतामा राखेका ९ खेलका खेलाडीले नवौं राष्ट्रिय खेलकुदमा स्वर्ण पदक जित्ने खेलाडीलाई मासिक भत्ता उपलब्ध गराउने भएको छ । अर्को महिना गण्डकी प्रदेशमा आयोजना हुने नवौं राष्ट्रिय खेलकुदमा प्रदेशको तयारी र योजना सार्वजनिक गर्न शुक्रबार काठमाडौंमा आयोजित पत्रकार सम्मेलनमा प्रदेश युवा तथा खेलकुद मन्त्री रत्नप्रसाद ढकालले स्वर्ण पदक विजेतालाई मासिक […]
काठमाडौं (हाम्रो खेलकुद)– बागमती प्रदेशले प्राथमिकतामा राखेका ९ खेलका खेलाडीले नवौं राष्ट्रिय खेलकुदमा स्वर्ण पदक जित्ने खेलाडीलाई मासिक भत्ता उपलब्ध गराउने भएको छ ।
अर्को महिना गण्डकी प्रदेशमा आयोजना हुने नवौं राष्ट्रिय खेलकुदमा प्रदेशको तयारी र योजना सार्वजनिक गर्न शुक्रबार काठमाडौंमा आयोजित पत्रकार सम्मेलनमा प्रदेश युवा तथा खेलकुद मन्त्री रत्नप्रसाद ढकालले स्वर्ण पदक विजेतालाई मासिक ६ हजार रुपैयाँ भत्ता स्वर्ण उपलब्ध गराउने जानकारी दिए । नवौंमा स्वर्ण जित्ने खेलाडीले दसौं राष्ट्रिय खेलकुद सम्म भत्ता प्राप्त गर्ने बताएको छ ।
‘नवौंमा स्वर्ण पदक जित्ने हाम्रा खेलाडीलाई दसौं राष्ट्रिय खेलकुदको अगाडि सम्म भत्ता उपलब्ध गराउनेछौं, मन्त्री ढकालले भने,‘समग्र खेलकुदमा नै यो महत्वपूर्ण घोषणा हो ।’ बागमती प्रदेशले भलिबल, फुटबल, क्रिकेट, एथलेटिक्स, तेक्वान्दो, कराते, बक्सिङ, पौडी र ब्याडमिन्टन खेललाई प्राथमिकतामा राखेको छ । तीनै प्राथमिकतामा राखेमध्येका ८ खेल समावेश गर्दै गत वर्ष पहिलो प्रदेश खेलकुद आयोजना भएको थियो ।
प्रदेश खेलकुद विकास परिषद् बागमतीका सदस्य सचिव सुर्यलाल भण्डारीले खेलहरुको प्राथमिकता निर्धारण गरेर ९ खेलका स्वर्ण विजेता खेलाडीलाई भत्ता उपलब्ध गराउन सुरुवात गरिएको जनाउँदै भने, ‘यो सुरुवात मात्र हो । खेल र खेलाडीको दायरा बिस्तारै बढाउँदै लैजाने लक्ष्य छ । विस्तारै अन्य प्रदेशले पनि खेलाडीको प्रोत्साहनमा ध्यान दिनेछन् भन्ने विश्वास लिएका छौं ।’
प्रदेशले ९ खेललाई प्राथमिकतामा राखेपछि गण्डकी प्रदेशमा असोज २८ गते कात्तिक ३ गते सम्म आयोजना हुने नवौं राष्ट्रिय खेलकुदमा भने बागमतीले सबै ३६ खेलमा भाग लिने निर्णय गरेको छ । नवौंका लागि प्रदेशले आफ्नो खेलाडीलाई ४५ दिन बन्द प्रशिक्षणमा राख्ने भएको छ । भदौ २० गते भित्र खेलाडी छनोट गरि भदौ २५ गते भित्र खेलाडीको विवरण राष्ट्रिय खेलकुद आयोजक समितिलाई पठाइन सक्ने बागमती प्रदेश खेलकुद परिषद्को योजना रहेको छ ।
नवौं राष्ट्रिय खेलकुदको सहभागितालाई झण्डै ९ करोड ४४ लाख ८ सय रुपैयाँ खर्च हुने प्रदेशको अनुमान रहेको र त्यसका लागि प्रदेश सरकारले ५ करोड विनियोजन गरेको मन्त्री ढकालले जानकारी दिए । राष्ट्रिय खेलकुद परिषदबाट ४९ लाख रुपैयाँ निकासा भइसकेको र नपुग रकम बागमती प्रदेश सरकार, आर्थिक मामिला तथा योजना मन्त्रालयमा माग गर्ने निर्णय भएको पनि कार्यक्रममा जानकारी गराइयो । बागमती प्रदेशबाट ७ सय ९ खेलाडीले नवौं राष्ट्रिय खेलकुदमा प्रतिस्पर्धा गर्ने बताइएको छ ।
May 2, 2024
हिमाल खरेल,मोरङ सिओल ओलम्पिक १९८८ का सहभागी १२ नेपाली ओलम्पियनलाई विशेष सम्मान गरिएको छ । मोरङको सुन्दरहरैँचास्थित होटल नेपालीरिका आयोजित तेस्रो ओलम्पियन्स रियुनियन (पुनर्मिलन) तथा सेलिब्रेटी खेलाडी भेट कार्यक्रमअन्तर्गत आज साँझ उनीहरुलाई सम्मान गरिएको हो । कोशी प्रदेश खेलकुद विकास बोर्डको आयोजना तथा नेपाल ओलम्पियन्स एसोसिएसनको संयोजनमा भएको कार्यक्रममा राजकुमारी पाण्डे, मेनुका राउत, हरि रोकाया, […]
May 2, 2024
हिमाल खरेल,इटहरीतेस्रो ओलम्पियन्स रियुनियन (पुनर्मिलन) तथा सेलिब्रेटी खेलाडी भेट कार्यक्रमअन्तर्गत सुनसरीको इटहरीमा वाकाथन (पैदल यात्रा) सँगै स्वागत कार्यक्रम सम्पन्न भएको छ । कोशी प्रदेशको खेलकुदसँगै आन्तरिक पर्यटन प्रवर्धनका लागि ओलम्पिकमा सहभागिता जनाएका खेलाडी तथा खेलकुदका चर्चित अनुहारलाई पुनर्मिलन गराउने कार्यक्रमको सुरुवात कोशी प्रदेशका उद्योग, कृषि तथा सहकारीमन्त्री रामकुमार मन्त्री खत्रीले गरेका थिए । आज बिहीबार […]
May 1, 2024
ललितपुर (हाम्रो खेलकुद)- नेपाल च्याम्पियन फिडे मास्टर रुपेश जैसवालले नवौं गणेशमान सिंह स्मृति राष्ट्रिय रेटिङ बुद्धिचाल प्रतियोगिताको उपाधि जितेका छन्। रुपेशले बुधबार फाइनलमा क्याण्डिडेट मास्टर मिलन लामासंगको क्लासिकलतर्फको पहिलो र दोस्रो खेल बराबरी खेलेका थिए। क्लासिकलमा १/१ को बराबरीले नतिजा नआएपछि खेल ट्राइबेकरमा धकेलिएको थियो। द्रुतगतिको ५/५ मिनेटको खेलमा सेतो र कालो गोटीको दुबै खेलका […]