ठमाडौं (हाम्रो खेलकुद)– नेपाल बीमा प्राधिकरणले खेलकुद बीमालेख जारी गरेसँगै खेलकुद बीमा सम्बन्धि नीति कार्यान्वयनमा आएको छ । राष्ट्रिय खेलकुद परिषद्का सदस्य सचिव टंकलाल घिसिङले शुक्रबार पत्रकार सम्मेलन गर्दै खेलकुदमा नयाँ अध्याय सुरु भएको बताएका छन् ।

घिसिङले सदस्य सचिवको कार्यभार सम्हाल्ने क्रममा खेलकुद बीमालेख कार्यान्वयन गर्ने प्रतिबद्धता व्यक्त गरेका थिए । खेल संघको संस्थागत विकास सुरु भएको सात दशक भन्दा लाामो समयदेखि खेलकुद बीमा सम्बन्धि कुनै नीतिगत व्यवस्था हुन नसकेको जनाउँदै खेलकुद बीमा सम्बन्धि नीति कार्यान्वयनमा आएकोमा खुसी व्यक्त गरेका छन् ।

खेलकुद बीमालेख कार्यान्वयनमा आएसँगै खेल्ने क्रममा खेलाडी तथा खेलकर्मीको चोटपटकदेखि दुर्घटना समेतको जोखिम न्युनीकरणमा सहयोग पुग्नेछ । उनले पत्रकार सम्मेलनमा भने ‘खेलाडी तथा खेलकर्मीको पूर्ण रुपमा सुरक्षा गर्ने उद्देश्यका साथ बीमालेख जारी भएको छ । बीमालेखले खेलाडीमा आत्मविश्वासका साथ खेल्न सक्ने वातावरण बढाउनेछ ।’

खेलकुदका प्रतियोगिता आयोजना गर्दा पछिल्लो समय खेलाडीको बीमा अनिवार्य गरिएपनि बीमालेख सम्बन्धि स्पष्ट नीति भने थिएन । बीमालेख जारी भएपछि सबै खाले प्रतियोगितामा खेलाडी दुर्घटना बीमालाई अनिवार्य बनाई खेलाडीलाई आत्मविश्वासका साथ खेल्ने वातावरण बन्ने सदस्य सचिव घिसिङको विश्वास छ ।

बीमालेखले दुर्घटना भए तत्काल र १ सय ८३ दिनभित्र मृत्यु भएका क्षतिपूर्तिको व्यवस्था गर्नुपर्नेछ । त्यस्तै पार्थिक शरिर व्यवस्थापन खर्च, काजकिरिया खर्च, स्थाई पूर्ण असक्तता सम्बन्धि व्यवस्था पनि गरेको छ । बीमालेखले खेललाई न्यून जोखिम, सामान्य जोखिम र जोखिमयुक्त गरि तीन भागमा वर्गिकरण गरेर सोही अनुसारको व्यवस्था ऐनमा रहेको बताइएको छ ।

बीमा लेखको विशेषता
१) खेलहरुको वर्गीकरण

क) न्यून जोखिम – टेबलटेनिस, सफ्ट टेनिस,टेनिस, सुटिङ,गल्फ,बडीविल्डिङ,स्क्वास)
ख) सामान्य जोखिम – व्याडमिन्टन,क्रिकेट, हक्की, भलिबल, एथलेटिक्स, फेन्सिङ,जुडो,जिम्न्याष्टिक, ह्याण्बल, बास्केटबल, पौडी, सेपाकताक्रो, भारोत्तोलोन, ट्रायथलन, कबड्डी,खोखो, रिङ रेस्लिङ, कराते, तेक्वान्दो, उसु, बक्सिङ, फुलकन्ट्याक्ट कराते, कुस्ती, साईक्लिङ ।
ग) जोखिमयुक्त –मोटर तथा मोटरसाईक्लिङ स्पोर्टस, राफ्टिङ एण्ड क्यानोई, क्वालाईविङ, पेन्टथोलन, बन्जी जम्पिङ तथा क्यान्योनिङ, मुवाँथाई, माउण्टेन रनिङ, आईस हक्की एण्ड अल्पाईन स्पोर्टस वाटर स्पोर्टस, रग्वी, प्याराग्लाइडिङ र फुटबल

२) दुर्घटनाका कारण तत्काल वा १ सय ८३ दिन भित्र मृत्य’ भएमा क्षतिपूर्तिको व्यवस्था

३) पार्थिव शरिर व्यवस्थापन खर्च

४) काजकिरिया खर्च

५) स्थाई पूर्ण असक्तताक सम्वन्धि व्यवस्था

६) बीमालेखको अवधि

७) बीमा शुल्क दर बीमा लेखको विशेषता