default_image

8 months ago

June 16, 2023

१९ औं एसियाडका लागि अब एक सय दिन बाँकी

काठमाडौं (हाम्रो खेलकुद)– चीनको हान्जाउमा १९ औं एसियाली खेलकुद (एसियाड) सुरु हुन अब एक सय दिन बाँकी रहेको छ । एसियाडको १ दिनको काउन्ट डाउनका लागि नेपाल ओलम्पिक कमिटी (एनओसी) र राष्ट्रिय खेलकुद परिषद् (राखेप) को संयुक्त आयोजनामा शुक्रबार एक कार्यक्रमको आयोजना भएको छ । राखेप परिसर सातदोबाटोमा आयोजना भएको कार्यक्रममा युवा तथा खेलकुद मन्त्री […]

102 views

0 Bookmark

काठमाडौं (हाम्रो खेलकुद)– चीनको हान्जाउमा १९ औं एसियाली खेलकुद (एसियाड) सुरु हुन अब एक सय दिन बाँकी रहेको छ । एसियाडको १ दिनको काउन्ट डाउनका लागि नेपाल ओलम्पिक कमिटी (एनओसी) र राष्ट्रिय खेलकुद परिषद् (राखेप) को संयुक्त आयोजनामा शुक्रबार एक कार्यक्रमको आयोजना भएको छ ।


राखेप परिसर सातदोबाटोमा आयोजना भएको कार्यक्रममा युवा तथा खेलकुद मन्त्री डिगबहादुर लिम्बुले एसियाडमा भाग लिनका लागि सबै खेलाडी तयारीमा जुटेको उल्लेख गर्दै खेलाडीले अझै कडा मेहेनत गरेर जितका लागि प्रतिबद्ध हुनुपर्नेमा जोड दिएका छन् । एसियाडका लागि व्यग्रताका साथ प्रतीक्षा भइरहेको र खेलाडीहरु पनि उत्साहित रहेको मन्त्री लिम्बुले बताए ।

राखेपका सदस्य सचिव टंकलाल घिसिङले एसियाडका लागि गत वर्षबाटै तयारीमा जुटेको जनाउँदै त्यसको नवौं राष्ट्रिय खेलकुदमा ६ हजार १ सय २७ खेलाडीले सहभागी रहेको स्मरण गरे । घिसिङ राखेपको जेठ ७ गते बसेको बोर्ड बैठकले एसियाडमा २९ खेलको सहभागिता गर्ने निर्णय गरेसँगै तयारीले थप गति लिएको बताएका छन् ।

उनले गत मंसिरमा सरकारले खेलकुद नियमावली पारित गरेसँगै त्यसमा पुरस्कार राशीको तोकिएको जानकारी दिए । घिसिङका अनुसार एसियाडमा व्यक्तिगततर्फ स्वर्ण पदक जित्ने खेलाडीले ३२ लाख ५० हजार, रजत जित्नेले १९ लाख ५०, कास्य जित्नेले १३ लाख रुपैयाँ प्राप्त गर्ने बताए । त्यस्तै समूहगत खेलका खेलाडीले स्वर्णका लागि जनही १३ लाख , रजत जित्नेले ६ लाख ५० र कास्य जित्नेले ३ लाख ९० हजार रुपैयाँ प्राप्त गर्नेछन् ।

त्यस्तै स्वर्ण जित्ने खेलका मुख्य प्रशिक्षक ६ लाख ५० हजार, सहायक प्रशिक्षक, व्यवस्थापक , फिजियोले समान ३ लाख ५० हजार र सम्बन्धित खेल संघले १३ लाख रुपैयाँ प्राप्त गर्नेछ । त्यस्तै रजत पदक जित्ने खेलका मुख्य प्रशिक्षक ३ लाख ९० हजार, सहायक प्रशिक्षक, व्यवस्थापक, फिजियाले समान १ लाख ९५ हजार र संघलाई ६ लाख ५० हजार रुपैयाँ प्राप्त गर्नेछ । कास्य पदक जित्ने खेलका मुख्य प्रशिक्षकले २ लाख ६०,सहायक प्रशिक्षक,व्यस्थापक, फिजियोले समान १ लाख ३० हजार र संघले ३ लाख ९० हजार रुपैयाँ प्राप्त गर्नेछन् ।

एनओसीका महासचिव निलेन्द्रराज श्रेष्ठले धन्यवाद ज्ञापन गरेको कार्यक्रमलाई सहयोग पुर्याउने संघ संस्था र व्यक्तिलाई प्रशांसा पत्र प्रदान गरिएको थियो । पौडी, कराते, तेक्वान्दोको प्रर्दशनिय खेल र बि बोइङ प्रदर्शन गरिएको थियो । गायक दीपक ब्रजाचार्यको समूहले सांगितिक प्रस्तुती दिएको थियो । १९ औं एसियाड असोज ६ गते देखि २१ गते सम्म सन्चालन हुनेछ ।

February 25, 2024

बागलुङलाई सन्तोष थापा स्मृति कप भलिबल उपाधि

काठमाडौं (हाम्रो खेलकुद) – जिल्ला भलिबल संघ बागलुङले सन्तोष थापा स्मृति कप आमन्त्रित जिल्ला स्तरीय पुरुष भलिबल प्रतियोगिताको उपाधि जितेको छ । आइतबार भएको फाइनलमा जिल्ला भलिबल संघ स्याङ्जालाई ३–१ को सेटमा पराजित गर्दै उपाधि जित्न सफल भएको हो । बागलुङले सुरुवाती सेट गुमाएपनि त्यसपछिको तीन सेट आफ्नो पक्षमा पार्दै उपाधि हत्याउन सफल भयो । […]

February 25, 2024

खुल्ला राष्ट्रिय पुरुष हेटौंडा रन यसै साता

हेटौंडा (हाम्रो खेलकुद)- हेटौंडामा पहिलो पटक खुल्ला राष्ट्रिय पुरुष हेटौंडा रन प्रतियोगिता हुने भएको छ । गत वर्षहरुमा जिल्ला स्तरमा आयोजना हुने प्रतियोगिता यस पटक राष्ट्रिय स्तरका रुपमा सञ्चालन गर्न लागिएको बताइएको छ। हेटौंडा उपमहानगरापालिकाको सहयोग र नगर खेलकुद बिकास समितिको समन्वय तथा व्यवस्थापनमा सञ्चालन फागुन १८ गते हेटौंडा रन हुने आइतबार पालिकामा आयोजित पत्रकार […]

February 25, 2024

राष्ट्रिय महिला हक्की च्याम्पियनसिप- कोशी टोलीको बिदाइ

बिर्तामोड (हाम्रो खेलकुद)- मधेश प्रदेशको धनुषामा हुने राष्ट्रिय महिला हक्की च्याम्पियनसिपमा भाग लिने कोशी प्रदेशका खेलाडीलाई बिदाइ गरिएको छ । झापाको बिर्तामोडमा एक कार्यक्रमका बीच झापा जिल्ला हक्की संघले आज महिला खेलाडीहरुलाई बिदाइ गरेको हो । प्रथम मदन भण्डारी राष्ट्रिय महिला हक्की च्याम्पियनसिप २०८० मा सहभागी हुने कोशी प्रदेशको टिममा प्रतिनिधित्व गर्ने सबै खेलाडी झापा […]

Success

Thank you for your time.